Dagblaðið Vísir - DV - 20.10.2017, Blaðsíða 12

12 Helgarblað 20. október 2017fréttir
Gunnar segir að leitað hafi verið til sín um að taka sæti á lista. „Ég var Samfylk-
ingarmegin hérna áður fyrr og
hjarta mitt slær vinstra megin.
En í seinni tíð hef ég yfirleitt kos-
ið Vinstri græn.“ Á hans yngri
árum voru stjórnmálin hins
vegar ekki mikið rædd. „Ég var
ekkert að pæla í pólitík á þeim
árum. Þá var nóg annað að gera.“
Hann segist ekki vera mjög virkur
í kosningabaráttunni núna. „En
ég gaf að vísu út eitt lag við texta
Hallgríms Helgasonar, Við höf-
um hátt.“ Lagið hefur ekki verið
notað sérstaklega í framboðinu
en er innlegg hans í umræðu líð-
andi stundar.
En um hvað snúast kosn-
ingarnar? „Auðvitað þessi eilífu
spursmál um hægri og vinstri.
Um ójöfnuðinn í þjóðfélaginu
sem er rosalegur. Um 600 börn
lifa í fátækt á Íslandi sem er fyrir
neðan allar hellur. Það eru svona
hlutir sem brenna á mér.“ Gunn-
ar nefnir einnig leyndarhyggju
og spillingu sem hefur verið mik-
ið í umræðunni. „Þetta er heldur
betur að koma upp núna. Líkt og
við búum í Tyrklandi eða Rúss-
landi.“ Vinstri græn hafa verið að
mælast með tæplega 30 prósenta
fylgi í könnunum en Gunnar
yrði ekki sáttur við það. „35 pró-
sent og ekkert minna.“ Þrátt fyrir
slíkt fylgi telur hann enga hættu
á að hann sjálfur flyti inn á þing.
„Þingmennskan hefur aldrei
heillað mig og ég hef nóg annað
að gera.“
Gunnar Þórðarson – Tónlistarmaður
Vinstri grænir – 8. Suðurkjördæmi
Birgir Örn Guðjónsson
– Lögreglumaður og nútímafræðingur
Framsóknarflokkurinn – 3. Reykjavík suður
Karl Berndsen – Hárgreiðslumeistari og öryrki
Flokkur fólksins – 7. Reykjavík norður
Lilja Katrín Gunnarsdóttir
– Ritstjóri, leikkona og bakari
Viðreisn – 19. Reykjavík suður
Lilja var ekki flokksbundin en ákvað að taka sæti eftir að vinur hvatti hana til þess.
„Ég var beðin og gat eiginlega
ekki sagt nei. Það er svo margt
sem brennur á mér.“ Hún hefur
ávallt fylgst vel með en aldrei
verið virk í pólitísku starfi áður.
„Móðir mín er spákona og ég er
mikið fyrir stjörnuspeki. Í öllum
talnaútreikningum varðandi
minn fæðingardag hefur komið
fram að starfið sem henti mér
mjög vel sé þingmennska. Ég
hef alltaf fussað og sveiað yfir
þessum spádómum þar til nú.“
Það er á brattann að sækja
fyrir Viðreisn en Lilja er vígreif.
„Við verðum að berjast fram á
síðasta dag, það er ekkert ann-
að hægt. Auðvitað viljum við
að flokkurinn haldi þeim þing-
mönnum sem við höfum nú
og bæti í. Maður verður aldrei
sáttur og vill alltaf meira því
maður hefur trú á málefnunum
og vill sjá sem flesta í flokknum
blómstra.“ Lilja er mjög virk í
kosningabaráttunni og beitir
sér sem víðast. „Ég var á kosn-
ingaskrifstofunni í gær og var
að bera út bæklinga í morgun.
Mér finnst þetta mjög skemmti-
legt.“
Karl segist hafa flakkað mik-ið á milli stjórnmálaflokka í gegnum tíðina. „Ég byrjaði
í Alþýðuflokknum, foreldrum
mínum til lítillar ánægju. Síðan
varð ég Sjálfstæðismaður, síðan
Framsóknarmaður og nú er ég
kominn í Flokk fólksins. Ég hef
alltaf haft áhuga á pólitík, ekki
mjög mikinn en samt nokkurn.
Það er hægt að segja að ég hafi
prófað að lifa báðum megin við
borðið. Annars vegar í allsnægt-
um og hins vegar sem öryrki.
Það breytir ýmsu.“ Karl mætti
á fundi flokksins og hreifst af
áherslunum. Í kjölfarið var hann
beðinn að taka sæti og hann
varð við því.
