Morgunblaðið - 01.04.2017, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 1. APRÍL 2017
Mest seldu ofnar
á Norðurlöndum
ÚR BÆJARLÍFINU
Sigmundur Sigurgeirsson
Árborg
Í blíðviðrinu undanfarna daga
hafa margir dregið út reiðhjólin sín,
sér bæði til heilsubótar og skemmt-
unar. Þá er gott að geta stólað á
kunnáttu og fagleg vinnubrögð
Helga Jósepssonar í hjólabúðinni á
Selfossi sem fær ófá hjólin í yf-
irhalningu áður en eigendurnir
halda út í vorið á fákum sínum.
Helgi hefur unnið við viðgerðir
og sölu á hjólum frá því árið 2002.
Honum er ágætlega lýst sem þús-
undþjalasmið, og finnst ekki til-
tökumál að lagfæra 10 til 20 hjól á
dag.
„Í dag er frekar rólegt, ég er
ekki búinn að gera við nema sex
eða sjö hjól,“ sagði hann er Morg-
unblaðið tók hús á honum í Hjóla-
bæ í gær. Þeim fjölgar stöðugt sem
fara ferða sinna á reiðhjólum og
vissulega eru aðstæður prýðilegar á
flatlendinu í Flóanum til að stunda
hjólreiðar.
  
Um 50 manns sóttu fræðslu-
fund um menningarsal á Selfossi á
fimmtudagskvöld. Fundurinn var
jafnframt stofnfundur hollvina-
félags salarins, sem staðsettur er í
byggingu Hótel Selfoss. Þar hefur
hann verið hálfkláraður í áratugi en
hugur margra stendur til þess að
hann verði kláraður, en hann tekur
um 280 manns í sæti, þar er mjög
stórt svið og hátt til lofts og vítt til
veggja.
Salurinn er nú í eigu Sveitarfé-
lagsins Árborgar og fékk sveitarfé-
lagið starfsmann Verkís til að
leggja mat á kostnað við að klára
salinn. Samkvæmt því mati þarf að
leggja um 240 milljónir króna í
verkið. Ljóst þykir að sveitarfélagið
eitt og sér ráði ekki við slíka fjár-
festingu.
  
Kaþólska kirkjan hefur sótt
um að fá úthlutaða lóð til að byggja
kirkju og safnaðarheimili á Selfossi.
Nú er til skoðunar að henni verði
fundinn staður á sýslumannstúninu
svokallaða. Um er að ræða eina af
fáum lóðum í eigu sveitarfélagsins
sem finna má í miðbænum, en
kirkjan mun samkvæmt fram-
lögðum teikningum standa nærri
Austurveginum, við hlið sýslu-
mannshússins.
Kirkjuturninn mun rísa 11
metra upp í loftið. Gefin hefur verið
út skipulagslýsing og gerð umferð-
argreining í tengslum við málið og
það sent til umsagnaraðila. Í fram-
haldinu verður svo sett fram deili-
skipulagstillaga sem allir geta gert
athugasemdir við.
  
Karlakór Hreppamanna fagn-
ar 20 ára afmæli sínu um þessar
mundir og hefur kórinn boðað
komu sína á Selfoss á mánudags-
kvöld, þegar hann heldur tónleika
ásamt Karlakór Selfoss í Selfoss-
kirkju.
Með hækkandi sól hækkar
rómurinn í öllum helstu kórum hér-
aðsins og framundan eru fjölmargir
tónleikar þar sem söngfólkið sýnir
afrakstur vetrarstarfsins.
  
