Fréttatíminn - 28.10.2016, Blaðsíða 14

EXPLORE WITHOUT LIMITS
®
ARCTIC TRUCKS ÍSLAND EHF.
KLETTHÁLSI 3
110 REYKJAVÍK
SÍMI: 540 4900
NETFANG: info@arctictrucks.is
www.arctictrucks.com
VÖNDUÐ JEPPADEKK
FYRIR ÍSLENSKAR AÐSTÆÐUR
VÖNDUÐ OG HLJÓÐLÁT
DEKK UNDIR FLESTAR
GERÐIR JEPPA OG
JEPPLINGA.
STÆRÐIR FRÁ 29-44 TOMMU.
ÖLL ALMENN
DEKKJAÞJÓNUSTA
TÍMABÓKANIR
Í SÍMA 540 4900
14 | FRÉTTATÍMINN | Föstudagur 28. október 2016
Hvað myndi Jón Sigurðsson kjósa?
Sumir halda því fram að sjálfstæðisbarátta Íslendinga sé ævarandi
og eilíf. Þannig þurfi smáþjóðin hér norður í hafi að standa af sér
veðrin í lífsins ólgusjó og gera sig gildandi gagnvart umheiminum.
Jón Sigurðsson er aðalpersóna í því hvernig við minnumst
sjálfstæðisbaráttunnar. Þjóðhátíðardagurinn, 17. júní, er hans
fæðingardagur og lýðveldið sjálft þannig bundið persónu þessa
manns sem stóð í stappi við dönsk yfirvöld á sinni tíð. En hvað
myndi Jón Sigurðsson kjósa nú, ef hann væri á kjörskrá fyrir komandi
alþingiskosningar sem fara fram um næstu helgi? Fréttatíminn hafði
samband við nokkra einstaklinga og bar þessa einföldu spurningu
undir þá: Hvað myndi Jón kjósa?
Guðni Tómasson
gudni@frettatiminn.is
Klárlega Sigmundarmaður
„Ég fékk mér bara kaffibolla
og hugsaði þetta aðeins,“ segir
Hólmgeir Karlsson, fram-
kvæmdastjóri Bústólpa. „Ég er viss
um að Jón Sigurðsson myndi ekki
kjósa neinn flokk sem er hlynntur
ESB aðild, þannig væri Samfylk-
ingin sennilega fyrst út af borðinu.
Hann myndi heldur ekki svo mikið
sem íhuga að kjósa Pírata eða Við-
reisn, flokka sem lítinn eða engan
skilning hafa á matvælaöryggi
þjóðarinnar og landbúnaði sem
grunnatvinnuvegi og undirstöðu að
byggðafestu í landinu.
Landbúnaðarstefna, byggða-
sjónarmið og jöfnuður Vinstri
grænna yrðu honum hugstæð, en
hann myndi samt ekki verða í nein-
um vafa og kjósa Framsóknarflokk-
inn, flokkinn sem gekk gegn straumnum til að verja hagsmuni landsins
og sjálfstæði eftir efnahagshrunið. Hann myndi sennilega ganga svo
langt að flytja til Akureyrar og kjósa Framsóknarflokkinn í Norð-austur-
kjördæmi til að þakka og um leið styðja Sigmund Davíð Gunnlaugsson
sem var leiðtoginn í baráttunni við fjármálaöflin, maðurinn sem fór gegn
straumnum líkt og hann sjálfur gerði forðum. „Vér mótmælum allir“ bar-
áttan var engin búsáhaldabylting, barátta Jóns Sigurðssonar var barátta
fyrir raunverulegu sjálfstæði Íslendinga. Jón barðist við Dani en ríkis-
stjórn Sigmundar Davíðs barðist við fjármálaöflin.“
Frjáls verslun
en ekkert ESB
„Jón Sigurðsson barðist fyrir
frjálsri verslun, frjálslyndi og
sjálfstæði Íslands undan erlendu
valdi,“ segir Sigríður Dúna
Kristmundsdóttir, pró-
fessor í mannfræði við Háskóla
Íslands. Þannig að það liggur nú
nokkuð í augum uppi að hann
myndi líklegast kjósa Sjálfstæð-
isflokk sem hefur lengst allra
flokka haft frjálsa verslun á
stefnuskrá sinni og framkvæmt
margt í þá veru. Viðreisn gæti
komið til greina ef hún hefði ekki
ESB aðild á stefnuskrá sinni, býst
ég við, þar sem Jón vildi ótvírætt
sjálfstæði Íslands.“ Hitt er annað mál að ekki er gott að vita hvernig Jón
hefði hugsað, hefði hann verið uppi dag í allt öðru samfélagi en þá.
Sigríður Dúna er á því að söguleg vitund sé mikilvæg í lýðræðislegri
þátttöku. „Söguleg vitund ætti að skipta miklu máli, en hvort hún gerir
það er síðan annað mál. Sá sem tekur afstöðu án þess að vita af fortíðinni
nema hugsanlega þeirri allra nánustu er dálítið samhengislaus. Menn
þurfa þó ekkert að vera áhugamenn um stjórnmálasöguna til að vita
hvað þeim finnst rétt eða rangt en öll upplýsing er af hinu góða.“