Ráðunautafundur - 11.02.1985, Qupperneq 41

31
Rett er að hafa i huga hver eru megin markmið leiðbeiningarþjónustu-
nnar. Frá sjónarhóli garðyrkjubænda er það fyrsta að allt það starfs-
lið sem vinnur að garðyrkju á vegum hins opinbera megi notast til þeirra
starfa á sem hagstæðastan hátt. Annað er að ná betri árangri í ræktun
meiri uppskeru, ódýrari og betri framleiðslu og sem mestum hagnaði af
rekstrinum.
Hugmyndir um breytt fyrirkomulag leiðbeiningarþjónustu.
Þegar þess var óskað að garðyrkjubændur ræddu um leiðbeiningar-
þjónustuna hér á þessum fundi vildi svo vel til að stjórn Sambands garðyrkju
bænda hefur haft þessi mál til umf jöllunar um nokkurn tíma.
Þetta vil ég að hér komi fram þannig að fundarmönnum megi vera ljóst
að þær hugmyndir sem hér eru kynntar eru ekki mínar eigin vangaveltur
heldur ítarlega hugsaðar leiðir sem garðyrkjubændur sjálfir hafa sett fram.
Rétt er að minnast nokkuð á umfang leiðbeiningarþjónustu í garðyrkju
eða það svið sem um er að ræða.
Ef einungis er rætt um ylræktun í gróðurhúsum þá eru tvær megin
skiptingar á ræktun sem eru grænmeti og blóm. Innan hvors þessara sviða
er mikil fjölbreytni, þá á ég einungis við ræktunina sjálfa en að auki
koma byggingar, tæknibúnaður o.fl.
Þá má nefna útiræktun grænmetis, trjáa og runna sem einnig er mjög
fjölbreytilegt svið. Af þessu vita allir sem til þekkja að þarna er um
svo breytt svið að ræða að engin einn leiðbeinandi getur verið sérfræðingur
á hverju þeirra.
Vegna smæðar þessara verkefna sem hér um ræðir er óhugsandi að við
getum átt leiðbeinendur sem einungis sinnir hverri ræktunartegund.
Þess vegna hefur sú hugmynd komið fram hvort ekki megi tengja frekar
en nú er gert kennslu, rannsóknir og leiðbeiningar á hverju sviði fyrir sig.
Með þessu móti gætum við átt starfsmenn sem yrðu nokkuð sérhæfðir á sínu
sviði og næðu væntanlega betri árangri en þegar þess er vænst að sami
maður eigi að hafa sérþekkingu á öllum sviðum.
1 þessu sambandi hefur verið rætt um að rannsóknarþættir ylræktar og
útiræktaðs grænmetis færist alfarið að Garðyrkjuskóla ríkisins og þaðan
yrði rekin leiðbeiningarþjónusta garðyrkjunnar.
Þarna er þó ekki átt við að öll þessi störf færist að Garðyrkjuskól-
anum og má þá nefna ýmsar stofnanir sem hafa yfir sérfræðingum að ráða
sem koma garðyrkjubændum til verulegra nota t.d. R A L A varðandi jurta-
sjúkdóma og meindýr o.fl., Byggingastofnun landbúnaðarins og fleira mætti
nefna sem tengist garðyrkju ekki síður en öðrum búgreinum.