Það er ekki algengt orðið að
nýjar fataverslanir séu opnaðar á
Selfossi en þannig háttar til að í
dag flytur Leynibúðin inn í versl-
unina Kastalann við Eyrarveginn.
Leynibúðin er búð með vörur fyrir
fólk á öllum aldri, en um er að ræða
íslenska hönnun, sem í raun verður
hægt að fá saumaða á staðnum.
Búðin var áður á Laugavegi í
Reykjavík, en Hulda Dröfn Atla-
dóttir, fatahönnuður og eigandi
Leynibúðarinnar, ákvað að flytja
aftur heim á Selfoss og fann búð-
inni sinni stað hjá vinkonu sinni,
Maríu Markó,sem rekur hönn-
unarbúðina Kastalann.
Þær kynntust í Listaháskól-
anum þar sem María nam vöru-
hönnun en Hulda Dröfn fatahönn-
un, eins og áður sagði. Í tilefni
dagsins er þar opnunarteiti í dag
með tilheyrandi tilboðum og léttum
veitingum fyrir gesti.
Morgunblaðið/Sigmundur Sigurgeirsson
Selfoss Helgi Jósepsson í Hjólabæ gerir við tugi reiðhjóla í hverri viku fyrir Sunnlendinga og selur þau líka.
Þúsundþjalasmiðurinn
Helgi í hjólabúðinni
Helgi Bjarnason
helgi@mbl.is
„Þetta er mikil áskorun. Við sem
skipum stjórn köllum eftir samstöðu
bænda til að leysa málin og horfum
fram á veginn því það eru miklir
styrkleikar í þessari grein,“ segir
Oddný Steina Valsdóttir, sem í gær
var kjörin formaður Landssamtaka
sauðfjárbænda (LS). Hún er fyrsta
konan sem tekur að sér formennsku
í samtökunum og ein af örfáum kon-
um í fremstu röð samtaka bænda.
Aðalfundi LS lauk í gær. Á fund-
inum voru framleiðslumálin ofarlega
á baugi, ekki síst vegna erfiðleika við
útflutning. Vegna sterkrar krónu
fæst lágt verð fyrir útflutt kjöt og
einn besti markaðurinn, Noregur,
hefur lokast. Veldur þetta sláturleyf-
ishöfum erfiðleikum og endar í lækk-
uðu verði til sauðfjárbænda eins og
gerðist á síðasta hausti og gæti birst
þeim í einhverri mynd í haust.
Erfiðar ytri aðstæður
Spurð um áherslur nýrrar forystu
segir Oddný að til skamms tíma
verði að vinna með þá stöðu sem nú
er. Til lengri tíma litið þurfi að vinna
áfram í markaðsmálunum. „Við ætl-
um að reyna að nýta styrkleika
framleiðslunnar sem við stundum.“
Hún segir að ytri aðstæður séu
erfiðar og ræddar hafi verið ýmsar
leiðir. Tekur Oddný fram að engin
ein augljós leið sé út úr vandanum en
stjórnin muni vinna með það sem
fram kom á fundinum. Fundarmenn
höfnuðu því beinlínis sem rætt hefur
verið um að kæmi til greina hjá slát-
urleyfishöfum, að greiða sláturinn-
leggið út til bænda í hlutum.
Oddný Steina viðurkennir að það
geti haft alvarlegar afleiðingar fyrir
sauðfjárræktina í landinu ef aðstæð-
ur breytast ekki til hins betra. Ef
bændum fækki mikið hafi það slæm-
ar afleiðingar úti um land því sauð-
fjárbúskapur sé límið í flestum sveit-
um landsins. Þess vegna þurfi að
leita leiða til að draga saman seglin,
að óbreyttum ytri aðstæðum, án
þess að það leiði til gjaldþrots fjöl-
skyldna og byggðaröskunar. Það
megi ekki gerast.
Áhugi á nýsköpun
Oddný Steina hefur verið í for-
ystusveit bænda varðandi land-
græðslu og sjálfbæra nýtingu og er
einnig áhugamaður um nýsköpun
innan greinarinnar. Þar hefur hún
meðal annars unnið að því að fá
bændur til að mjólka ær og endur-
vekja sauðaostagerð. Hún hefur
áhuga á að vinna áfram að því að
víkka út sauðfjárbúskapinn, með ný-
sköpunarverkefnum eins og sauða-
mjöltun. Þá vill hún kanna til hlítar
hvernig skógrækt og sauðfjárbeit
fara saman.
Reynum að nýta
styrkleika okkar
 Nýr formaður sauðfjárbænda
Morgunblaðið/Kristinn Magnússon
Formaður Erfið verkefni bíða Oddnýjar Steinu Valsdóttur, nýkjörins for-
manns Landssamtaka sauðfjárbænda, og meðstjórnenda hennar.
Nýr formaður LS
» Oddný Steina Valsdóttir var
kjörin formaður í stað Þórarins
Inga Péturssonar sem ekki gaf
kost á sér til endurkjörs.
» Hún er búfræðingur og með
BS í búvísindum frá Landbún-
aðarháskóla Íslands.
» Oddný er virk í félagsstarfi
bænda, hefur setið á bún-
aðarþingi og verið varafor-
maður LS síðustu ár.
» Hún býr með 500 vetrar-
fóðraðar kindur og 70 naut á
bænum Butru í Fljótshlíð.