Gerðir kirkjuþings - 01.01.2015, Blaðsíða 77

77
Prestsembættum hefur fjölgað eftir tímabil mikils samdráttar í kjölfar efnahagshrunsins.
Þau er nú 130 að telja. Var skipaður prestur í nýtt embætti í Garðaprestakalli á Akranesi,
hinn 1. maí sl. Þá hafa öll laus embætti verið auglýst til umsóknar eða prestar settir til
tímabundinnar þjónustu á meðan unnið er að framtíðarskipan mála. Þá skýra starfslok
einnig fjölgun launaðra embætta. Á árinu 2016 er fjöldi prestsembætta áætlaður hinn
sami og á yfirstandandi ári.
Á fundi sínum 10. mars 2015 samþykkti kirkjuráð að veita úr kirkjumálasjóði fjárhæð
sem svaraði 13 mánaðalaunum presta til ráðstöfunar í námsleyfi, til viðbótar við þá 14
mánuði sem áður hafði verið veitt til námsleyfakvótans. Varð heildarfjöldinn því 27
mánuðir vegna yfirstandandi starfsárs. Á árinu 2016 er gert ráð fyrir sama námsleyfakvóta.
Rekstraráætlun Biskupsstofu 2016 – Drög Rekstraráætlun m.v. efndan samning
Rekstraráætlun m.v.
skertan samning
Áætluð afkoma 288.007.000 -112.193.000
Tekjur 1.980.500.000 1.580.300.000
Gjöld 1.692.493.000 1.692.493.000
Laun alls 1.638.493.000 1.638.493.000
Rekstrarkostnaður biskups Íslands og vígslubiskupa 13.000.000 13.000.000
Almennur rekstur Biskupsstofu 41.000.000 41.000.000
Sérframlög
Sérframlög til stofnkostnaðar kirkjunnar lækka milli ára um 6 m.kr. og eru því samtals 21
m.kr. í fjárlagafrumvarpi vegna ársins 2016.
Stofnkostnaðargreiðsla ríkisins vegna Skálholts er 4 m.kr.
Sérframlag ríkisins árið 2015 til Hallgrímskirkju vegna viðgerða á turni að fjárhæð 5
m.kr. er fjórða greiðsla af sex ára greiðsluloforði sem var samtals um 30 m.kr. Auk þess
eru veittar 3,0 m.kr. vegna annars stofnkostnaðar og er því heildarframlag ríkisins til
Hallgrímskirkju 8,0 m.kr. árið 2016.
Framlag til Hóladómkirkju verður 4,3 m.kr. samkvæmt fjárlagafrumvarpi 2016 og
framlag til Dómkirkjunnar í Reykjavík verður 4,7 m.kr.
06-705 Kirkjumálasjóður
Kirkjumálasjóður var stofnaður með lögum nr. 138/1993, í sjóðinn runnu þá framlög sem
áður runnu til prestsetrasjóðs, einnig var nokkrum öðrum fjárlagaliðum sem byggðust
á eldri lagaheimildum eins og um Tónskóla þjóðkirkjunnar, prestastefnu, og kirkjuþing
sett saman og mynduðu þá tekjustofn sjóðsins en til einföldunar var þá ákveðið að miðað
við ákveðið hlutfall af gjöldum er renna til þjóðkirkjusafnaða samkvæmt lögum um
sóknargjöld.