Morgunblaðið - Sunnudagur - 12.03.2017, Page 21
12.3. 2017 MORGUNBLAÐIÐ SUNNUDAGUR 21
land. Mig hefur alltaf langað til að starfa á
stöðum sem eru nokkuð frábrugðnir Bretlandi
og Ísland hefur alltaf staðið utan við Evrópu-
sambandið en er samt í nánu samstarfi við það,
svo mig langaði að kynnast því aðeins betur.
Brexit-málið bætti svo kryddi í tilveruna, það
er búið að skipta um forystu í báðum löndum
síðan þá og mér finnst öll þessi þróun bara
gera starfið áhugaverðara.“
Hann telur ekki að starf sendiherra Bret-
lands á Íslandi verði erfiðara vegna Brexit þótt
að ýmsu þurfi að huga nú, eins og til dæmis
stöðu Breta sem búi á Íslandi og stöðu Íslend-
inga sem búi í Bretlandi. „Ég hef minni
áhyggjur af því núna eftir að
báðar þjóðirnar hafa látið í
ljósi eindreginn vilja til að
ganga frá gagnkvæmu sam-
komulagi sem fyrst, til að
tryggja stöðu sinna ríkisborg-
ara sem þegar búa í þessum
löndum. Þetta eru mjög áhuga-
verðir tímar sem við lifum á og enginn veit
hvernig málin eiga eftir að þróast en við Bret-
ar erum sannarlega að gera okkur betur og
betur grein fyrir því að þessi alþjóðaheimur
sem við lifum í er sífellt að minnka og fólk að
færast nær hvert öðru.“
En þegar smæð Íslands er höfð í huga, tel-
ur hann nauðsynlegt að Bretland starfræki
sendiráð á Íslandi? „Já, það finnst mér.
Þetta er fullvalda ríki sem er hluti af mjög
mörgum alþjóðlegum stofnunum og banda-
lögum en er jafnframt með sjálfstæðar skoð-
anir og stefnumál. Ég tel mikilvægt að Bret-
land haldi tengslum hingað, til að koma
sínum skoðunum á framfæri og nýta sér hin
ýmsu tækifæri sem hér bjóðast í sam-
skiptum og viðskiptum þjóðanna. Ég held að
þessi hugmynd um að Ísland sé lítið, fábrotið
land sem þrífist á fiskveiðum sé dálítið úrelt
ímynd.“
Biðst vægðar
Ferillinn í utanríkisþjónustunni spannar rúm
tuttugu ár og hann dæsir þegar hann rifjar
upp hversu langur tími er liðinn. „Ég verð allt-
af jafn hissa en ég hóf störf þar árið 1993; ég
var aldrei viss um hvað ég vildi verða og utan-
ríkisþjónustan freistaði mín því mig langaði að
sjá mig um í heiminum. Nú eru liðin 24 ár og
ég er enn ekki viss um hvað ég vil gera þegar
ég verð stór! En ég hef fengið tækifæri til að
skoða heiminn og kosturinn við utanríkisþjón-
ustuna er að það er svo mikil
fjölbreytni í einu starfi, það
eru svo mörg mismunandi
verkefni sem lenda á þinni
könnu. Þannig að svona starf
býður upp á mikla fjölbreytni
en á sama tíma mjög gott
starfsöryggi.“
Eftir einungis fimm mánaða reynslu sem
sendiherra Bretlands á Íslandi er Michael
Nevin með á hreinu hvað er mikilvægt í emb-
ættinu. „Þessir fyrstu mánuðir fara bara í það
að læra hvernig hlutirnir ganga fyrir sig og
kynnast nýju fólki. Stóra hindrunin er hins
vegar tungumálið. Það er reyndar gríðarlega
hjálplegt hversu margir Íslendingar tala
feiknagóða ensku en ég tel að tungumálið sé
lykillinn að því að fá tilfinningu fyrir hlutunum,
skilja þá betur og geta fengið innsýn inn í sam-
félagið, svo það er mikilvægt að læra tungumál
hvers lands. Við Sawako vorum einmitt að bóka
kennara og hefjum íslenskunámið í næstu viku
svo vonandi kemur þetta. En svona fyrirfram
vil ég biðjast afsökunar, á meðan ég er að læra
íslenskuna mun ég sennilega misþyrma henni á
einhvern hátt svo sýnið mér vægð, takk.“
„Ég held að við eigum mjög margt
sameiginlegt, það er sama seiglan í
fólkinu,“ segir Michael Nevin um
líkindi með Íslendingum og Írum en
sjálfur er hann frá Norður-Írlandi.
Morgunblaðið/Kristinn Magnússon
’ Það sem þiðkallið úthverfi ognágrannabæi þykirmér nú bara vera
nokkuð miðsvæðis.
Kveðjuhóf fyrir sendiherrahjónin þegar þau yfirgáfu Malaví. Michael Nevin sendiherra Bretlands í
Malaví, nú á Íslandi, og eiginkona hans Sawako Nevin eru fyrir miðri mynd.
Sendiherrahjónin vöktu eftirminnilega athygli á
mikilvægi náms fyrir stúlkur í Malaví með því
að taka upp myndband og syngja með einum
þekktasta hip hop tónlistarmanni landsins, Tay
Grin. Fjöldi malavískra skólastúlkna auk
aðstoðarborgarstjóra höfuðborgarinnar
Lilongwe komu einnig fram í myndbandinu
sem var ætlað að hvetja fólk til að senda stúlk-
ur í skóla, sem er ekki sjálfgefið þar í landi.
Myndbandið má finna á Youtube undir heitinu
"Reach Out (For Ur Dream)".