Morgunblaðið - 22.04.2017, Side 18

18 FRÉTTIRInnlent
MORGUNBLAÐIÐ LAUGARDAGUR 22. APRÍL 2017
Síðumúla 21, Selmúlamegin, sími 533 6040, www.stimplar.is
Mikið úrval af hurða- og póstkassaskiltum,
barmmerkjum og hlutamerkjum og fleira
Stimplar eru okkar fag
það eru skiltin líka
Áratuga reynslaÖrugg þjónusta
BAKSVIÐ
Sigtryggur Sigtryggsson
sisi@mbl.is
Samningur var undirritaður á síð-
asta vetrardag um að Garðabær
kaupi jörðina Vífilsstaði af ríkis-
sjóði.
Um er að ræða alls 202,4 hekt-
ara sem er svæðið í kringum Víf-
ilsstaðaspítala, svæði austan Vífils-
staða (Skyggnir), núverandi
golfvallarsvæði GKG, friðland í
Vífilsstaðahrauni (Svínahrauni) og
Rjúpnahæð á móts við Kjóavelli.
Kaupverðið er 558,6 milljónir
króna og byggist það á mati á
grunnverði landsins sem aðilar
stóðu sameiginlega að. Matið unnu
Jón Guðmundsson, löggiltur fast-
eignasali, og Stefán Gunnar Thors
umhverfishag-
fræðingur.
Við undirritun
kaupsamnings
koma til greiðslu
99,3 milljónir.
Eftirstöðvar
koma til greiðslu
í tengslum við
uppbyggingu
svæðisins eða
eigi síðar en inn-
an átta ára. Til
viðbótar grunnverði á seljandi rétt
á hlutdeild í ábata af sölu bygging-
arréttar á svæðinu.
Í samningnum eru undanskildar
allar húseignir ríkisins á Vífils-
stöðum en gerðir verða lóðarleigu-
samningar um eignirnar.
Með kaupum á landinu tryggir
Garðabær sér forræði yfir eign-
arhaldi landsins sem mun auðvelda
bæjarfélaginu að vinna að gerð
skipulagsáætlana fyrir svæðið.
Íbúum Garðabæjar mun fjölga
umtalsvert þegar uppbyggingu á
svæðinu verður lokið, en íbúar
Garðabæjar voru í gær 15.439.
Samkeppni um rammaskipulag
Í tillögu að nýju aðalskipulagi
Garðabæjar er gert ráð fyrir að
svæði Vetrarmýrar, Hnoðraholts
og Vífilsstaða verði eitt skólasvæði
með 1.200-1.500 íbúðum þar sem
fléttast saman ólíkir hagsmunir
með uppbyggingu íbúðarbyggðar,
skóla- og íþróttasvæði og atvinnu-
og þjónustusvæði. Samkvæmt
áætlunum verða skólabyggingar á
svæðinu 6.650 fermetrar og knatt-
hús 9.000 fermetrar.
Að sögn Gunnars Einarssonar,
bæjarstjóra Garðabæjar, er stefnt
að því að efna til samkeppni um
rammaskipulag fyrir allt svæðið.
Fyrir hendi sé rammaskipulag fyr-
ir Hnoðraholt, sem var í eigu bæj-
arins, en hið nýja skipulag mun ná
upp að Rjúpnahæð og Smalaholti.
Að sögn Gunnars er mögulegt,
vegna þess að rammaskipulag er
til fyrir Hnoðraholt, að flýta deili-
skipulagsvinnu á svæðinu.
Með samningnum við ríkið eign-
ast Garðabær land þar sem nú er
golfvöllur GKG. Samkvæmt
vinnslutillögu í aðalskipulagi verð-
ur hluti golfvallarins tekinn undir
byggð í Vetrarmýri. Í staðinn mun
golfvöllurinn að hluta færast til
suðausturs, í átt að Vífils-
staðavatni. Að sögn Gunnar Ein-
arssonar býður það svæði upp á
möguleika á mjög skemmtilegum
golfbrautum.
„Við viljum ramma golfvöllinn
vel inn og útbúa eitt skólahverfi.
Við reiknum með að klára aðal-
skipulagið á þessu ári og gerum
ráð fyrir að uppbygging geti hafist
fljótlega,“ segir Gunnar.
Nýr kirkjugarður í Smalaholti
Landið í kringum spítalabygg-
ingarnar er 162,5 hektarar. Einnig
hefur Garðabær eignast land Sím-
ans á Rjúpnahæð, rúmlega 40
hektara. Þarna voru áður síma-
möstur og byggingar en allt er
þetta farið núna. Í aðalskipulagi er
ráð fyrir því gert að þarna verði
kirkjugarður, þar sem heitir
Smalaholt. Að sögn Gunnars er
horft til þess að þarna geti einnig
orðið íbúðabyggð og léttur iðn-
aður.
Loks er að nefna að Garðabær
eignast land í Svínahrauni. Að
sögn Gunnars var hraunið friðlýst
með ríkinu á sínum tíma. „Við höf-
um friðlýst hraunið að stærstum
hluta alveg frá Búrfelli niður að
sjó. Þetta verður útivistarsvæði
fyrir íbúa Garðabæjar og aðra sem
vilja njóta,“ segir Gunnar.
Í umræðum um nýjan þjóðar-
spítala hefur verið bent á að Vífils-
staðaland væri heppileg staðsetn-
ing. Eins hefur verið bent á að
þótt nýrri spítali verði byggður á
Landspítalalóðinni þurfi að huga
að öðrum slíkum spítala í framtíð-
inni.
