Fréttatíminn - 16.12.2016, Blaðsíða 20

SÖLUAÐILAR
Reykjavík: Gullbúðin Bankastræti 6 s:551-8588 | Gullúrið Mjódd s: 587-410
Meba Kringlunni s: 553-1199 | Meba - Rhodium Smáralind s: 555-7711
Michelsen Úrsmiðir Kringlunni s: 511-1900 | Michelsen Úrsmiðir Laugavegi 15 s: 511-1900
Rhodium Kringlunni s: 553-1150 | Kópavogur: Klukkan Hamraborg 10 s: 554-4320
Hafnarfjörður: Úr & Gull Firði-Miðbæ Hafnarfjarðar s: 565-4666
Keflavík: Georg V. Hannah, úrsmiður Hafnargötu 49 s: 421-5757
Akureyri: Halldór Ólafsson úrsmiður Glerártorgi s: 462-2509
Akranes: Guðmundur B. Hannah, úrsmiður Suðurgötu 65 s: 431-1458
Egilsstaðir: Klassík Selási 1 s:471-1886
Selfoss: Karl R. Guðmundsson, úrsmiður Austurvegi 11 s: 482-1433
Vestmannaeyjar: Geisli Hilmisgötu 4 s: 481-3333
20 | FRÉTTATÍMINN | Föstudagur 16. desember 2016
Hluti nemenda í yngstu bekkjum Seljaskóla fékk að læra um Grýlu
og íslenskan þjóðsagnaarf á sama tíma og skólasystkini þeirra fóru í
hefðbundna kirkjuferð á aðventunni. Krakkarnir voru ánægðir með
framtakið að sögn skólastjóra, sem segir mikilvægt að virðing sé borin
fyrir ólíkum viðhorfum. Það virðist vera nýjung í reykvísku skólastarfi
fyrir jól að vera með sérstaka dagskrá fyrir þá nemendur sem ekki
fara í kirkjuferð. Skólastjórnendum og prestum í Reykjavík ber saman
um að kirkjuferðirnar á aðventunni séu heldur nýleg „hefð“ í skólum
borgarinnar. En ljóst er að samskipti skóla og kirkju hafi á sér töluvert
annan blæ en fyrir nokkrum áratugum.
Ingimar Karl Helgason
ritstjorn@frettatiminn.is
„Mér finnst mikilvægt að þessi val-
kostur sé til staðar þó ég hafi ekki sett
mig gegn því að mín börn fari í kirkju
með sínum skóla,“ segir Brynhildur
Björnsdóttir.
„Grýlustuð“ í stað kirkjuferðar
Nemendur, kennarar og starfsmenn Rimaskóla hafa heimsótt Grafarvogskirkju
á aðventunni, en þar hefur skólastjóri stýrt athöfn, nemendur flutt atriði og
prestar frætt viðstadda um aðventuna.
„Eftir að hafa fylgst með um-
ræðunni undanfarin misseri hef
ég komist á þá skoðun að það væri
í anda þess skóla sem ég vildi sjá,
að koma til móts við þær raddir
sem gagnrýnt hafa kirkjuferðirnar.
Um leið vildi ég ekki ýta út þeirri
hefð sem hér hefur ríkt í um þrjá
áratugi og mikil sátt hefur ríkt um,
að nemendur fari í kirkjuna fyrir
jólin,“ segir Magnús Þór Jónsson,
skólastjóri Seljaskóla.
Það hefur lengi verið hefð fyrir
því í skólanum að nemendur í 5.
bekk setji upp söngleik sem byggð-
ur hefur verið á jólaguðspjallinu.
Hann hefur verið fluttur í Selja-
kirkju fyrir nemendur skólans.
Nemendur fimmta bekkjar unnu
leikrit upp úr ævintýri danska snill-
ingsins H. C. Andersens um Litlu
stúlkuna með eldspýturnar sem
flutt var í kirkjunni. Kirkjan rúmar
töluvert fleiri, að sögn Magnúsar, en
þeir salir sem skólinn hefur yfir að
ráða og er það ein ástæða þess að
hópurinn hefur haldið þangað og
flutt list sýna hingað til.
Að þessu sinni var sett upp sér-
stök dagskrá í skólanum fyrir þau
börn sem ekki vildu fara í kirkju-
ferðina. Þetta var dagskrá undir
yfirskriftinni „Grýlustuð“ og var
í umsjá Brynhildar Björnsdóttur,
sem meðal annars er þekkt fyrir að
búa til barnaefni í útvarp og verður
sami háttur á næstkomandi þriðju-
dag þegar nemendur 7.-10. bekkjar
eiga möguleika á kirkjuferð til að
líta söngleik skólasystkina sinna.
„Þetta snýst, finnst mér, um að
bera virðingu fyrir ólíkum skoðun-
um,“ segir Magnús skólastjóri. Þessi
lífsskoðunarumræða hafi staðið
lengi í samfélaginu. Hann hafi starf-
að úti á landi, á Snæfellsnesi um níu
ára skeið, og umræðan hafi verið í
fullum gangi þegar hann sneri aft-
ur til Reykjavíkur í fyrra. Margir
hafi verið ósáttir í ýmsum skólum
við kirkjuferðirnar og þetta sé til-
raun í Seljaskóla til þess að koma
til móts við ólík sjónarmið. „Ég veit
ekki hvort við erum í reynd að ríða
á vaðið með því að bjóða upp á sér-
staka dagskrá við hlið kirkjuferðar.
