Dagblaðið Vísir - DV - 20.10.2017, Side 50

26 sakamál Helgarblað 20. október 2017
n Aldraðar konur voru myrtar unnvörpum n Lögreglan lengi vel ráðþrota
U
m miðjan dag 25. janúar,
2006, knúði Juana Barraza,
48 ára, einstæð móðir, dyra
heima hjá 82 ára konu, Önu
Mariu de los Reyes, í Mexíkó-borg.
Spurði Juana hvort mögulegt væri
að fá vatnsglas. Ana Maria hélt það
nú og bauð Juönu inn.
Þegar inn var komið kyrkti hún
Önu Mariu með hlustunarpípu
sem hún hafði í fórum sínum.
En Juana náðist skömmu síð-
ar því leigjandi Önu Mariu hafði
séð hana yfirgefa vettvanginn, rétt
áður en hann nánast hnaut um
líkið af Önu Mariu á stofugólfinu.
Ömurleg bernska
Áður en lengra er haldið er vert að
kíkja aðeins á forsögu Juönu. Hún
fæddist í strjálbýlu héraði norður
af Mexíkó-borg. Líf hennar var til
fárra fiska metið því að sögn gaf
móðir hennar, sem þjáðist án efa
af alkóhólisma á háu stigi, hana
manni í skiptum fyrir þrjá bjóra.
Þá var Juana 12 ára og sá sem
gerði þessi kostakaup reyndist
ekkert gæðablóð og beitti Juönu
kynferðislegu ofbeldi. Juana ól
honum son, en allt í allt eignaðist
hún fjögur börn.
Síðar gerðist Juana atvinnu-
maður í glímu og glímdi undir
nafninu Hljóða daman. Juana fyr-
irgaf aldrei móður sinni og varð
andúðin í hennar garð hvatinn að
því sem seinna gerðist.
Árangurslaus leit
Í kjölfar handtökunnar kom
ýmis legt upp úr krafsinu. Frá
árinu 2005 hafði lögreglan ár-
angurslaust reynt að hafa hendur
í hári morðingja sem virtist beina
spjótum sínum að öldruðum
konum. Það ár fundust nokkrar
gamlar konur kyrktar á heimilum
sínum.
Hinn óþekkti morðingi hafði
fengið viðurnefnið Morðingi
hinna öldnu kvenna. Nú varð
ljóst að Juana var umræddur
morðingi og hafði haft það fyrir
sið að þvælast um á almennings-
stöðum í leit að öldruðum kon-
um sem voru einar síns liðs.
Vingaðist við aldnar konur
Juana vingaðist við konurnar og
öðlaðist traust þeirra og gaf sig
stundum út fyrir að vera hjúkr-
unarkona eða starfsmaður fé-
lagsþjónustunnar. með þessu
móti átti hún greiða leið inn á
heimili verðandi fórnarlamba
síðar, og senni var sú raunin í til-
felli Önu Mariu.
Konurnar myrti Juana með
því kyrkja þær með símasnúru,
sokkabuxum eða hlustunarpípu,
sem fylgdi hjúkrunarhlutverkinu.
Fingraför könnuð
Í fyrstu taldi lögreglan að
morðinginn væri klæðskiptingur
og beindi sjónum sínum að
stöðum þar sem klæðskiptingar
stunduðu vændi. Síðar vann lög-
reglan út frá þeirri kenningu að
morðinginn væri karlmaður sem
klæddist kvenmannsfötum til
þess eins að komast inn á heimili
fórnarlambanna.
Enn síðar var talið að um væri
að ræða tvo morðingja, en ár-
angur lögreglunnar var átak-
anlega lítill og á endanum voru
könnuð fingraför allra sem lágu,
liðin lík í líkhúsum Mexíkó-borg-
ar. Sennilega vonaði lögreglan að
morðinginn hefði séð sóma sinn
í að fremja sjálfsmorð. Því var þó
ekki að heilsa.
Langur dómur
En sem sagt; eftir morðið á Önu
Mariu var umræddur morðingi
gómaður og fljótlega varð ljóst að
Juana hafði ýmislegt á samvisk-
unni.
Réttarhöld yfir henni hófust
vorið 2008 og ekki var talið frá-
leitt að Juana hefði allt að fjörtíu
morð á samviskunni og talið haf-
ið yfir allan vafa að fórnarlömb-
in hefðu verið birtingarmyndir
móður hennar, sem hún fyrirleit
af öllu sínu hjarta.
Reyndar játaði hún sig aðeins
seka um morðið á Önu Mariu,
en hægt var með vissu að bendla
hana við ellefu morð og hún sak-
felld fyrir þau ásamt ýmislegt
smáræði á borð við innbrot. Eftir
því var tekið að enga iðrun var að
sjá á morðkvendinu meðan á rétt-
arhöldunum stóð.
Juana Barraza fékk 759 ára
fangelsisdóm 31. mars 2008. n
Morð í Mexíkó-borg
„Sennilega
vonaði
lögreglan að
morðinginn hefði
séð sóma sinn í að
fremja sjálfsmorð
Glímukappinn Juana keppti undir nafninu Hljóða daman.
Búið spil Juana var
nánast gripin glóðvolg
við síðasta morðið.