Gerðir kirkjuþings - 01.01.2015, Blaðsíða 55

55
staðfesta samvist sína og skuldbindingar. Þjóðkirkjan heimilar prestum sínum að
blessa sambúð þeirra samkvæmt þar til ætluðu formi.“ Niðurstaðan var sú að litið
var á hjúskap samkynhneigða með sama hætti og þegar um gagnkynhneigða eru
að ræða.1
Ein hjúskaparlög voru samþykkt árið 2010. Þá fengu prestar að gifta samkynhneigð
pör. „Lögin voru höfð valkvæm byggt á áliti kenningarnefndar Þjóðkirkjunnar frá
2006“.
Þó hafa samkynhneigðir ekki sömu réttindi og gagnkynhneigðir í dag innan
kirkjunnar. Gagnkynhneigðir þurfa ekki að óttast það að vera hafnað af prestinum
sínum út af þeim sem þeir elska. Kenninganefndin viðurkenndi mismunandi
túlkanir á Biblíunni þar sem kynlíf samkynhneigða er fordæmt. Hægt er að túlka
það bókstaflega en einnig er hægt að túlka það út frá menningarlegu umhverfi
ritunartímans.
Prestar Þjóðkirkjunnar eru opinberir starfsmenn. Ekki á neinum öðrum opinberum
starfsvettvangi geta opinberir starfsmenn hafnað fólki þjónustu út af kynhneigð
sinni. Af hverju er þá kirkjan að því, sem ætti að vera siðferðislegt leiðarljós fyrir
söfnuði sína? Prestar Þjóðkirkjunnar bera skyldur sem opinberir starfsmenn sem
prestar annarra kirkjudeilda eru ekki bundnir við. Því er staða presta Þjókirkjunnar
frekar sérstök þegar kemur að baráttunni á milli trúfrelsi og mannréttindum
hinsegin fólks.
1)„Þjóðkirkjan og staðfest samvist: Drög að ályktun kenningarnefndar í apríl 2006, endurskoðuð
eftir Prestastefnu 2006 og Kirkjuþing 2006“. Ritari kenningarnefndar sr. Þorvaldur Karl Helgason,
sótt af www2.kirkjan.is/skjol/thjodkirkjan-og-stadfest-samvist.pdf.