Dagblaðið Vísir - DV - 22.01.2016, Page 32

Helgarblað 22.–25. janúar 201632 Skrýtið
Viltu læra bridge?
Bridgesambandið getur útvegað leiðbeinendur fyrir hópa, fyrirtæki og
skóla. Guðmundur Páll starfrækir Bridgeskólann, þar geta þeir lært
bridge sem eru að stíga sín fyrstu skref í bridge og einnig þeir sem vilja
bæta við kunnáttu sína.
Námskeið í Bridgeskólanum hefjast 25. janúar n.k. byrjendanámskeið
átta kvöld. Framhaldsnámskeið hefjast 27. janúar, fimm kvöld.
Allir undir 25 ára aldri fá frítt á byrjendanámskeið. Upplýsingar hjá
Guðmundi Páli Arnarsyni í síma 8985427 eða á gparnarson@internet.is
Eldri borgarar spila alla mánudaga
og fimmtudaga kl. 13.00-17.00
í Síðumúla 37.
Bridgefélög og klúbbar eru starfræktir um allt land – upplýsingar á bridge.is
Bridgesamband Íslands – Síðumúla 37 – 108 Reykjavík – sími 587 9360 – www.bridge.is
Bridge gerir lífið skemmtilegra
Árlegt alþjóðlegt stórmót
Icelandair Reykjavík
Bridgefestival fer fram
28.-31. janúar 2016,
skráning á bridge@bridge.is
Lanslið Íslands hefur náð langt á alþjóðlegum
mótum, Norðurlandameistarar 2013 og aftur 2015
Ungir sem aldnir
spila bridge
Áfengi sem leiðir ekki til þynnku
n Norður-Kóreumenn trúa mjög á lækningamátt ginsengs og telja það lækna ebólu, AIDS og krabbamein
N
orðurkóreskir ráðamenn
eru ekki eins og fólk er
flest. Þeir hafa í gegnum
tíðina reynt að telja heim-
inum trú um að þeir
standi öðrum framar þegar kemur
að vísindum. Þannig segjast þeir
hafa fundið lækningu við ebólu,
bráðalungnabólgu, AIDS og auð-
vitað krabbameini.
Nú halda vísindamenn í landinu
því fram að þeim hafi tekist að búa
til áfengi, að styrkleika 30 til 40
prósent, sem þú getur drukkið án
þessa að finna fyrir þynnku daginn
eftir. Leyndarmálið má rekja til sér-
staks ginsengs sem vex í Norður-
Kóreu og er kallað insam, auk sér-
stakra hrísgrjóna. Að sögn hefur
uppskriftin unnið til verðlauna.
Verðlaunaður undradrykkur
Drykkurinn kallast Koryo Liquor,
að því er fram kemur í nýju tölu-
blaði Pyongyang Times. Þar segir
að uppskriftin kveði á um snilldar-
lega samsetningu af fyrsta flokks
ginseng og brenndum, límkennd-
um hrísgrjónum. Í greininni kem-
ur einnig fram að Taedonggang
Foodstuff Factory hafi um árabil
unnið að þessum verðlaunadrykk,
að því er BBC greinir frá. Drykk-
urinn er unnin úr Kaesong Koryo-
ginseng, sem er jurt sem sögð er
hafa læknandi eiginleika. Grjónin
koma í stað sykurs og við það er hið
bitra bragð fjarlægt úr drykknum –
og um leið sá eiginleiki sem veld-
ur þynnku, að því er norðurkóreska
blaðið greinir frá.
Meintir afreksmenn
Ráðamenn Norður-Kóreu eru
þekktir fyrir að hreykja sér af ýms-
um afrekum sem enga skoðun
standast, svo sem á sviði vísinda,
íþrótta og landbúnaðar. Í fyrra
sagði KCNA-ríkisfréttastofan frá því
að vísindamönnum hefði tekist að
finna lækningu við AIDS, ebólu og
MERS – á einu bretti. Lykillinn var
ginseng, rétt eins og nú.
Þá er skemmst að minnast þess
að stjórnvöld í Pyongyang sögðust
þann 6. janúar síðastliðinn hafa
sprengt öfluga vetnissprengju, en
þeir hafa lengi fiktað við kjarna-
vopn. Alþjóðlegir sérfræðingar
voru fljótir til að bera þær fréttir
til baka. Sprengingin hafi ekki
verið nærri því nógu öflug til að
um kjarnavopn hafi verið að ræða.
Leiðtoga landsins, Kim Jong-un, er
mikið í mun að þjóð hans, sem býr
almennt við skort, takist að gera sig
gildandi á alþjóðavettvangi.
Fleiri reyna að útrýma þynnku
Raunar eru Norður-Kóreumenn
ekki þeir fyrstu til að segjast hafa
fundið upp áfengi sem leiðir ekki af
sér þynnku í kjölfar neyslu. Þrír há-
skólanemar í Kaliforníu hönnuðu
bætiefni sem þeir kölluðu Prime
en duftið átti að brjóta niður eitruð
aukaefni í áfengi og vera þeim
kostum búið að neytandinn fyndi
ekki fyrir þynnku, samkvæmt frétt
CNBC. n
Baldur Guðmundsson
baldur@dv.is
Leiðtoginn Kim Jong-un vill að mark sé tekið á Norður-Kóreu. Sú er sjaldnast raunin. Mynd EPA
Undralyf Norður-Kóreumenn hafa trölla-
trú á ginseng.