Dagblaðið Vísir - DV - 09.06.2017, Page 4

4 Helgarblað 9. júní 2017fréttir
Svæðið þolir ekki
áganginn til lengdar
n Íbúar í Urriðaholti finna fyrir auknum umferðarþunga n Þarf að bæta aðkomu inn í hverfið
Þ
að var algjör viðbjóður
fyrstu dagana að keyra heim.
Þetta hefur þó aðeins skán­
að núna,“ segir íbúi í Urriða­
holti en íbúar hverfisins
þurfa að keyra sömu leið og þeir sem
eiga leið í Kauptún, til að komast til
síns heima. Frá því að verslun Costco
var opnuð fyrir tæpum þremur
vikum hefur gríðarlegur umferðar­
þungi verið á svæðinu. Íbúinn sem
DV ræddi við segir ástandið þó hafa
lagast en að sama skapi þurfi að bæta
aðkomuna inn í Urriðaholt þar sem
gert er ráð fyrir 4.000 manna byggð.
Framkvæmdastjóri IKEA segir lítið
hægt að gera varðandi ástandið.
Hann hefur frá fyrsta degi ráðlagt
Costco­mönnum að opna nýja versl­
un á svæðinu við Korputorg.
Yfirfull bílastæði
„Ég er ekki eini íbúinn sem hefur
kvartað. Við erum mörg áhyggju­
full yfir þessari þróun og viljum
ekki verða háð því hve margir fara í
Costco og IKEA varðandi hvort við
komumst heim, án þess að þurfa að
keyra í gegnum umferðarþvögu.“
Íbúinn sem heitir Katrín segir
að fyrst eftir að Costco var opnuð
hafi það tekið hana um 30 mínútur
að komast heim. „Stundum fór ég
bara inn í Hafnarfjörð og tók beygj­
una þaðan til að komast hjá mestu
stíflunni sem myndaðist. Sem betur
fer er þetta að lagast og ég vona að
mesta nýjabrumið sé farið af þessu.“
Þá segir Katrín, sem hefur útsýni
yfir bílastæði Costco, að það sé yfir­
fullt, dag eftir dag, langt fram á kvöld.
Þá tekur hún eftir því að fólk notar
ítrekað bílastæði á lóð IKEA og Toyota.
„Ég get ekki ímyndað mér annað en að
þetta hafi áhrif á viðskiptin þar.
Ég var pirruð fyrst en þetta er
ekkert mál núna. En að sama skapi
þá þarf aðra akrein inn í hverfið. Það
verður að bæta aðgengið.“
Verða að opna nýja búð
Þórarinn Ævarsson, framkvæmda­
stjóri IKEA, tekur undir orð Katrínar
og segir að það sem áður þótti þægi­
leg aðkoma sé nú gjörbreytt. „Við­
tökurnar eru miklu meiri en Costco­
menn áttu von á. Það er rúmlega
hálfur mánuður liðinn frá opnun og
enn brjálað að gera. Allir á svæð­
inu finna fyrir því.“ Þórarinn segir
þó lítið hægt að gera og hann ætlar
ekki að krefjast þess af fólki sem er
að fara í Costco en leggur bílnum í
IKEA­stæði að það færi bíl sinn. „Það
er ekki minn stíll. Við þurfum öll að
þreyja þorrann núna en til lengri
tíma er þetta auðvitað ekki gott.“
Þá segir Þórarinn að sala í IKEA
hafi aukist nokkuð eftir að Costco
var opnuð. „Bæði í húsgögnum sem
og í veitingum. Fólk er kannski búið
að eyða tveimur klukkustundum í
Costco í að versla og kemur svo yfir
til okkar og fær sér að borða áður en
það heldur heim.“
Í nýju aðalskipulagi fyrir Garða­
bæ er gert ráð fyrir nýjum vegi inn
í hverfið. „Eins og staðan er núna
er óheppilegt að vera með eina
tengingu inn í hverfið. Nýi vegurinn,
hvenær sem hann kemur, mun létta
verulega á.“
Þórarinn bendir jafnframt á að
hann hafi frá fyrsta degi ráðlagt
Costco­mönnum að opna nýja búð.
„Þeir verða að opna nýja búð hjá
Korputorgi eða þar í kring. Í svona
rekstri er hægt að hafa of mikið að
gera. Mér skilst að mikið sé orðið
tómt hjá þeim núna. Þeir geta ekki
haldið svona áfram endalaust.“
Eins og jólin
Páll Þorsteinsson, upplýsingafull­
trúi Toyota á Íslandi, sem er stað­
sett í Kauptúni, segir að
þeim þyki þessi mikli
straumur fólks um
svæðið hið besta
mál. „Þetta eru
bara jólin. Það
er svo líflegt
hérna. Um­
ferðin stopp­
ar stundum
í smá stund
en svo fer allt
aftur í gang.
Ég myndi því
segja að umferðin
gangi bara
ágætlega.“ n
Kristín Clausen
kristin@dv.is
„Fólk er
kannski
búið að eyða
tveimur klukku-
stundum í
Costco í að
versla og kem-
ur svo yfir til
okkar og fær sér
að borða áður en
það heldur
heim.
Framkvæmdastjóri IKEA
Salan hefur aukist í IKEA eftir
að verslun Costco var opnuð.
MYnd SIgtrYggur ArI
urriðaholt er nýtt hverfi í garða bæ
Íbúar vilja margir betri samgöngur í og úr
hverfinu. MYnd SIgtrYggur ArI
toyota í Kauptúni Upplýsingafulltrúi fyrir-
tækisins er jákvæður í garð nýja nágrannans.