„Ég er algjörlega tilbúinn í
slaginn. Við erum að tala við fólk
og reynum að snúa þeim sem
snúið verður. Ég bý í Hamrahlíð-
inni þar sem búa margir öryrkjar
og við verðum að standa saman.
Þó að við myndum ekki ná inn á
þing þá virðast allir vera komnir
með mál öryrkja og eldri borg-
ara á dagskrá. Það þarf að ger-
ast eitthvað í þessum málum og
mig óar við tilhugsuninni um að
Vinstri græn og þeir komist aft-
ur að. Þeir fóru nú ekki vel með
okkur á sínum tíma.“ Karl segir
aðaltakmarkið að koma flokkn-
um á þing og allt meira en það
yrði plús. En hefði hann áhuga á
því sjálfur? „Já, ég held það. Ein-
hvers staðar á mjög djúpu plani.“
Elísabet er ekki ókunn stjórnmálunum og var í framboði til embætt-
is forseta Íslands í fyrra. „Ég
hef aldrei verið virk í neinum
stjórnmálaflokki. Mér var eitt
sinn boðið sæti hjá Vinstri
grænum þar sem ég hafði ver-
ið að mótmæla Kárahnjúka-
virkjun. Það var ellefta sætið
sem mér fannst of nálægt. Ég
verð að vera frjáls andi.“ Hún
segist hafa kosið Píratana og
hrifist af því hvernig þeir tala
til fólks á mannamáli. „Þar
er margt ungt fólk sem vill
breyta hlutunum án þess að
vera stjórnmálamenn með
stóru essi. Mér var boðið
heiðurssæti og ég sagði strax
já, af því að ég er svo veik fyrir
heiðri. Annars hefði ég farið
að hugsa þetta of mikið.“
Hún segir kosningarnar
núna snúast um það að fylgja
eftir þeim málum sem felldu
ríkisstjórnina. „Að konur, börn
og menn fái að vera frjáls í
þessu landi án þess að þeim
sé stjórnað með ofbeldi. Stóru
málin eins og kvótamálin,
efnahagsmálin og utanríkis-
málin eru blásin upp. En hver
einstaklingur í þessu landi er
að glíma við sín eigin mál og
þegar þau lagast lagast hinir
hlutirnir líka. Stjórnmál nú-
tímans snúast um hvernig fólki
líður.“ Píratar eru flokkurinn
sem hún treystir til að fylgja
þessu eftir og takmarkið núna
er að komast í ríkisstjórn.
Elísabet
Jökulsdóttir
– Skáld
Píratar – 22. Reykjavík norður
Biggi lögga, eins og hann er kallaður, hefur alltaf haft sterkar skoðanir á hlutunum
og verið duglegur að viðra þær á
samfélagsmiðlum. „Ég er glænýr
í flokknum og hef ekki verið fyrir
flokkapólitík áður. Ég berst frekar
fyrir málefnum. Ég var nýútskrif-
aður og á vissum tímamótum í
lífi mínu, þannig að mér fannst
tími kominn til að taka baráttuna
upp á næsta stig. Ég hef verið að
pæla í þessum stjórnmálaflokk-
um í mörg ár en mér leist mjög vel
á Framsóknarflokkinn og fólkið í
honum. Ég og Lilja (Alfreðsdóttir)
ræddum saman og úr varð að ég
ákvað að bjóða fram krafta mína
með þeim.“
Biggi segir að ýmislegt þurfi að
laga. „Við þurfum að endurskoða
efnahagskerfið og afnema verð-
trygginguna. Einnig að efla grunn-
stoðirnar eins og heilbrigðiskerf-
ið, menntakerfið og löggæsluna.
Við getum ekki talað um eitthvert
góðæri hér á meðan þessir hlutir
eru ekki í lagi.“ Framsóknarflokk-
urinn hefur háð mikla varnarbar-
áttu undanfarið en Biggi er bjart-
sýnn. „Ég trúi því og treysti að
við náum að minnsta kosti góðri
tveggja stafa tölu. Það er algerlega
nauðsynlegt að Lilja nái inn. Ég
hef mikla trú á henni sem fram-
tíðarleiðtoga og það er ekki oft
sem stjórnmálamenn af hennar
kalíberi koma fram á Íslandi.“
Hreinsun á
jakkafötum
3.480 kr.
Hringbraut 119 - s: 562 7740 - Erum á Facebook
Opið
Virka daga
08:30-18:00
laugardaga
11:00-13:00