Fréttatíminn - 10.12.2016, Page 54

matur. 6 | helgin. LAUGARDAGUR 10. DESEMBER 2016
Sumir komast ekki í jólagírinn fyrr en fyrsti Nóamolinn læðist inn fyrir varir þeirra, aðrir eru meira fyrir makk-
intoss. Svo eru þau til sem fúlsa
við slíku borgaralegu góðgæti
og fara beint í háklassa belgískt
gæðasúkkulaði sem kostar
skildinginn en þarf kannski bara
örlítinn bita af til þess að seðja
súkkulaðiþörfina. Allt er þetta
gott og gilt enda súkkulaði-
grísinn innra með okkur
misfrekur og dyntóttur.
En ef þú tilheyrir eng-
um þessara hópa eru
allar líkur á því að
þú viljir gera þitt
eigið konfekt. Hér
eru súkkulaði-
trufflur sem er afar
auðvelt að gera og
enn auðveldara að
sporðrenna með
góðum kaffibolla
eða rauðvínsglasi.
Grunnuppskrift
400 g dökkt súkkulaði,
70% t.d.
400 ml rjómi
3 msk. smjör
• Brjótið súkkulaðið í smáa bita og
setjið það í rúmgóða skál.
• Setjið rjóma og smjör í
pott þar til smjörið er
alveg bráðið og rjóminn
fer að krauma.
• Hellið yfir súkkulaðið og
hrærið þar til súkkulaðið er
bráðið.
• Hér má bragðbæta trufflurn-
ar, jafnvel skipta súkkulaði-
blöndunni í skálar og búa til
nokkrar týpur.
Hugmyndir að því sem setja má
saman við:
appelsínu- eða sítrónubörk
romm
chili
kanill
piparmynta
korn úr vanillustöng
engifer
kókos
kaffi
• Kælið í 4-5 tíma áður en þið búið
til kúlur og veltið þeim upp úr
kakói.
• Einnig má hjúpa kúlurnar ann-
að hvort með hvítu eða dökku
súkkulaði og velta þeim síðan
upp út hnetukurli eða möndlu-
flögum.
Jólamatarmarkaður Búrsins verð-
ur um helgina í Hörpu. Margir
hafa beðið með óþreyju eftir að
geta hamstrað góðgæti fyrir jólin
og nú er loks komið að því; fyrst-
ir koma fyrstir fá. Meðal þess
góðgætis sem verður til sölu er
heitreykti makríllinn frá Sól-
skeri sem hefur hlotið verðlaun
fyrir bragð auk silungs, karfa og
léttreykts og herts steinbíts sem
er ný vara. Arnheiður á Bjarteyj-
arsandi framleiðir hreina hollustu-
afurð þar sem borin er virðing
fyrir dýrum og lögð áhersla á sjálf-
bæra framleiðsluhætti. Lambakjöt-
ið frá Arnheiði verður í Hörpu um
helgina.
Seglbúðahangikjötið verður á
sínum stað en hróður þess hef-
ur borist víða, jafnvel langt út
fyrir landsteinana. Bændurnir á
Ytri-Fagradal á Skarðsströnd við
Breiðafjörð láta sig ekki vanta og
nýju maltkúlurnar frá Omnom
munu vafalítið slá í gegn. Þarna
verða vitanlega ostar af öllum
sortum, hunang, ristaðar möndl-
ur sem gefa jólailminn, náttúru-
vín, lerkisveppir og svo ótal margt
meira. Enginn sælkeri ætti að
missa af þessu - ekki heldur þau
sem vilja gleðja sælkerann í lífi
sínu á aðventunni enda vilja sumir
meina að ætar gjafir séu þær sem
hitta beint í hjartastað.
Truffluð jól
Heimagert konfekt – engu líkt.
Sælkerar lyfta sér upp
Harpa verður ilmandi og fjölsótt um helgina.
Matarmarkaðurinn í
Hörpu er ávallt fjölsóttur,
ekki síst fyrir jólin.
LAUGAVEGI | SMÁRALIND | KRINGLUNNI | WORLD CLASS LAUGUM | LEIFSSTÖÐ
VIÐ HÖFUM OPNAÐ NÝJAN
STAÐ Á LAUGAVEGI. KÍKTU
VIÐ Í ÓMÓTSTÆÐILEGAN
DJÚS, SAMLOKU OG SHAKE.
ER LOKSINS
MÆTTUR
NIÐUR Í BÆ!
Joe
P.S. VIÐ GERUM FÁRÁNLEGA GOTT KAFFI LÍKA!
Sjáumst á JOE & THE JUICE.