Tímarit hjúkrunarfræðinga - 01.06.1994, Blaðsíða 3

Tímarit hj úkrunarfræðinga 2. tbl. 70. árg. 1994
Tímarit hjúkrunarfræðinga
Suðurlandsbraut 22
108 Reykjavík
Sími/Phone: +354-1-687575
Bréfasími/Fax: +354-1-680727
Útgefandi
Félag íslenskra hjúkrunarfræðinga
Ritstjóri og ábyrgðarmaður
Þorgerður Ragnarsdóttir
Ritnefnd
Christel Beck
Anna Gyða Gunnlaugsdóttir
Herdís Sveinsdóttir
Hólmfríður Gunnarsdótdr
s
Varamenn
Ólína Torfadóttir
Útlitshönnun
Hildigunnur Gunnarsdóttir
Prófarkalesari
Ragnar Hauksson
Setning og prentun
Steindórsprent - Gutenberg hf.
Pökkun
Iðjuþjálfun Kleppsspítala

Upplag
3000 eintök
ISSN 1022 - 2278
Hvernig tímarit vilja hjúkrunarfræðingar?
Nú lítur þriðja tímaritið í minni umsjá dagsins Ijós. Af viðbrögðum við
fyrri blöðunum tveimur er greinilegt að hjúkrunarfrieðingar eru langt frá
því að vera á eitt sáttir um hvernig Tímarit hjúkrunarfrœðinga á að vera.
Ritnefndin lagði upp með ákveðna stefnu um metnaðarfullt blað, með
vónduðum greinum og mjóg einfóldu útliti. Þessari stefnu hefur verið lýst
í áður útkomnum tölublöðum. Gert var ráð fyrir að í hverju blaði yrðu
þrjár ritdæmdar rannsóknagreinar, klínískar greinar, viðtal við merkan
hjúkrunarfrœðing, fastir dálkar og hugsanlega annað tilfallandi efni sem
væri gott innlegg í faglega umræðu.
Fréttabréf félagsins á hins vegar að taka við styttri upplýsingum, til-
kynningum og öllu sem kemur starfi félagsins við á innlendum og erlend-
um vettvangi.
Hins vegar hefur straumur greina til blaðsins verið fremur tregur.
Greinar, sem hafa borist, hafa aðallega verið um rannsóknir og eru mjög
tímafrekar í úrvinnslu. Þær þarf að yfirfara margoft af ritnefnd, völdum
ritdómurum og síðast en ekki sist höfundunum sjálfum til að tryggja ágæti
þeirra. Klínískar greinar hefur því miður reynst erfitt að fá. Viðtölin eru
hins vegar á sínum stað og dálkurinn „Þankastrik" gengur frá manni til
manns.
Mörgum finnst útkoman vera allt of þung en aðrir eru ánægðir. Ein-
hverjir virðast hafa misskilið stefnuna og leiðbeiningarnar til greina-
höfunda á þá leið að einungis sé tekið á móti rannsóknagreinum. Auðvit-
að er tekið á móti alls konar geinum sem hjúkrunarfræðingar vilja koma
á framfæri. Það verður greinilega ekki lögð á það nógu rík áhersla að öllu
efni, sem blaðinu berst, er fagnað. Leiðbeiningar til greinahöfunda eru
gefnar fyrir þá sem vilja spreyta sig á að skrifa ákveðna tegund af grein-
um, þ.e. rannsóknagreinar, og leggja þær undir formlegan ritdóm. Hins
vegar er það sjálfsögð krafa að öllum greinum sé skilað snyrtilega og helst
á tölvutæku formi.
Til að reyna að koma til móts við þær óskir, sem hafa borist til rit-
nefndar, verður stíl blaðsins breytt nokkuð. Nú bregður svo við að engin
rannsóknagrein er tilbúin til birtingar en hins vegar þrjár klínískar grein-
ar sem birtast í þessu tölublaði. Lögð hefur verið vinna í að finna mynd-
efini sem hæfir greinunum. Ef það mælist vel fyrir verður reynt að leggja
áherslu á það eftirleiðis eftir því sem efni og ástæður leyfa. Hingað til
hafa allar rannsóknagreinar verið ritdæmdar, og er það mjög tímafrek
vinna. Héðan af verða einungis þær greinar settar í ritdóm sem uppfylla
ákveðin skilyrði samkvæmt mati ritnefndar. 1 næstu blöðum verður einnig
reynt að hafa blandaðra efni, þ.e. eina rannsóknagrein, eina klíníska
grein, eitt viðtal, tvenns konar dálka; annars vegar „Þankastrik“ og hins
vegar nýjan dálk sem heitir „Segjum sögur“.
Þetta er tímarit 2700 hjúkrunarfræðinga í landinu. Skemmtilegast
væri að fá bréf greinar eða hugleiðingar frá sem allra flestum þeirra. Það
er erfitt að gera öllum til hæfis en það er hægt að reyna að gera flestum
til hæfis. Að því stefnir ritnefndin og ég sem starfsmaður félagsins.
Þorgerður Ragnarsdóttir
3