Tímarit hjúkrunarfræðinga - 01.12.1993, Síða 37

Tímarit hjúkrunarfræðinga 1. tbl. 1. árg. 1993
Fyrstu árin í ráöuneytinu.
1989- Veröur heiöursfélagi í HFÍ.
íþróttakennslunni fór ég til hússtjórnarnáms í Uppsölum í Svíþjóð og síðar til
náms og starfa í Bandaríkjunum. Vegna heimilisaðstæðna foreldra minna var ég
heima um tíma og þá var ég beðin um að starfa við röntgendeildina í Fjórðungs-
sjúkrahúsinu á Akureyri. Þar vann ég í fjögur ár, mest við röntgenmyndatökur.
Röntgentæknar voru þá ekki til og réttindi var ekki hægt að fá til þess að starfa
við röntgenmyndatökur án þess að vera hjúkrunarfræðingur. Ég kunni vel við
starfið en réttindalaus vildi ég ekki starfa lengur. Ég fór því í Hjúkrunarskóla
íslands, þá orðin 34 ára, og var þar næstu þrjú árin.
Ég bjó á heimavistinni, það var skylda. Það var ágætt á margan hátt en ekki
beint frjálslegt. Við áttum að vera komnar heim á vistina klukkan 11:30. Fimm
kvöld í mánuði var útivist leyfð eitthvað lengur. Þetta þótti þeim yngri heldur
nöturlegt. En það var oft glatt á hjalla á heimavistinni og þar eignuðumst við vini
fyrir lífstíð.
Á þessum árum vantaði hjúkrunarfræðinga tilfinnanlega til starfa. Minn gamli
spítali var í mikilli neyð. Hjúkrunarforstjórinn vildi hætta og hafði hvað eftir
annað sagt starfi sínu lausu. Enginn sótti um stöðuna. Hún gat ekki samvisku
sinnar vegna hætt alveg og var í hlutastarfi. Það eru aðrir tímar nú þegar margir
umsækjendur eru um hverja stjórnunarstöðu. Framkvæmdastjóri sjúkrahússins og
yfirlæknir komu hvað eftir annað að máli við mig og báðu mig um að taka við
þessu starfi að námi loknu. Ég var mjög treg til þess. Satt að segja langaði mig til
þess að læra barnahjúkrun. En ég lét undan þrábeiðni þeirra norðanmanna og fór
beint frá prófborði og tók við starfi hjúkrunarforstjóra á FSA.
Hvemig gekk nýbökuðum hjúkrunerfræðingi eð stjórna heilu sjúkrehúsi?
Ég þekkti stjórnendur og starfslið sjúkrahússins og mér var fremur tekið sem vini
en yfirmanni. Ég var líka heppin að því leyti að mér til halds og trausts fóru sex