Dagblaðið Vísir - DV - 23.09.2016, Blaðsíða 40
Helgarblað 23.–26. september 201632 Menning
S
öngleikurinn Blái hnöttur-
inn verður frumsýndur í
Borgarleikhúsinu á laugar-
daginn, 24. september.
Bergur Þór Ingólfsson sér
um leikgerð og leikstjórn og þau
Kristjana Stefánsdóttir eru höf-
undar söngtexta og tónlistar. Andri
Snær Magnason er höfundur bók-
arinnar um Bláa hnöttinn og fékk
Íslensku bókmenntaverðlaunin
árið 1999 fyrir verkið. Samnefnt
leikrit hans var frumsýnt í Þjóðleik-
húsinu árið 2001, hefur verið sýnt
víða um heim og unnið til fjölda
verðlauna.
„Frá því bókin kom út hefur
hún verið ljóslifandi hjá mér,“ segir
Bergur Þór. „Ég las hana fyrir börn-
in og einni dóttur minni fannst of
langt gengið og hafði horn í síðu
Andra Snæs fyrir að láta börnin
lenda í svona ægilegum aðstæðum.
Hún er búin að fyrirgefa honum
núna. Andri gaf mér frjálsar hend-
ur lét, mig hafa bókina og handritið
og sagði: „Gjörðu svo vel!“ Örlátur
maður og fullur af trausti.
Nýjungin í þessari uppfærslu
er að verkið er söngleikur. Þar er
fjallað um hætturnar við að glata
æskunni, mennskunni og sakleys-
inu. Allt þetta reyni ég að fanga
um leið og ég leitast við að hafa
verkið spennandi og áhugavert og
sagan býður sannarlega upp á það.
Börnin á bláa hnettinum eru full af
hæfileikum, gáska, lífsvilja, fegurð
og sakleysi, jafnvel umkomuleysi.
Hætta skapast þegar fullorðinn
einstaklingur selur þeim lífsstíl og
þau vilja alltaf meira og meira. Sölu-
maðurinn, Gleði-Glaumur, er ótrú-
lega skemmtilegur og spennandi en
sölumennska hans er stórhættuleg.
Um leið og við manneskjurnar
fáum upp í hendur töfralausnir þá
gleymum við því sem skiptir mestu
máli. Verkið flytur þann boðskap
að samfélagið eigi að snúast um
það að virkja hæfileika okkar og
mennsku og börn eigi að fæðast til
að blómstra og nýta hæfileika sína.
Ég vona að bæði börn og fullorðn-
ir njóti verksins og taki með sér út
áminninguna um það hvernig við
eigum að leitast við að vera og hver
séu hin raunverulegu verðmæti.“
Rúmlega tuttugu börn taka þátt
í sýningunni. „Það er dásamlegt að
leikstýra þeim,“ segir Bergur Þór.
„Þau eru einstaklega hæfileikarík,
vakna á hverjum morgni og segja:
„Heimur ögraðu mér!“ Þau þyrst-
ir í verðug verkefni þar sem þau
geta notað hæfileika sína, eru fljót
að læra og soga í sig upplýsingar.
Vinnusiðferði þeirra er einstakt,
þau mæta á réttum tíma, leggja sig
fram, taka tilsögn og vilja alltaf gera
betur. Ég er heillaður og yfir mig
hrifinn af þessum börnum.“ n
„Þau eru einstak-
lega hæfileikarík,
vakna á hverjum morgni
og segja: „Heimur ögraðu
mér!“
Söngleikur um hin
raunverulegu
verðmæti
n Bergur Þór Ingólfsson
leikstýrir Bláa hnettinum
n Rúmlega tuttugu börn
taka þátt í sýningunni
Bergur Þór í sviðs-
myndinni „Um leið og
við manneskjurnar fáum
upp í hendur töfralausn-
ir þá gleymum við því
sem skiptir mestu máli.“
Mynd Sigtryggur Ari
Kolbrún Bergþórsdóttir
kolbrun@dv.is