Dagblaðið Vísir - DV - 23.09.2016, Blaðsíða 36

Helgarblað 23.–26. september 201628 Skrýtið Sakamál
Í
júní 2005 fór Libby
Lathbury, frá Conyers í
Georgíu í Bandaríkjunum,
í verslunarferð til Atlanta. Á
meðal þess sem hún keypti
var Colt-skammbyssa og segir
ekki meira af kaupstaðarferð
þessari.
Að kvöldi 4. júlí, eftir að hafa
fagnað þjóðhátíðardegi Banda-
ríkjanna með fjölskyldu og vin-
um, smellti Libby kossi á kinn
á eiginmanns síns, George,
áður en þau tóku á sig náðir.
Fleiri kossa fékk George ekki í
lifanda lífi, eða yfir höfuð.
Huslaður í húmi nætur
Um nóttina skaut Libby
menntaskólaástina sína
þrisvar sinnum í höfuðið
með Colt-skammbyssunni.
Síðan vafði hún segldúk
utan um volgt líkið og dró það út í
garðinn. Jarðvegurinn var of harður
til að Libby gæti tekið djúpa gröf og
því huldi hún líkið með jarðvegi og
laufum.
Ástæða verknaðarins var ekki
framhjáhald, enda höfðu Libby og
George búið saman í opnu hjóna-
bandi. Skýringin var einföld og átti
eftir að koma í ljós síðar.
Fjárdráttur
Þannig var mál með vexti að Libby
hafði verið rekin úr starfi bókara
hjá byggingarfyrirtæki eftir að upp
komst að hún hefði dregið sér meira
en tvær milljónir Bandaríkjadala.
Fyrirtækið hafði gert tilraun til að
leiða málið til lykta utan dómstóla.
Libby hafði einnig séð um bók-
hald í málmiðnaðarfyrirtæki Ge-
orges og veitt illa fengnu fé sínu í
gegnum það. George sjálfur hafði
verið fullkomlega grunlaus um
græsku sinnar heittelskuðu, enda
rekið farsælt fyrirtæki um árabil og
hafði ekki ástæðu til að ætla annað
en að hann sigldi lygnan sjó.
Allt selt
Þegar dagur rann strunsaði Libby
inn á skrifstofur fyrirtækis Georges
og fengu allir starfsmenn nema einn
reisupassann. Að því loknu seldi
hún allt sem ekki var naglfast; tæki
og efni að „andvirði hundraða þús-
unda dala“, að sögn bróður Georges,
Jonathans.
Libby sagði að George hefði feng-
ið hjartaslag á mótorhjólinu, en
hann var þekktur fyrir áhuga sinn
á vélfákum. Hann hefði verið lagð-
ur inn á sérhæft sjúkrahús í Norður-
Karólínu.
Ný útgáfa
Útskýringar Libby urðu öllu loðnari
þegar Jonathan gekk á hana. Libby
fór í kerfi og sagðist myndu hafa
samband við lækninn. „Við höfðum
samband við alla spítala sem hægt
var, og Blue Cross, tryggingafyrir-
tæki hans, gat ekki veitt nokkur svör.
Þá vissum við að tímabært væri að
hafa samband við lögregluna,“ sagði
Jonathan.
Lögreglan fór að heimili hjón-
anna og ræddi við Libby. Hún fullyrti
nú að George hefði farið frá henni,
en glöggur lögregluþjónn rak augun
í veski Georges á kommóðu í svefn-
herberginu – með reiðufé, krítarkort-
um og ökuskírteini í.
Líkið finnst – Libby hverfur
Þann 28. júlí mætti lögreglan með
leitarhunda sem voru ekki í vand-
ræðum með að finna líkamsleifar
George, sem þá þegar voru byrjaðar
að rotna. En Libby hafði nýtt tæki-
færið og af henni fannst ekki tang-
ur né tetur. Lögreglan beið ekki
boðanna og lýsti eftir henni vegna
ýmissa saka.
Dagar urðu að vikum og vikur
að mánuðum en ekkert spurðist til
Libby. Ekki fyrr en 8. september í
Phoenix-borg í Alabama þegar lög-
reglan ákvað að skoða grunsamlegan
bíl sem hafði verið lagt við blokk eina
þar í borg.
Libby handtekin
Áhyggjufullur, sumir myndu segja
afskiptasamur, íbúi hafði haft sam-
band við lögregluna vegna hvítrar
Chevrolet Blazer-bifreiðar sem hafði
staðið við blokkina í meira en viku.
Bíllinn var á Georgíu-númerum og
eigandinn reyndist vera Libby. Hún
var handtekin og flutt í lögreglufylgd
heim til Conyers.
Libby játaði að hafa fyrirkomið
eiginmanni sínum, sagðist hafa gert
það til að firra hann skömm vegna
fjárdráttar hennar. Í apríl 2006 fékk
Libby Lathbury lífstíðardóm og fimm
árum betur. Þannig fór nú það. n
Fyrirkomið
vegna Fjár-
dráttar
n Libby vildi forða eiginmanni sínum
frá skömm n Það tókst 100 prósent
„Síðan
vafði hún
segldúk utan um
volgt líkið og dró
það út í garðinn
Libby Lathbury
Tókst nokkuð lengi að
forðast réttvísina.
Grunlausi George Hafði ekki ástæðu til að gruna mennta-skólaást sína um græsku.
Sími: 562 5900
www.fotomax.is
Yfirfærum
yfir 30 gerðir
myndbanda,
slides og
fleira
Björgum
minningum
Persónulegar
gjafir við öll
tækifæri
Allt til að
merkja
vinnustaðinn