Dagblaðið Vísir - DV - 22.01.2016, Blaðsíða 12

Helgarblað 22.–25. janúar 201612 Fréttir
VW Amarok Trendline pallbíll ←
12/2012, ekinn aðeins 25 þús km. Diesel.
Álfelgur. Dráttarkrókur. Driflæsing á afturdrifi.
Heithúðun á palli. Málmlitur. Aukabúnaður
að verðmæti 536.000,- Nýr bíll kostar 8,4
með þessum búnaði.
Okkar verð:
6.490.000 KR.
Frábært
tilboð í
Reebok
Fitness
Áskrifendum DV býðst nú
sérstakt tilboð á árskorti
Reebok Fitness. Verð aðeins
59.990 kr. og 10.000 kr.
ávísun í GÁP fylgir með.
Áskrifandi sýnir DV-kort sitt
í afgreiðslu Reebok Fitness
til að nýta sér tilboðið.
Gildir til 15. febrúar.
Allir áskrifendur DV, bæði
í prent- og vefáskrift, eru
meðlimir í áskriftarklúbbi
DV. Meðlimir fá frábær
tilboð og fríðindi sem
auglýst verða reglulega.
Kringlan 4-6, 103 Reykjavík - Sími 512 7000 - askrift@dv.is
Tilboðið í Reebok Fitness gildir til
15. febrúar 2016. Klúbbmeðlimir
fá DV-kortið sent heim með
blaði eða í tölvupósti, fer
eftir áskriftarleið.
Áskriftarklúbbur DV
Virði Borgunar var
„gróflega vanmetið“
Árni Páll gagnrýnir Landsbankann sem gerði enga fyrirvara um viðbótargreiðslu
L
jóst er að Landsbankinn áttaði
sig ekki á viðskiptatækifærun-
um sem fólust í útrás Borgun-
ar þegar bankinn seldi 31,2%
hlut sinn í greiðslumiðlunarfyr-
irtækinu í nóvember 2014, án þess að
bjóða eignina út í opnu söluferli. Ekki
liggur enn fyrir hversu há upphæð
mun falla í skaut hluthafa Borgunar
vegna kaupa Visa Inc. á Visa Europe.
Bankinn kemur aftur á móti til með
að fá milljarða króna vegna fyrirvara
um viðbótargreiðslu sem hann samdi
um tæpum mánuði síðar þegar Arion
banki keypti 38% hlut hans í Valitor,
helsta samkeppnisaðila Borgunar.
Árni Páll Árnason, þingmaður og
formaður Samfylkingarinnar, sakaði,
í óundirbúnum fyrirspurna-tíma á Al-
þingi í gær, fimmtudag, Lands-bank-
ann um að hafa gert alvarleg mistök
við verðmat á fyrirtækinu. „Bankinn
virðist líka hafa gróflega vanmetið
það viðskiptatækifæri sem í fyrirtæk-
inu Borgun fólst,“ sagði Árni Páll og
spurði Bjarna Benediktsson fjármála-
ráðherra hvort hann myndi kalla eft-
ir rannsókn á sölunni „til að allt fáist
upp á borðið.“ Bjarni svaraði því til að
hann hefði ekkert með stjórn bankans
að gera og ef ástæða þætti til að skoða
þessi viðskipti nánar þá „yrðu menn
að fara eftir réttum boðleiðum, óska
eftir því við Bankasýsluna eða eftir at-
vikum stjórn bankans.“
Þrýst á um sölu
Fjallað var um ákvörðun Lands-bank-
ans, um að gera enga fyrirvara um við-
bótargreiðslu vegna Visa Europe frá
hópnum sem keypti í Borgun fyrir 2,2
milljarða króna, á vef DV á miðviku-
dag. Þar kom fram að hópurinn, sem
samanstendur af eigendum Eignar-
haldsfélagsins Borgunar slf. og félags
í eigu stjórnenda fyrirtækisins, mun
hagnast umtalsvert við yfirtöku Visa
Inc. á Visa Europe. Hlutur Borgunar
og Valitor af söluandvirði Visa Europe
er reiknaður sem hlutfall af heildar-
umsvifum þeirra evrópsku fyrirtækja
sem gefa út Visa-kort en Borgun réðst
í slíka útgáfu af miklum krafti eftir að
fjárfestahópurinn keypti Landsbank-
ann út. Bankinn staðfesti í svari til DV
að stjórnendur hans hefðu ekki gert
neina fyrirvara um viðbótargreiðslu
frá fjárfestahópnum.
„Við sáum heldur ekki fyrir að útrás
Borgunar og velgengni með Visa-kort,
eftir að við seljum, myndi ganga svona
vel, enda hafði Borgun aðallega verið
með Mastercard-kort,“ sagði Steinþór
Pálsson, bankastjóri Landsbankans,
og bætti við að helsta ástæðan fyrir
sölunni á Borgun og Valitor hefði verið
þrýstingur frá samkeppnisyfirvöldum.
„Viðskipti aldarinnar“
Árni Páll rifjaði upp sölu Landsbank-
ans á Borgun á Alþingi sama dag og
fréttir bárust af milljarðaávinningi
Borgunar og Valitor vegna sölunnar á
Visa Europe. Sagði Árni Páll að kaup
fjárfestahópsins á Borgun hlytu að
teljast viðskipti aldarinnar í íslensku
viðskiptalífi. Landsbankinn sendi í
kjölfarið frá sér tilkynningu þar sem
fyrirtækið hafnaði algjörlega ummæl-
um Árna Páls og bent var á að bankinn
hefði náð góðum árangri í verðmati og
sölu fyrirtækja. n
haraldur@dv.is, hordur@dv.is
Umdeild sala
Landsbankinn seldi
hlut sinn í Borgun í
nóvember 2014.