Menn hafa verið að prófa að taka
kirkjuferðirnar alveg út og setja
annað á dagskrá í staðinn. En við
vildum kanna að fara þessa leið, að
bjóða upp á val og fá gott fólk eins
og Brynhildi Björnsdóttur í lið með
okkur og kanna hvort við gætum
sett eitthvað í gang sem gæti vak-
ið áhuga. Við höfum fengið mik-
il viðbrögð og jákvæð við þessari
tilraun og ég hef átt gott spjall við
fullt af fólki. Svo verð ég ekki var
við annað en að börnin sem tóku
þátt í „Grýlustuðinu“ hafi hreinlega
haft mjög gaman af. Nú munum við
í framhaldinu setjast niður og fara
yfir hvernig til hefur tekist. Vonandi
erum við ekki að tjalda til eins árs í
þessum efnum. Krakkarnir virðast
bara glaðir og kátir með uppátækið
og við sjáum bara hvað setur,“ seg-
ir Magnús Þór Jónsson, skólastjóri
Seljaskóla.
Umdeilt um árabil
Kirkjuferðir grunnskólanna hafa
verið fastur liður í umræðunni fyrir
jólin. Ekki hvað síst eftir að sveitar-
félög, Reykjavík þar á meðal, tóku
að setja sérstakar reglur í þess-
um efnum. Í reglum Reykjavíkur-
borgar segir t.d. að heimsóknir á
helgi- og samkomustaði trúar- og
lífsskoðunarfélaga á skólatíma verði
að vera undir handleiðslu kennara.
Þar er vísað í aðalnámskrá grunn-
skóla þar sem segir að svona heim-
sóknir skuli fela í sér fræðslu en
hvorki innrætingu trúarskoðana
né tilbeiðslu.
Þessi umræða hefur til að mynda
bæði ratað inn í fundarsal borgar-
stjórnar Reykjavíkur og í munn
alþingismanna. Þannig birti Ás-
mundur Friðriksson, þingmaður
Sjálfstæðisflokksins, eftirfarandi
fullyrðingu á Facebook síðu sinni
7. desember: „Í Reykjavík er skólum
bannað að fara með börnin í kirkjur
eða halda jólatrésskemmtanir eins
og einhver skaðist af því.“ Og 11.
desember birti hann þessa spurn-
ingu: „Á lítill minnihluti að koma
í veg fyrir heimsóknir skólabarna
í kirkjur landsins á aðventunni?“
Ljóst má vera að fullyrðing þing-
mannsins er röng og spurning
hans virðist byggð á vanþekkingu
um stöðu mála. Ekki aðeins er all-
ur gangur á því hvernig skólar haga
þessum málum, eins og lesa má ít-
arlega um hér að neðan, heldur
hefur Seljaskóli í Reykjavík nú riðið
á vaðið með því að bjóða börnum
og foreldrum þeirra upp á nokkuð
skemmtilega valkosti. Þeir sem vilja
heimsækja kirkjuna á aðventunni
með skólasystkinum sínum en þeir
sem kjósa annað, er boðið upp á
skemmtilegan og þjóðlegan valkost.
Ein sterkasta kvenpersónan
En það leiðir vitaskuld að spurn-
ingunni um hvers vegna Grýla?
„Við Magnús [Þór Jónsson, skóla-
stjóri Seljaskóla] veltum fyrir okk-
ur hvernig þessi valkostur eða jóla-
stund gæti verið því okkur fannst
mikilvægt að hún tengdist jólun-
um. Ég hef sjálf lengi verið hrifin
af Grýlu, sem birtingarmynd
myrkursins og skugga, íslenskri
jólavætt sem ber í sér sögu og menn-
ingararf. Ég stóð fyrir Grýluhátíð í
Ráðhúsinu í fyrra sem var hluti af
hátíðahöldum í tilefni af hundrað
ára kosningaréttarafmæli kvenna
því Grýla er líka ein sterkasta kven-
persóna Íslandssögunnar, bæði í
menningunni og þjóðtrúnni,“ seg-
ir Brynhildur Björnsdóttir, sem sá
um „Grýlustuðið“ fyrir nemendur
Seljaskóla.
Hún segir þetta vera nýjung í
sínu starfi við undirbúning barna-
efnis „og ég er í rauninni bara að
bregðast við því að Magnús hafði
samband við mig. Hann langaði að
prófa að koma til móts við kröfur
„Menn hafa verið að prófa
að taka kirkjuferðirnar
alveg út og setja annað
á dagskrá í staðinn. En
við vildum kanna að fara
þessa leið, að bjóða upp á
val og fá gott fólk eins og
Brynhildi Björnsdóttur í
lið með okkur og kanna
hvort við gætum sett
eitthvað í gang sem gæti
vakið áhuga.“