Dagblaðið Vísir - DV - 23.09.2016, Blaðsíða 14

Helgarblað 23.–26. september 201614 Fréttir Erlent
H
eimildaþáttur CBS um
dauða hinnar sex ára Jon-
Benet Ramsey um jólin árið
1996 varpar ljósi á atburða-
rásina kvöldið örlagaríka. Þó
að tuttugu ár séu liðin frá því að hún
fannst látin í kjallara heimilis síns hef-
ur enginn verið ákærður fyrir aðild að
dauða hennar.
Þrátt fyrir ungan aldur hafði Jon-
Benet tekið þátt í fjölda fegurðar-
samkeppna og vakti dauði hennar
umræðu um slíkar keppnir fyrir börn.
Dauði hennar varð eitt stærsta frétta-
mál Bandaríkjanna um jólin 1996
og langt fram á árið 1997. Þegar líkið
fannst var augljóst að hún hafði verið
barin og kyrkt. Nokkrum klukku-
stundum áður hafði móðir hennar,
Patsy Ramsey, hringt í Neyðarlínuna
þar sem hún tilkynnti að JonBenet
hefði verið rænt frá heimili sínu í
Boulder í Colorado í Bandaríkjunum.
Neituðu aðild
Sem fyrr segir fannst lík hennar í kjall-
aranum nokkrum klukkustundum
síðar. Foreldrar stúlkunnar neituðu
aðild að dauða hennar og þá taldi
lögregla útilokað að eldri bróðir Jon-
Benet, hinn níu ára gamli Burke, hefði
átt aðild að dauða hennar.
Þrátt fyrir ítarlega rannsókn lög-
reglu á sínum tíma var enginn hand-
tekinn eða ákærður vegna dauða stúl-
kunnar. Árið 2006 var maður að nafni
John Mark Kerr handtekinn, en hann
var kennari í heimabæ JonBenet á
þeim tíma er hún var myrt.
DNA-rannsókn leiddi síðar
í ljós að hann kom ekki að
dauða stúlkunnar.
Spjótin beinast að bróðurnum
Nýrri kenningu var hins vegar varp-
að fram í fyrrnefndum þætti CBS,
The Case Of: JonBenet Ramsey, sem
sýndur var á mánudagskvöld. Í hon-
um segir rannsóknarlögreglumaður
sem kom að rannsókninni á sínum
tíma að öll spjót standi á bróðurnum.
Í þættinum var farið ofan í öll gögn
málsins og þau skoðuð á nýjan leik,
meðal annars af þeim sem komu að
rannsókn málsins á sínum tíma og
fyrrverandi fulltrúum bandarísku al-
ríkislögreglunnar, FBI.
Samkvæmt kenningunni varð
Burke systur sinni að bana eftir að
hann snöggreiddist. Ekki hafi verið
um viljaverk að ræða heldur hafi
Burke slegið systur sína í höfuðið
með vasaljósi eftir að hún laumaðist
í skál, fulla af ananas, sem hann var
að borða úr. Í þáttunum kom fram að
Burke hefði áður sýnt systur sinni of-
beldisfulla tilburði og ári áður, þegar
JonBenet var fimm ára, hafi hann
slegið hana í höfuðið með golfkylfu.
Ekki drepin að yfirlögðu ráði
James Kolar, sem kom að
rannsókninni fyrir saksóknaraemb-
ættið í Boulder, sagði í þættinum á
mánudagskvöld að fjölskyldan hefði
komið heim milli klukkan 21.30 og
22.00 þann 26. desember. Samkvæmt
kenningunni sem varpað var fram í
þættinum var JonBenet sofandi þegar
fjölskyldan kom heim. Faðir hennar,
John Ramsey, á að hafa vakið hana
til að pissa fyrir nóttina. Á meðan hafi
móðir hennar gefið Burke skál með
ananas og JonBenet laumast í hana.
Þeir sem komu að rannsókninni
á málinu í heimildaþætti CBS eru
sammála um að JonBenet hafi ekki
verið drepin að yfirlögðu ráði. Þeir
eru hins vegar sammála um að for-
eldrar hennar hafi reynt að hylma yfir
það sem raunverulega átti sér stað.
„Ramsey-fjölskyldan vildi ekki að lög-
regla leysti málið og þess vegna er það
enn óleyst,“ segir Jim Clemente, full-
trúi bandarísku alríkislögreglunnar,
sem fór yfir gögnin.
