Dagblaðið Vísir - DV - 11.04.2017, Page 44

44 sport Páskablað 11. apríl 2017
Baráttan um sæti
í Meistaradeildinni
n Leikirnir sem toppliðin eiga eftir n Hvaða lið fylgja Chelsea og Tottenham í Meistaradeildina?
F
átt bendir til annars en
að Chelsea hampi Eng-
landsmeistaratitilinum í
knattspyrnu áður en langt um
líður. Liðið er með sjö stiga
forskot þegar sjö umferðir eru eftir.
Tottenham virðist vera langt komið
með að tryggja sér 2. sætið. Liðið er
með 5 stiga forskot á Liverpool og á
auk þess leik til góða. En baráttan
um hin tvö sætin sem gefa þátttöku-
rétt í Meistaradeild Evrópu næsta
vor er hörð; Liverpool, Manchester
City, Arsenal og Manchester United
berjast um þessi tvö sæti. Breska
blaðið Daily Mail lagði á dögunum
mat á möguleika þessara liða á að
ná einu af fjórum efstu sætunum,
meðal annars með tilliti til þeirra
leikja sem liðin eiga eftir. n
Einar Þór Sigurðsson
einar@dv.is
City-liðið hefur náð betri takti í leik sinn eftir því sem liðið hefur á tímabilið. Úrslitin hafa þó
ekki verið liðinu í hag að undanförnu en vinni City þá leiki sem það á eftir er Meistaradeildar-
sætið þeirra. City á tiltölulega þægilega leiki eftir og þar af fjóra heimaleiki af þeim sjö sem
eftir eru.
Jákvæð merki: Þetta er í þeirra höndum og leikirnir sem eru eftir ættu að geta unnist, ef liðið
spilar sinn leik. Þó að úrslitin hafi ekki verið liðinu í hag hefur liðið spilað vel að undanförnu.
Neikvæð merki: Varnarleikur liðsins er áhyggjuefni og þá hafa verið sett spurningarmerki við
hugarfar leikmanna, nú þegar ljóst er að titillinn er runninn liðinu úr greipum.
Leikir eftir:
n 14. apríl: Southampton (ú) n 27. apríl: Manchester United (h)
n 30. apríl: Middlesbrough (ú) n 6. maí: Crystal Palace (h)
n 13. maí: Leicester (h) n 21. maí: Watford (ú) n Óákveðin dagsetning: West Brom (h)
Einkunn (líkur á topp 4): 4/5
Manchester City – 31 leikur, 61 stig
Gengi Liverpool hefur verið nokkuð sveiflukennt á tímabilinu. Liðið hefur
staðið sig vel gegn toppliðunum en átt í basli með lið sem fyrirfram eru
talin lakari. Það sýndi sig til dæmis í 2-2 jafnteflinu við Bournemouth á
dögunum.
Jákvæð merki: Ekkert lið hefur skorað fleiri mörk í úrvalsdeildinni í vetur.
Liðið er auk þess taplaust síðan í lok febrúar sem gefur Liverpool-mönnum
ákveðna von.
Neikvæð merki: Liðið hefur átt í basli með lið í neðri hlutanum. Liðið á
sex leiki eftir og allir eru þeir gegn liðum sem eru um eða fyrir neðan miðja
deild. Þá er Sadio Mane meiddur og spilar ekki meira á tímabilinu. Liverpool
hefur átt í basli með að vinna leiki þegar hann spilar ekki.
Leikir eftir:
n 16. apríl: West Brom (ú) n 23. apríl: Crystal Palace (h)
n 1. maí: Watford (ú) n 7. maí: Southampton (h)
n 13. maí: West Ham (ú) n 21. maí: Middlesbrough (h)
Einkunn (líkur á topp 4): 3/5
Liverpool – 32 leikir, 63 stig
Nú reynir á Arsene Wenger og lærisveina hans. Liðið verður ekki Englandsmeistari og
heyr nú harða baráttu um að komast í Meistaradeildina. Liðið vann öruggan sigur á
West Ham á dögunum og þótti spila ágætlega í jafnteflinu gegn City. Það er spurning
hvort Arsenal-liðið sé búið að finna taktinn.
Jákvæð merki: Liðið á einn til tvo leiki til góða á liðin fyrir ofan og hefur spilað betur í
síðustu leikjum eftir erfiðar vikur í febrúar og mars.
Neikvæð merki: Liðið á tvo mjög erfiða leiki eftir, úti gegn Tottenham og heima gegn
Manchester United. Arsenal hefur verið í basli með toppliðin í vetur. Álagið næstu vikurnar
verður mikið; átta leikir í deild og einn í undanúrslitum FA Cup gætu gert liðinu erfitt fyrir.
Leikir eftir:
n Leikur Arsenal og Crystal Palace stóð yfir þegar blaðið fór í prentun.
n 17. apríl: Middlesbrough (ú) n 26. apríl: Leicester (h) n 30. apríl: Tottenham (ú)
n 7. maí: Manchester United (h) n 13. maí: Stoke (ú) n 21. maí: Everton (h)
n Óákveðin dagsetning: Sunderland (h) n Óákveðin dagsetning: Southampton (ú)
Einkunn (líkur á topp 4): 2,5/5
Arsenal – 29 leikir, 54 stig
Manchester United er á kunnuglegum slóð-
um, 6. sætinu. Þrátt fyrir að fúlgum fjár hafi
verið varið í nýja leikmenn hefur gengi United
valdið vonbrigðum í vetur. Liðið er þó ekki úr
leik í baráttunni um 4. sætið en útlitið er ekki
sérstaklega bjart um þessar mundir.
Jákvæð merki: Ef United kemst á sigur-
braut verður 3. eða 4. sætið þess. Liðið er
með Zlatan Ibrahimovic í fremstu víglínu
sem getur unnið leiki upp á eigin spýtur.
Neikvæð merki: Zlatan er eiginlega sá
eini sem virðist geta skorað mörk. Þegar
hann á ekki góðan dag er liðinu vandi á
höndum. Liðið gerir allt of mörg jafntefli og það á erfiða og marga leiki eftir; City,
Tottenham og Arsenal úti og Chelsea heima. Við þetta gætu fimm leikir bæst ef liðið
fer alla leið í úrslit Evrópudeildarinnar.
Leikir eftir:
n 16. apríl: Chelsea (h) n 23. apríl: Burnley (ú) n 27. apríl: Manchester City (ú)
n 30. apríl: Swansea (h) n 7. maí: Arsenal (ú) n 13. maí: Tottenham (ú)
n 21. maí: Crystal Palace (h) n Óákveðin dagsetning: Southampton (ú)
Einkunn (líkur á topp 4): 2/5
Manchester United
– 30 leikir, 57 stig
Góðir City hefur spilað ágætlega
að undanförnu. Sergio Aguero er
langmarkahæsti leikmaður liðsins í
vetur með 24 mörk.
Lykilmaður Liverpool
varð fyrir áfalli þegar Sadio
Mane meiddist á dögunum.
Hann er liðinu gríðarlega
mikilvægur. Mynd EPA
Takturinn
kominn? Arsenal
hefur verið að
rétta úr kútnum
eftir erfiðar vikur í
febrúar og mars.
Mikið leikjaálag United á marga
leiki eftir. Góðu fréttirnar eru þær að
liðið þarf í raun bara að vinna sína
leiki en slæmu fréttirnar eru þær að
það hefur gengið illa í vetur. Mynd EPA