Morgunblaðið - 01.04.2017, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 1. APRÍL 2017
Viðskiptatækifæri á www.kontakt.is
Hótelfasteign
í miðborginni
Frekari upplýsingar veitir:
Guðni Halldórsson, gudni@kontakt.is
Til sölu ný 24 herbergja hótelfasteign á mótum Rauðarárstígs
og Háteigsvegar. Hótelið er hið glæsilegasta, en húsið
var allt tekið í gegn árið 2016 og því fylgja 17 bílastæði.
Langur leigusamningur er við öflugan og traustan rekstraraðila.
Í öllum herbergjum er að finna ísskáp, ofn, eldavél, örbylgjuofn, uppþvottavél,
og fallegar eldhúsinnréttingar með granít borðplötum. Herbergin eru með sér
baðherbergi. Innréttingar og aðbúnaður er eins og best verður á kosið.
Ha
uk
ur
03
.1
7
Til sölu:
Helgi Bjarnason
helgi@mbl.is
Bændasamtök Íslands, búgreina-
félögin og bændasamtökin eru að
taka upp innheimtu félagsgjalda til að
standa undir hagsmunagæslu og
þjónustu við bændur. Þau leggja ým-
ist á veltutengd gjöld eða gjöld á
hvern félagsmann. Koma félagsgjöld-
in í stað sjóðagjalda sem ríkið inn-
heimti en dæmd voru ólögleg að
þessu leyti og lögð niður um síðustu
áramót.
Hin ýmsu samtök bænda skiptu á
milli sín 600 milljóna króna búnaðar-
gjaldi nema hvað Bjargráðasjóður
fékk hlutdeild í gjaldinu. Gjaldið stóð
undir verulegum hluta af rekstri
Bændasamtaka Íslands og 25 aðild-
arfélaga þess sem eru meðal annars
öll búgreinafélögin og búnaðarsam-
böndin.
Skynsamleg breyting
Sum samtakanna hafa ákveðið
hvernig staðið verður að innheimtu
félagsgjalda en önnur ákveða það á
næstu dögum og vikum.
Bændasamtök Íslands sendu í
byrjun mánaðarins bréf til allra fé-
lagsmanna aðildarfélaganna þar sem
þeim var boðið upp á það að vera
áfram félagar með því að greiða 42
þúsund í félagsgjald. Gjaldinu fylgir
full aðild fyrir tvo einstaklinga sem
standa saman að búi en hægt er að
greiða lægra gjald fyrir þriðja aðila
að búinu og fyrir bú sem er með litla
veltu.
Bændasamtökin fengu í fyrra 140
milljónir af búnaðargjaldinu. Inn-
heimta félagsgjaldanna nú miðast við
að ná inn 100 milljónum kr. Sigurður
Eyþórsson, framkvæmdastjóri sam-
takanna, segir að hagræða þurfi í
rekstri og auka þjónustu- og eigna-
tekjur til að halda fullum rekstri. Fé-
lagsgjaldið er notað í hagsmunagæslu
í þágu landbúnaðarins. Einnig fá fé-
lagsmenn afslátt af þjónustu Bænda-
samtakanna og aðgang að aðstöðu
sem þau hafa yfir að ráða.
Hann segir að heimtur á félags-
gjaldinu séu ágætar, það sem af er.
„Þetta er auðvitað heilmikil breyting
og veruleg áskorun því að bændur
hafa um árabil greitt gjöld til samtaka
sinna í gegnum sjóðagjöld eins og
búnaðargjaldið. En til lengri tíma litið
þá ég ég þetta skynsamlega breyt-
ingu fyrir samtökin,“ segir Sigurður.
Sauðfjárbændur með búsgjald
Félög einstakra búgreina hafa
haldið úti hagsmunagæslu fyrir sínar
búgreinar og hafa rekið sig að miklu
leyti fyrir hlutdeild í búnaðargjaldi.
