Dagblaðið Vísir - DV - 23.09.2016, Blaðsíða 4

Helgarblað 23.–26. september 20164 Fréttir
Fylgist með okkur á Facebook.com/Lyfsalinn
Uppakomur • Leikir • Tilboð
Sjálfstætt starfandi
apótek í Glæsibæ
Okkar markmið er að veita þér og þínum framúrskarandi þjónustu og ráðgjöf
Fylgist með okkur á Facebook.com/Lyfsalinn
Uppakomur • Leikir • Tilboð
Opnunartími: Virka daga 8.30-18
Laugardaga 10.00-14.00
Feðgar vilja fjárfesta
inn í milljarðaveltu
n Vilja selja hluti í Extreme Iceland n Útlit
fyrir 2,5 milljarða veltu eftir sex ára rekstur
Þ
að er allt til sölu fyrir rétt
verð,“ segir Kári Björnsson,
framkvæmdastjóri og einn
eigenda Extreme Iceland, og
staðfestir að hluthafar þess
vilji selja minnihlutaeign í ferðaþjón-
ustufyrirtækinu, sem velti 1,4 millj-
örðum króna í fyrra, og jafnvel allt
hlutaféð. Fyrirtækjaráðgjöf Virðingar
hefur verið fengin til að sjá um sölu-
ferlið en útlit er fyrir að tekjur Extreme
Iceland, sem var stofnað árið 2010, á
þessu ári verði tæplega fimmfalt meiri
en 2014 eða um 2,5 milljarðar króna.
„Það er eðlilegur vöxtur í þess-
um bransa. Við erum tilbúnir til að
taka fyrirtækið á næsta stig og fá fjár-
festa inn í það í fyrsta skiptið,“ segir
Björn Hróarsson, stjórnarformaður
Extreme Iceland.
108 milljóna hagnaður
Björn stofnaði fjölskyldufyrirtækið
2009 og hófst starfsemi þess í mars árið
eftir. Það er í dag í eigu Björns og sona
hans, Kára og Steinars, í gegnum félag
þeirra Umbrella ehf. Samkvæmt ný-
birtum ársreikningi Extreme Iceland
var fyrirtækið rekið með 108 milljóna
króna hagnaði í fyrra samanborið við
15 milljónir árið áður. Rekstrarhagn-
aður fyrir afskriftir og fjármagnsliði
(EBITDA) nam 193 milljónum í árs-
lok 2015. Á þeim sex árum sem liðin
eru síðan fyrirtækið var stofnað hefur
það safnað eignum upp á 492 milljón-
ir króna en skuldar 383 milljónir.
„Við viljum fá inn minnihlutafjár-
festa en höfum áhuga á að reka fyrir-
tækið áfram. Við erum að kanna hvort
við fáum verð sem við getum mögu-
lega verið sáttir við en erum ekki bún-
ir að festa eða ákveða neitt,“ segir
Kári, og svarar aðspurður að feðgarn-
ir myndu skoða tilboð í allt hlutaféð.
„Já, já, en helst ekki. Það þarf að
koma ótrúlega gott tilboð til að það
gerist,“ segir Kári.
Með opinn faðm
Extreme Iceland býður meðal annars
upp á norðurljósa-, jökla og jeppaferð-
ir. Allt frá eins og upp í sjö daga ferð-
ir eru í boði og erlendir ferðamenn
geta meðal annars valið um að skoða
Gullna hringinn, keyrt hringveginn
eða heimsótt Jökulsárlón.
„Við erum með opinn faðminn og
látum drauma rætast og þjónum þeim
sem biðja okkur um að láta drauma
sína rætast. Það er að stærstum hluta
hinn hefðbundni túristi sem kemur til
okkar,“ segir Björn.
