Tímarit hjúkrunarfræðinga - 01.12.1993, Síða 43

Tímarit hjúkrunarfræðinga 1. tbl. 1. árg. 1993
1988. Verður heiðursfélagi í Fhh ásamt Maríu 1960: Aukahollið í HSÍ.
Pétursdóttur. Með á myndinni er Laura Sch. Thorsteinsson,
formaður Fhh og Sigrún Gunnarsdóttir, varaformaður.
fyrstu árin og barðist alltaf fyrir því, að þessi skóli byggði upp sérnám hjúkrunar-
fræðinga. Þar eygði ég von um að hjúkrunarfræðingar gætu stundað framhaldsnám
hér heima í stað þess að fara utan í dýrt nám. Er fram liðu stundir varð það hlut-
verk skólans og ég tel að undir stjórn Maríu hafi hann skilað miklu og merkilegu
hlutverki. Nú hefur Nýi hjúkrunarskólinn verið lagður niður og allt nám í
hjúkrunarfræðum fer fram við háskólana í Reykjavík og á Akureyri.
Þá er að minnast á námsbraut í hjúkrunarfræði í Háskóla íslands sem hefúr
verið mitt hjartans mál í mörg ár. Stuttu eftir að ég kom til starfa í ráðuneytinu
bað Sigurður Sigurðsson, þáverandi landlæknir og formaður stjórnar Hjúkrunar-
skóla íslands, mig um að leggja sér lið við að útvega kennara erlendis frá að
Hjúkrunarskólanum því að þar vantaði hjúkrunarfræðinga til kennslu. Nefnd
undir forsæti Þorbjargar Jónsdóttur, skólastjóra, hafði starfað um hríð og lagt til
að framhaldsnámi fyrir hjúkrunarfræðinga yrði komið á fót við Háskóla íslands. í
framhaldi af því starfi skipaði menntamálaráðherra undirbúningsnefnd sem gekk
undir nafninu ,,sjömannanefndin“. Formaður nefndarinnar var Þórður Einarsson,
deildarstjóri í menntamálaráðuneytinu, síðar sendiherra. Aðrir nefndarmenn voru
Jóhann Axelsson, forseti læknadeildar, Arinbjörn Kolbeinsson, læknir og dósent í
læknadeild, Ólafur Ólafsson, landlæknir, María Pétursdóttir, formaður HFÍ,
Þorbjörg Jónsdóttir, skólastjóri Hjúkrunarskóla íslands, og ég sem fulltrúi míns
ráðuneytis.
Sumarið 1973 fengum við til landsins dr. Dorothy C. Hall, yfirmann hjúkrunar-
mála hjá Evrópudeild Alþjóðaheilbrigðisstofnunar Sameinuðu þjóðanna (WHO).
Áður höfðu fulltrúar frá WHO verið hér í sömu erindagjörðum. Dorothy hafði
aðstöðu hér í ráðuneytinu í stuttan tíma og vann með ,,sjömannanefndinni“ að
drögum um fjögurra ára nám í hjúkrunarfræði í háskólanum. Magnús Torfi
Ólafsson, menntamálaráðherra, Magnús Már Lárusson, rektor Háskóla íslands og
Háskólaráð samþykktu þau og fyrsti áfanginn var í höfn. Þarna höfðu margir
áhugasamir einstaklingar stillt saman strengi sína. Öll höfðum við óbilandi trú á að
meiri menntun hjúkrunarfræðinga myndi stuðla að betri heilsugæslu fyrir lands-
menn; betri heilsuvernd, hjúkrun, kennslu, stjórnun og rannsóknum. Fyrstu
nemendurnir hófu nám í október 1973 svo að nú á þessu hausti eru 20 ár liðin frá
stofnun námsbrautarinnar.