Fréttatíminn - 28.10.2016, Blaðsíða 16

16 | FRÉTTATÍMINN | Föstudagur 28. október 2016
Væri maður
stórra mála
„Þetta er skemmtileg spurning og gaman
að taka þátt í þessum leik,“ segir skáld-
konan Ingunn Snædal í símanum frá
Akureyri. „Ég myndi halda að maður
eins og Jón Sigurðsson, sem í grunninn
var maður viðskiptafrelsis, sem auðvit-
að mætti heimfæra upp á margt, hafi líka
verið maður framtíðarinnar. Hann var
ekki bara pólitíkus heldur líka fræðimað-
ur sem hugleiddi framtíðina og hvert við
stefnum. Þess vegna er ég á því að Jón
forseti myndi kjósa einhvern af þeim
flokkum sem til dæmis vilja nýja stjórnar-
skrá handa þjóðinni. Það finnst mér liggja
í augum uppi. Jón myndi líka átta sig vel
á samhengi milli Íslands og umheimsins,
því hann var alþjóðlega þenkjandi.
Jón væri líka snöggur að átta sig á
ábyrgð þjóða í þeim áskorunum sem
steðja að í umhverfismálum, en það
eru auðvitað stærstu mál samtímans.
Kannski ætti hann ekki sérlega auð-
velt með val sitt í kosningunum. Það sér
maður á heimasíðum flokkanna þar sem
hann gæti merkt við margt, ímynda ég
mér. Samt er ég á því að hann myndi
velja flokkinn sem alltaf hefur verið minn
flokkur, Vinstri hreyfinguna grænt fram-
boð. Hann hefði ekki verið Pírati, var lík-
lega of íhaldssamur fyrir það og Viðreisn
gæti kannski talað til hans, en ég tel samt
að stórar hugmyndir hafi talað til hans og
því hefði VG orðið fyrir valinu.“
Framfarasinni og heimsborgari
„Jón Sigurðsson var heimsborgari og hann er eitt besta
dæmið sem við eigum um sannkallaðan Evrópumann,“
segir Ólína Kjerúlf Þorvarðardóttir, þjóð-
fræðingur og fráfarandi alþingismaður. „Hann barðist fyrir
verslunarfrelsi og vildi íslenska stjórnarskrá. Jón vildi opna
landið og að við gætum átt samskipti og verslun við aðrar
þjóðir en bara Dani. Það voru afturhaldsöflin á Íslandi sem
að komu í veg fyrir það, sem kannski endurspeglast í um-
ræðunni um Evrópusambandið núna.
Ég er því á því að Jón væri Samfylkingarmaður, eða
einhvers staðar á bilinu milli Samfylkingar, Viðreisnar
og Bjartrar framtíðar. Ég lít fyrst og fremst á hann sem
frjálslyndan borgara og framfarasinna, en hann var aldrei
byltingarmaður. Í skrifum sínum fjallaði Jón um Alþingi,
verslun, félög og samtök og fræðslumál þjóðarinnar og
hann sló nýja tóna í öllum þessum efnum. Fyrir vikið geta
ansi margir og allmörg stjórnmálasamtök tengt við hann
og hafa gert í gegnum tíðina. Hann vildi koma Íslendingum
inn í nútímann og horfa til framtíðar og það myndi hann enn vilja. Sem fyrr stæði hann fyrir
samvinnu, sjálfstæði, stjórnskipan og samskipti við aðrar þjóðir.“
Minna rugl og
opinn fyrir ESB
„Ásamt því að berjast fyrir auknu sjálf-
stæði þjóðarinnar og bjóða Dönum
birginn þá var Jón Sigurðsson frjálslynd-
ur maður fyrir sinn tíma að mörgu leyti,“
segir Karl Sigurðsson Baggalútur.
„Hann barðist fyrir nýrri stjórnarskrá og
ég held hann myndi gera það núna líka.
Ætli hann væri ekki mjög hissa á því að
fatta að við séum enn að notast við þessa
bútasaumuðu gömlu stjórnarskrá sem
kóngurinn færði okkur 1874. Ég held að
hann hafi líka verið til í að minnka al-
mennt rugl í samfélaginu þannig að hann
væri ekki hrifinn að stöðunni hér á landi
í dag. Til dæmis myndi honum ekki líka
sú frændapólitík sem hefur lengi við-
gengist í íslenskri pólitík. Hann myndi
sennilega vilja gera breytingar víðsvegar
í kerfinu og greiða úr flækjum. Samt er
ég viss um að hann væri alþjóðasinnaður
nú eins og þá, enda hafði hann erlend-
an samanburð frá Kaupmannahöfn. Ég
held að hann væri ekki alveg svo mikið
pönk að hann væri Pírati og ég held að
hann væri ábyggilega opinn fyrir ESB
viðræðum. Þess
vegna væri hann
svona Bjartrar
framtíðar-mað-
ur sem vildi
opna svolítið
Íslendinga,
alþjóðavæða
samfélagið
og styðja nýja
stjórnarskrá.“
Gegn þröngum hagsmunum
„Jón Sigurðsson stóð í stappi við erlenda elítu sem öllu
réð á Íslandi á þeim tíma,“ segir Hjörtur Smárason
stjórnmálafræðingur, sem er búsettur í Kaupmannahöfn
og alinn upp í Bíldudal við Arnarfjörð, gegnt Hrafnseyri,
sem auðvitað er fæðingarstaður Jóns forseta. „Verslun og
stjórnarfar var í höndum Dana á þessum tíma og innan
danska stjórnkerfisins vildu margir líta á Ísland eins og
hverja aðra danska sýslu. Jón barðist gegn því að dönsk
elíta stýrði hér öllum viðskiptum og stjórnmálum án
þess að íslenskur almenningur hefði nokkuð um það að
segja. Að mínu viti er Sjálfstæðisflokkurinn, eins og hann
hefur starfað á undanförnum áratugum, á vissan hátt
arftaki þeirrar varðstöðu. Sá flokkur stendur vörð um hagsmuni ákveðinnar elítu og hefur
tangarhaldið í íslensku viðskiptalífi. Þetta sést til dæmis á vafasamri einkavæðingarstefnu
flokksins.
