Ráðunautafundur - 11.02.1985, Page 231

-221-
III. Sláturstörfin.
En ekki er nóg að setja lög og reglur, vandinn er að framfylgja þeim
og það er þar sem skórinn kreppir hjá okkur. ÞÓ mikið hafi áunnist í upp-
byggingu sláturhúsa á síðustu árum verður þó ennþá að notast við mörg
sláturhús sem ekki uppfylla skilyrði til löggildingar eins og áður er lýst.
En ekki er nóg að hafa góð hús og vel útbúin, það sem ríður baggamuninn
þegar allt er skoðað er maðurinn sjálfur og hans vinnubrögð. Faglærðir
slátrarar hafa illu heilli aldrei verið til hér á landi, en sú stétt er í
öðrum löndum kjarninn í starfsliði sláturhúsa, en hér er engin kennsla
fyrir starfsmenn sláturhúsanna þrátt fyrir margrómað menntakerfi hér á
landi og er það ekki vansalaust þar sem kjötframleiðsla er svo stór þáttur
í okkar landbúnaði. Þeir sem unnið hafa sláturstörfin hér á landi hafa
fæstir gert þau að æfistarfi og látlaus mannaskipti gera það að verkum að
lítil festa hefur skapast hér í þessari atvinnugrein eins og annarsstaðar
tíðkast.
Ástæðan er m.a. sú að sauðfjárslátrun stendur yfir stuttan tíma á
hverju hausti og mörg haust hefur gengið erfiðlega að manna sláturhúsin.
Af þessum ástæðum m.a. hefur meira og minna af starfsfólki húsanna verið
óvant sláturstörfum og fákunnandi um þýðingu hreinlætis við sláturstörf.
Þegar svo þetta fólk er farið að ná tökum á slnu starfi er sláturtíðin á
enda og undir hælinn lagt hvort það kemur til starfa þegar næsta sláturtið
hefst. Sem betur fer hefur í nokkrum húsum tekist að mynda kjarna fólks
sem stundar þessa vinnu ár eftir ár og sannast sagna væri ekki hægt að reka
stóru færibandshúsin ef svo væri ekki.
Á síðustu árum hafa verið byggð stórgripasláturhús eftir kröfum nú-
tímans og slátrun nautgripa hefur jafnast nokkuð þannig að sum þessara húsa
starfa allt árið. Nokkur festa hefur þvi skapast með starfsfólk i þeim
húsum. En þar sem slátrað er aðeins á haustin að heita má, eru sömu vanda-
málin og í sauðfjárslátrun sem áður er lýst.
Vel búin alifuglasláturhús hafa einnig verið byggð á síðustu árum en
engar opinberar gæðamatsreglur eru ennþá til um alifugla, þó reglur um
heilbrigðisskoðun á alifuglum hafi verið settar.