Þau fara misjafnar leiðir til að finna
sér nýjan tekjugrundvöll með fé-
lagsgjöldum.
Líflegar umræður hafa verið innan
Landssambands kúabænda um inn-
heimtu veltutengdra félagsgjalda og
ljóst að ekki er full samstaða um þá
leið. Félagsgjald meðalbúsins er á
bilinu 80 til 100 þúsund kr. á ári.
Mun fleiri einstaklingar eru innan
Landssamtaka sauðfjárbænda þar
sem 1600 sauðfjárbú eru í landinu.
Þórarinn Ingi Pétursson formaður
segir að fyrir aðalfundi sem haldinn
er í vikunni liggi tillaga um innheimtu
svokallaðs búsgjalds, 17 þúsund á ári,
og gildi það fyrir tvo aðila að hverju
búi.
Tekjurnar fara í að reka skrifstofu
samtakanna. Þórarinn segir að fé-
lagsmenn fái aðgengi að samtökunum
og geti tekið fullan þátt í hagsmuna-
baráttunni á þeim vettvangi. „Það
hefur verið mikil og góð þátttaka í fé-
lagsstarfi aðildarfélaganna. Við leggj-
um mikið upp úr því að styrkja gras-
rótina enn frekar. Mikilvægt er að
hafa stór og öflug samtök sem geta
látið til sín taka þegar þörf er á,“ segir
Þórarinn.
Veltutengt í garðyrkjunni
Samband garðyrkjubænda fer
sömu leið og Landssamband kúa-
bænda, innheimtir veltutengd fé-
lagsgjöld, þó með þaki og gólfi því
lágmarksgjald er 50 þúsund á fé-
lagsmann og veltuskatturinn fer ekki
yfir 900 þúsund á garðyrkjustöð.
Gunnar Þorgeirsson, formaður SG,
viðurkennir að skiptar skoðanir hafi
verið um fyrirkomulagið en þetta hafi
orðið niðurstaðan á aðalfundi á dög-
unum og út frá því verði unnið. „Ég á
von á því að hluti garðyrkjubænda
vilji ekki vera með fyrst í stað. Það
var reynsla garðykjubænda í Dan-
mörku þegar þeir breyttu kerfinu fyr-
ir tíu árum. Þeir misstu um helming
félagsmanna en flestir þeirra eru
raunar komnir til baka núna,“ segir
Gunnar.
SG fékk rúmar 30 milljónir kr. af
búnaðargjaldinu á síðasta ári og
reiknað er með að félagsgjöldin skili
rúmlega helmingi þess. Gunnar segir
að sambandið þurfi að hagræða í
rekstri eða leita nýrra tekjupósta.
Samband garðyrkjubænda vinnur
að hagsmunamálum garðyrkjunnar
og veitir félagsmönnum þjónustu við
kynningar- og gæðamál undir merkj-
um fánarandarinnar.
Félag kjúklingabænda mun vænt-
anlega innheimta gjald á hvert fram-
leitt kíló kjöts sem félagsgjald. Til-
laga um það verður lögð fyrir
aðalfund í næsta mánuði, að sögn
Ingimundar Bergmann formanns.
Gjaldið verður stillt af miðað við
rekstur félagsins. Ingimundur segir
að kostnaður hafi verið í lágmarki.
Telur að samstaða sé um þetta mál í
félaginu.
Geta borgað á mörgum stöðum
Bændur sem sérhæfa sig í einni bú-
grein geta verið í þremur félögum,
búnaðarsambandi, búgreinafélagi og
Bændasamtökum Íslands – og fleiri
félögum ef búið er blandað. Þeir geta
líka valið að vera í hluta félaganna eða
engu. Þeir sem vilja vera í Bænda-
samtökum Íslands þurfa þó að vera í
einhverju aðildarfélagi.
Búnaðarsamböndin hafa fengið
litla sneið af búnaðargjaldinu en þau
innheimta félagsgjöld þar fyrir utan.