Hann og aðrir sem að rannsókn-
inni komu eru sammála um að við-
brögð Ramsey-fjölskyldunnar vegna
dauða JonBenet hafi ekki verið dæmi-
gerð. Í nær öllum tilfellum sé lögregla
undir miklum þrýstingi um að leysa
mál sem þessi en það hafi ekki gerst í
þessu tiltekna máli.
DNA-rannsókn var gerð á
fötunum sem JonBenet klæddist um-
rætt kvöld og á nærbuxum hennar og
fundust lífsýni, blóðblettur nánar til-
tekið, sem komu ekki heim og saman
við lífsýni sem tekin voru úr öðrum
fjölskyldumeðlimum. Rannsókn
leiddi samt sem áður í ljós að Jon-
Benet hafði ekki verið misnotuð kyn-
ferðislega fyrir dauða sinn og segja
rannsakendur að lífsýnið sem fannst
hafi ekkert rannsóknargildi. Það gæti
hafa komið frá þeim fjölmörgu sem
meðhöndluðu lík hennar, til dæmis
lögreglumönnum eða sjúkraflutn-
ingamönnum eða frá þeim sem með-
höndluðu nærbuxurnar þegar þær
voru framleiddar. Samt sem áður
gerði þetta lífsýni það að verkum að
Ramsey-fjölskyldan var útilokuð frá
rannsókninni.
Dularfullt símtal
Þættirnir um JonBenet-málið voru
tveir talsins og í fyrri þættinum var
birt upptaka úr símtali sem Patsy átti
við Neyðarlínuna kvöldið örlagaríka.
Undir lok símtalsins, þegar Patsy telur
sig vera búna að slíta símtalinu, heyr-
ist hún segja, óskýrt þó: „Hvað gerð-
irðu? Guð minn góður.“ Skömmu síð-
ar heyrist Burke segja: „Hvað funduð
þið?“ Þess má geta að foreldrar Jon-
Benet sögðu að Burke hefði verið sof-
andi í rúmi sínu þegar hringt var eftir
aðstoð lögreglu.
Í þættinum var einnig rætt við Kim
Archuletta sem tók við símtalinu frá
móður JonBenet. Hún sagðist hafa
fengið þá tilfinningu að símtalið hefði
verið æft fyrirfram og hún útiloki ekki
að heyrst hafi í tveimur, jafnvel þrem-
ur, manneskjum meðan á símtalinu
stóð.
Einkennilegt kröfubréf
Eftir að lögregla var kölluð að heimili
Ramsey-fjölskyldunnar fannst dular-
fullt bréf sem virtist við fyrstu sýn vera
frá þeim sem bar ábyrgð á hvarfi Jon-
Benet. Bréfið sem um ræðir var þrjár
blaðsíður og í því komu fram kröf-
ur um að foreldrar stúlk unnar þyrftu
að greiða 118 þúsund Bandaríkjadali
Fæst í öllum helstu apótekum og Heilsuhúsinu.www.provision.is
Viteyes AREDS2 er andoxunarvítamín með
sinki, lúteins og zeaxantíns og er ætlað
við aldursbundinni augnbotnahrörnun.
Nú er vítamínið með endurbættri formúlu
sem gerir það enn betra en áður.
AUGNVÍTAMÍN
Augnheilbrigði
Við aldursbundinni
augnbotnahrörnun
Öll spjót
standa á
bróðurnum
n Heimildaþáttur varpar ljósi á dauða hinnar sex ára JonBenet Ramsey
n Tuttugu ára rannsókn hefur litlu skilað
Bréfið Þetta bréf fékk lögreglumenn til að klóra sér í kollinum á sínum tíma. Grunur
lék á að móðir JonBenet hefði skrifað bréfið en aldrei tókst að sanna það.
Ramsey-fjöl-
skyldan JonBenet
lést þann 26. desem-
ber árið 1996. Margt
er enn á huldu um
hvað gerðist þetta
örlagaríka kvöld.
JonBenet Ramsey
Var sex ára þegar hún
lést. Þrátt fyrir að
vera aðeins sex ára
gömul hafði hún tekið
þátt í fjölmörgum
fegurðarsamkeppn-
um.
Einar Þór Sigurðsson
einar@dv.is