„Það er möguleiki að byggja
nýjan þjóðarspítala á svæðinu, en
við getum ekki beðið endalaust eft-
ir því að ríkið taki einhverja slíka
ákvörðun. Við viljum hefja upp-
byggingu þarna sem allra fyrst og
búa til verðmæti úr landinu. Við
höfum nokkur ár til að skoða
þennan möguleika og ég útiloka
ekki að við ræðum við ríkið,“ segir
Gunnar Einarsson að lokum.
Íbúðabyggð í landi Vífilsstaða
 Með kaupum á Vífilsstöðum eignast Garðabær verðmætt land til uppbyggingar  12-1.500 íbúða
byggð með nýjum skóla og knatthúsi  Nýr þjóðarspítali mögulegur en ekki hægt að bíða endalaust
Vífilsstaðaland Á myndinni má
sjá það land sem Garðabær kaupir
af ríkinu merkt með grænu striki.
Svarta línan eru bæjarmörkin við Kópa-
vog. Byggðin í Vetrarmýri verður efst í
landinu en í fyrrverandi landi Símans, gegnt
hesthúsabyggðinni á Kjóavöllum, verður kirkju-
garður og íbúðabyggð. Golfvöllurinn verður að
hluta færður nær vatninu og nokkrar núverandi golf-
brautir teknar undir byggð. Neðst á myndinni er Svína-
hraun, meðfram Reykjanesbraut, sem verður útivistarsvæði,
enda friðað. Svæðið í kringum Vífilsstaðavatn er einnig friðað.
Gunnar
Einarsson
Vífilsstaðaspítali var berklahæli og hjúkrunarheim-
ili í Garðabæ sem tók formlega til starfa 5. sept-
ember 1910. Spítalinn er stórglæsileg bygging sem
setur svip sinn á umhverfið. Hún er teiknuð af hinum
merka húsameistara Rögnvaldi Ólafssyni.
Starfsemi Vífilsstaða snérist í upphafi um þjón-
ustu við berklasjúklinga þar til hælinu var breytt í
spítala fyrir sjúklinga með öndunarfærasjúkdóma á
vegum LSH árið 1973, að því er fram kemur í frjálsa
alfræðiritinu. Árið 1976 tók til starfa meðferðar-
stofnun fyrir áfengissjúklinga á vegum Kleppsspít-
ala í sérhúsnæði á Vífilsstöðum.
Öll starfsemi hins opinbera lagðist af árið 2002 en
þá tók Hrafnista við húsnæðinu og rak þar öldr-
unarheimili fyrir um 50 manns til 20. ágúst 2010.
Það var svo í september 2013 að ríkisstjórnin sam-
þykkti tillögu Kristjáns Þórs Júlíussonar heilbrigð-
isráðherra um að opna hjúkrunarheimili á ný á Víf-
ilsstöðum með 42 rýmum. Opnun Vífilsstaða var í
samræmi við áætlun um aðgerðir sem ráðherra og
forstjóri Landspítala höfðu kynnt og var áætlað að
létta álagi af lyflæknasviði LHS og mæta þörf fólks
sem beið eftir varanlegri dvöl á hjúkrunarheimili.
Glæsibygging með langa sögu
Morgunblaðið/Sverrir
Spítalinn Glæsibygging Rögnvaldar Ólafssonar.
Gunnar Þór Hallgrímsson, dósent í
dýrafræði við Háskóla Íslands, leiðir
ferð um Grafarvog í dag kl. 11 þar
sem fuglarnir safnast saman.
Hist verður á bílastæðinu við
Grafarvogskirkju og gott að koma
með sjónauka og gjarnan fuglabæk-
ur, segir í fréttatilkynningu. Áætlað
er að ferðin taki um tvær klukku-
stundir.
Gangan er hluti af verkefni Há-
skóla Íslands og Ferðafélags Ís-
lands, Með fróðleik í fararnesti, sem
hófst á aldarafmæli skólans árið
2011. Reynsla og þekking farar-
stjóra Ferðafélagsins og þekking
kennara og vísindamanna Háskól-
ans blandast saman í þessum göngu-
ferðum. Markmiðið með þeim er að
vekja áhuga almennings á fræðslu
og hollri útivist og fjölga valkostum í
þeim efnum. Um leið er vakin at-
hygli og áhugi á fjölbreyttri starf-
semi Háskóla Íslands og Ferða-
félagsins.
Þátttaka er ókeypis og allir boðnir
velkomnir.
Farfuglaskoðun í
Grafarvogi í dag
Morgunblaðið/Ómar
Grafarvogur Gengið verður um
voginn í fylgd sérfræðings.
Hvalfjarðargöng
verða lokuð
fjórar nætur í
næstu viku, þ.e.
17. viku ársins.
Á heimasíðu
Spalar er vakin
sérstök athygli
á að lokað verð-
ur kl. 22 að
kvöldi mánudags 24. apríl en á
miðnætti næstu þrjú kvöld þar á
eftir.
Síðasta lokunin er því frá mið-
nætti að kvöldi fimmtudags 27.
apríl til kl. 6 að morgni föstudags
28. apríl. „Næturlokun ganganna
á þessum tíma árs er hefðbundinn
vor- og sumarboði, tími sem nýtt-
ur er til viðhalds af ýmsu tagi og
hreingerningar,“ segir á heima-
síðunni. Þeir sem verða á ferðinni
á þessum tíma verða því að aka
fyrir Hvalfjörðinn. sisi@mbl.is
Næturlokanir verða í
Hvalfjarðargöngum