„Við erum einungis innanlands og
erum í móttöku erlendra ferðamanna
í hinni víðustu mynd. Við viljum vera
það fyrirtæki þar sem þú getur komið
og fengið allt sem er í boði á Íslandi og
þurfir ekki að leita neitt annað. Þetta
gengur vel og við áætlum að veltan
verði um tveir og hálfur milljarður í ár
og erum spenntir fyrir framhaldinu,“
segir Kári. n
„Við erum með
opinn faðminn og
látum drauma rætast.
Uppgangur Feðgarnir Björn
Hróarsson, Kári og Steinar, eru einu
hluthafar Extreme Iceland.
Haraldur Guðmundsson
haraldur@dv.is
Læknuð af lifrarbólgu
Fanney Björk er einkenna- og smitlaus
F
anney Björk Ásbjörnsdóttir,
sem glímt hefur við lifrar-
bólgu C í rúma þrjá áratugi,
er læknuð af sjúkdóminum.
Saga Fanneyjar vakti mikla athygli
fyrir rúmu ári þegar hún steig fram
og lýsti því hvernig hún smitaðist af
sjúkdómnum við blóðgjöf, sem hún
fékk árið 1983 eftir barnsburð, en
fékk ekki bestu mögulegu lyf nema
greiða himinháa upphæð. Pressan
greinir frá þessu.
Fanney Björk óskaði eftir því að
fá lyfin greidd í gegnum sínar sjúkra-
tryggingar og fór málið fyrir dóm-
stóla. Íslenska ríkið var sýknað af
kröfu um að greiða lyf Fanneyjar
Bjarkar en verðið var um 10 milljónir
króna. Mikil reiðialda fór af stað í
samfélaginu út af niðurstöðunni.
Svo fór að Fanney Björk fékk vilyrði
fyrir lyfjunum í lok síðasta árs og hóf
meðferðina í janúar. Meðferðinni
lauk í júní og þær fregnir bárust í vik-
unni að meðferðin hefði skilað til-
ætluðum árangri. Fanney Björk er nú
einkenna- og smitlaus. n
ritstjorn@dv.is
Fanney Björk
Ásbjörnsdóttir
Hafði betur gegn
kerfinu eftir
áralanga baráttu.
Sigurjón og
Yngvi sýknaðir
Hæstiréttur Íslands sýknaði í gær
Sigurjón Þ. Árnason, fyrrver-
andi bankastjóra Landsbank-
ans, og Yngva Örn Kristinsson,
fyrrverandi framkvæmdastjóra
verðbréfasviðs bankans, af öll-
um kröfum slitastjórnar bankans.
Málið varðar kröfur slitastjórn-
arinnar á tvímenningana um
greiðslu á 1,2 milljörðum króna
vegna meints fjártjóns sem þeir
áttu að hafa valdið bankanum
í tengslum við hlutabréfakaup
bankans í sjálfum sér, á árunum
fyrir hrun. Héraðsdómur hafði
áður dæmt Sigurjón og Yngva til
að greiða 237 milljónir króna í
skaðabætur. Hæstiréttur dæmir
hins vegar slitastjórnina til að
greiða þeim, hvorum fyrir sig,
fimm milljónir í málskostnað.
Prófkjör
sögð úrelt
Helga Dögg Björgvinsdóttir, for-
maður Landssambands Sjálf-
stæðiskvenna, hefur sagt sig úr
Sjálfstæðisflokknum. Það hafa
Jarþrúður Ásmundsdóttir og
Þórey Vilhjálmsdóttir einnig gert
en þær hafa báðar gegnt sömu
stöðu og Helga Dögg. Þær stöllur
segja fullreynt að hreyfa við þeim
íhaldssömu skoðunum og gild-
um sem ríkja um jafnréttismál í
Sjálfstæðisflokknum.
Tíu af fjórtán konum í stjórn
landssambandsins hafa sagt
sig úr stjórninni. Í yfirlýsingu
segja þær að málflutningur um
að mikilvægt sé að velja hæf-
asta einstaklinginn sé úreltur og
einnig að prófkjör séu úrelt leið
til að velja framboðslista. Sjálf-
stæðiskonur báru skarðan hlut
frá borði í prófkjörum víða um
land.