Mörg búnaðarsambandanna eru með
umfangsmikla þjónustu sem seld er
til bænda. Þau eru að velta því fyrir
sér að hækka gjaldskrár til þess að
tekjurnar standi betur undir sameig-
inlegri stjórnun og aðstöðu og sum
eru einnig að huga að hækkun fé-
lagsgjalda.
Áskorun fyrir samtök bænda
 Sum samtök bænda innheimta veltutengd gjöld en önnur innheimta jafnt félagsgjald á
hvern félagsmann  Reyna að fóta sig í nýju umhverfi eftir að búnaðargjaldið var lagt af
Morgunblaðið/Styrmir Kári
Búnaðarþing Frá setningu síðasta búnaðarþings, árið 2016. Til að spara
verður ekkert búnaðarþing í ár, en ársfundur var haldinn á Akureyri.
Ákveðið var að hefja framkvæmdir
á 78 litlum og hagkvæmum íbúðum
á Keilugranda í Reykjavík innan
nokkurra mánaða. Íbúðirnar verða
byggðar af húsnæðissamvinnufélag-
inu Búseta, en gríðarmikil upp-
söfnuð þörf er fyrir litlar íbúðir í
Reykjavík.
Búseti fékk lóðina formlega af-
henta í gær, þar hyggst félagið
byggja íbúðir auk útisvæða með
gróðri og sérafnotareitum. Hug-
myndir eru um að við íbúðarhúsin
verði sérstakur lýðheilsureitur sem
útfærður verður í samráði við
íþróttafélagið KR. Margir þekkja
lóðina sem „gamla SÍF-reitinn“ en á
henni stendur nú niðurnídd vöru-
geymsla sem Samband íslenskra
fiskframleiðenda lét reisa á 7. ára-
tug síðustu aldar.
Gott samráð haft við íbúa
Borgarstjóri sagði við þetta til-
efni að það væri mjög ánægjulegt
hvernig staðið hefði verið að sam-
ráði við íbúa af hálfu Búseta. „Að
við séum stödd hér í dag er til
marks um þá sátt sem ríkir um
uppbyggingaráformin. Nú hefur
borgin afhent ykkur þessa lóð til að
byggja á og þið megið bara helst
byrja strax,“ er haft eftir Degi B.
Eggertssyni borgarstjóra í tilkynn-
ingu.
Gísli Örn Bjarnhéðinsson, fram-
kvæmdastjóri Búseta, sagði að mikil
áhersla yrði lögð á að halda kostn-
aði niðri og að það yrði á færi venju-
legs fólks að kaupa íbúðir á reitn-
um. Hafist verður handa fljótlega
við að rífa húsið og er gert ráð fyrir
að uppbygging hefjist á reitnum
strax í sumar. Áhersla er lögð á litl-
ar og einfaldar íbúðir og m.a. verða
engin stæði í bílakjallara sem lækk-
ar kostnað við framkvæmdina. Gert
er ráð fyrir að íbúðirnar verði til-
búnar til afhendingar árið 2019.
Um 80 íbúðir í sölu í haust
Búseti er einnig að fara að út-
hluta íbúðum í þriðja áfanga í
Smiðjuholti í nágrenni við Hlemm í
miðbæ Reykjavíkur, en tæplega 80
íbúðir koma í sölu hjá félaginu í
haust. Þar af eru um 50 stúdíó- og
tveggja herbergja íbúðir. Á aðeins
tveimur mánuðum í vor hefur Bú-
seti selt tæplega 60 íbúðir á þessum
sama reit og ljóst er að margir vilja
búa miðsvæðis. mhj@mbl.is
Nýtt Svona er áætlað að Keilugrandi muni líta út að framkvæmdum loknum.
„Megið byrja strax“
 Niðurnídd vörugeymsla víkur fyrir
íbúðum  Verður lýðheilsureitur