Hins vegar er mikilvægt að almenningur fái hlutdeild í eigin ákvarðanatöku og fái sína eig-
in stjórnarskrá. Og í baráttunni fyrir þessu tvennu, gegn þröngum hagsmunum elítunar og
aukinni lýðræðisvæðingu eru Píratar sterkasta breytingaaflið í dag. Þeir leggja mesta áherslu
á að innleiða stjórnarskrá fólksins og á að arðurinn að auðlindum landsins skili sér til al-
mennings en ekki bara til þröngs hóps. Ég held því að Jón Sigurðsson, sem framsýnn umbóta-
maður, myndi kjósa Pírata í dag.“
Laus störf í Djúpavogshreppi
Tónlistarkennari við
Tónskólann
Tónskólinn auglýsir eftir
tónlistarkennara í 50% starf frá
1. janúar 2017. Nánari upplýsingar
veitir skólastjóri, Halldóra Dröfn
Hafþórsdóttir í síma 470-8713 eða á
skolastjori@djupivogur.is
Deildarstjóri við Tónskólann
Tónskólinn auglýsir eftir deildarstjóra
í 100% starf frá 1. janúar 2017.
Nánari upplýsingar í síma 470-8713
eða á skolastjori@djupivogur.is
Organisti og kórstjóri
Sóknarnefnd Djúpavogskirkju
auglýsir eftir organista og kórstjóra
fyrir Djúpavogskirkju og fleiri kirkjur
í prestakallinu. Starfið er hlutastarf
sem hefur undanfarin ár verið sinnt
meðfram starfi við Tónlistarskóla
Djúpavogs. Við Djúpavogskirkju er
virkur áhugamannakór sem æfir
reglulega yfir vetrartímann og hefur
verið duglegur að halda tónleika og
fara í söngferðir. Launakjör eru skv.
samningi FÍO. Frekari upplýsingar
veitir Ásdís Þórðardóttir í síma 894-
8919. Umsóknir sendist á formann
sóknarnefndar asdisth@eldhorn.is
Grunnskólakennari
Grunnskólinn á Djúpavogi óskar
eftir að ráða kennara í 50% stöðu við
kennslu í 3. bekk. Nánari upplýsingar
veitir skólastjóri, Halldóra Dröfn
Hafþórsdóttir í síma 470-8713 eða á
skolastjori@djupivogur.is
Læknir
Heilbrigðisstofnun Austurlands
óskar eftir að ráða lækni til
starfa með aðalstarfsstöð á
Heilsugæslustöðinni Djúpavogi og
sem jafnframt þjóni Breiðdalsvík og
Stöðvarfirði. Umsóknarfrestur er
til 15. nóvember 2016. Sjá nánar á
www.hsa.is og starfsauglýsingavef
ríkisins starfatorg.is. Nánari
upplýsingar gefur Pétur Heimisson
framkvæmdastjóri lækninga í
síma 470-3052 og 860-6830, og í
netfanginu petur@hsa.is
Hjúkrunarfræðingur
Heilbrigðisstofnun Austurlands
óskar eftir að ráða hjúkrunarfræðing
á heilsugæslu HSA sem sinnir
Djúpavogi, Breiðdalsvík og
Stöðvarfirði, ásamt nærsveitum.
Umsóknarfrestur er til 10.
nóvember 2016. Nánari upplýsingar
gefur Nína Hrönn Gunnarsdóttir,
framkvæmdastjóri hjúkrunar í
síma 470-3054 & 862-1030 og í
netfangin ninahronn@hsa.is. Rafrænt
umsóknarform er á vef HSA www.
hsa.is. Sjá einnig www.starfatorg.is.
Deildarstjóri á
leikskólann Bjarkatún
Leikskólinn Bjarkatún óskar eftir að
ráða deildarstjóra á yngri barna deild
og auk þess óskast leikskólakennari
til starfa. Báðar stöður eru lausar frá
1. janúar 2017.
Við voginn
Starfsmaður óskast til
almennra þjónustustarfa
í versluninni og veitinga-
staðnum Við voginn frá og með
1. janúar 2007. Starfshlutfall
80-100%. Unnnið er á vöktum.
Laun skv. kjarasamningi.
Viðkomandi þarf að búa
yfir mikilli þjónustulund og
frumkvæði í vinnu, geta unnið
sjálfstætt og í hóp. Jákvæðni
og brosmildi eru skilyrði.
Hvetjum heilsuhrausta karla
og konur til að sækja um.
Reynsla er kostur. Áhugasamir
sendi umsókn og ferilskrá til
vidvoginn@simnet.is
Í Djúpavogshreppi er
samheldið og öflugt
samfélag fólks sem
kýs að búa í litlu
sveitarfélagi úti á landi.
Umhverfisstefna
sveitarfélagsins er
metnaðarfull, náttúra
þess einstök og
möguleikar til útivistar
og heilsuræktar
fjölbreyttir.
Við erum stolt af því
að vera eina Cittaslow
sveitarfélagið í landinu.
Markmið Cittaslow er
að auka lífsgæði og
ánægju fólks með því
að veita hnattvæðingu,
einsleitni og hraðaáráttu
í borgum og bæjum
nútímans viðnám.
Vinalegur og vistvænn