Tímarit hjúkrunarfræðinga - 01.12.2005, Blaðsíða 43

Fréttamolar...
Undirrituð gerði samantekt á atvikaskráningu á
byltum sjúklinga á Landspítala - háskólasjúkrahúsi
(LSH) fyrir árið 2001 og í ljós kom að 30% byltna
sjúklinga voru við rúm eða þegar farið var úr rúmi
(Eygló Ingadóttir, 2004). Rannsóknir benda til
að 50-90% byltna úr rúmi á sjúkrahúsum verði
þrátt fyrir að rúmgrindur séu notaðar (Oliver,
2002).
Oliver (2002) bendir á að rúmgrindur og önnur
höft á stofnunum leiði til vöðvarýrnunar sjúklinga,
sýkinga og þrýstingssára vegna hreyfingarleysis.
Einnig segir hann að rúmgrindanotkun hafi áhrif
á sjálfsvirðingu sjúklinga og sjálfstæði og að
engar rannsóknir hafi sýnt gagnsemi þeirra.
Handa sumum sjúklingum þarf að huga að öðrum
úrræðum en rúmgrindum á báðum hliðum rúma
þeirra. Dæmi um slík úrræði geta verið rápmottur
(mottur sem tengdar eru bjöllu sem hringja þegar
stigið er á þær) við rúm sjúklings, hafa sjúkling
nálægt vaktinni og fleira. A LSH er þverfaglegur
hópur að vinna að klínískum leiðbeiningum til
að fyrirbyggja byltur á spítalanum. 1 honum
hafa komið fram hugmyndir um að nota litlar
rúmgrindur hjá rugluðum sjúklingum sem gætu
dottið fram úr. Þá gætu þeir farið fram úr til
hliðar við grindurnar og nýtt þær til að styðja
sig við.
Áhugavert væri að heyra skoðanir hjúkrunar-
fræðinga á rúmgrindanotkun og öðrum öryggis-
málum sjúklinga.
Heimildaskrá
Capezuti, E., Maislin, G., Strumpf, N., og Evans, L K. (2002). Side rail
use and bed-related fall outcomes among nursing home residents.
Journal oftheAmerican Geriatrics Society, 50(1), 90-96.
Eygló Ingadóttir (2004). Föllsjúklinga á LSH og fyrirbygging
þeirra.iSkýrsla). Reykjavík: Landspitali háskólasjúkrahús.
Hanger, H. C., Ball, M. C„ og Wood, L. A. (1999). An analysis of falls in
the hospital: Can we do without bedrails? Journal of the American
Geriatrics Society, 47(5), 529-531.
Oliver, D. (2002). Bed falls and bedrails - what should we do? Age and
Ageing, 31(5), 415-418.
Si, M., Neufeld, R. R., og Dunbar, J. (1999). Removal of bedrails on a
short-term nursing home rehabilitation unit. Gerontologist, 39(5),
611-614.
Hjúkrunarfræöingur til starfa hjá F.í.h.
Vigdís Hallgrímsdóttir, hjúkrunarfræðingur, hefur verið ráðin í
50% starf hjá Félagi íslenskra hjúkrunarfræðinga. Helstu
verkefni Vigdísar munu lúta að erlendum samskiptum og
tengslum við erlendra hjúkrunarfræðinga hér á landi og íslenska
hjúkrunarfræðinga erlendis. Vigdís lauk BSc-námi í hjúkrunarfræöi
frá hjúkrunarfræðideild Háskóla íslands árið 1998, diplomanámi
i stjórnun í heilbrigðisþjónustunni frá Royal College of Nursing í
London árið 2001 og stundar nú meistaranám í verkefnastjórnun
(MPM) við verkfræöideild HÍ. Hún hefur frá árinu 1999 starfaö á
Landspítala-háskólasjúkrahúsi.
Vigdís er boöin velkomin til starfa hjá F.í.h.
I heimsókn sinni á geðveikrahælið spurði einn gesturinn deildar-
stjórann hvaða aðferö læknarnir beittu til að ákvarða hvort
leggja ætti sjúkling inn á hælið eöur ei.
„Sko," sagði deildarstjórinn, „við fyllum baðkar af vatni. Svo
bjóðum við sjúklingnum teskeið, tebolla eða fötu til að tæma
baðkarið."
„Aaa, ég skil," sagði gesturinn, „heilbrigð manneskja mundi þá
velja fötuna, þar sem hún er stærri en teskeiöin og tebollinn og
auðveldast að tæma baðkarið þannig!"
„Nei." Sagði deildarstjórinn, „Heilbrigð manneskja mundi taka
tappann úr. Má bjóöa þérherbergi meö eöa án glugga?'
Tímarit hjúkrunarfræöinga 4. tbl. 81. árg. 2005
41