Morgunblaðið - 22.04.2017, Qupperneq 30

30 UMRÆÐAN
MORGUNBLAÐIÐ LAUGARDAGUR 22. APRÍL 2017
Yngri og grænn í
gegn stóð ég í þeirri trú
að RSK stæði fyrir
embætti Ríkisskatt-
stjóra. Eftir því sem ég
hef átt meiri samskipti
við þetta embætti í ár-
anna rás hefur mér orð-
ið ljóst að þessir þrír
stafir hljóti í raun að
standa fyrir embætti
Ríkisskattsvikara.
Þetta er sú stofnun sem
skattþegnar landsins eiga að geta
leitað til með ábendingar um þá aðila
sem stunda svarta atvinnustarfsemi
og vænta þess þá að gripið sé til við-
eigandi ráðstafana til að stöðva slíka
starfsemi. En því fer víðs fjarri.
Hvergi í samfélaginu er minni áhugi
til að uppræta skattsvik af ýmsu tagi
en einmitt hjá þessu svokallaða RSK,
hvað svo sem menn vilja telja að það
standi fyrir. Þrátt fyrir að hafa fengið
afhent á silfurfati beinhörð sönn-
unargögn yfir rekstraraðila sem stór-
tækir hafa verið í undanskotum gegn-
um einkahlutafélög á undanförnum
árum þar sem tugum milljóna hefur
verið stolið af samfélaginu hefur
þetta RSK-apparat ekki séð ástæðu
til að aðhafast neitt í þeim málum
sem orðið getur til að stöðva þessa
skúrka. Þeir eru því enn að með
blómlegan neðanjarðarrekstur í sam-
keppni við hina sem smám saman
blæðir út. Fyrir nokkru síðan hafði ég
samband við eftirlitsdeild RSK vegna
máls sem snertir son minn en hann
réð sig til vinnu hjá aðilum sem síðar
kom í ljós að eru algjörir skúrkar og
hafa engu skilað af því sem dregið var
af launum hans til hlutaðeigandi að-
ila. Þegar sonur minn ætlaði að ganga
frá skattframtali á netinu þá kom í
ljós að ekki hafði verið skilað inn
launaframtali fyrir síðasta ár en
verra er að engu af því sem dregið
var af hafði heldur verið skilað. Þrátt
fyrir að ganga eftir því við umrædda
skúrka að þeir skiluðu inn umræddu
launaframtali hefur það ekki enn
gengið eftir. Þar af leiðandi hafði ég
samband við RSK og fékk þar sam-
band við aðila sem ég mun ekki nafn-
greina hér hvað svo sem síðar verður.
Þrátt fyrir að geta lagt fram allar
upplýsingar um aðila málsins og
málavexti þá var áhuginn hjá RSK
ekki meiri en svo að sennilega hefði
ég náð eyrum þeirra sem hvíla í Sól-
landi í Fossvoginum betur en þess að-
ila hjá RSK sem ég vísa hér til. Á
meðan hinn almenni starfsmaður
RSK situr á afturendanum og hlustar
áhugalaus á þá sem koma með ábend-
ingar um misbresti í þeim málum sem
þeim ber að beita sér í, staðráðnir í að
láta kyrrt liggja, já
kyrrar en í kirkjugörð-
um landsins, þá er æðsti
embættismaður RSK
önnum kafinn við að
tryggja opinberum
starfsmönnum, emb-
ættismönnum, flug-
liðum o.fl., svo ein-
hverjir séu nefndir,
friðhelgi við að skjóta
undan sköttum af ferða-
dagpeningum. Með
þessum undanskotum
leggja þessir aðilar þyngri byrðar á
herðar samborgara sinna með bless-
un æðsta embættismanns RSK. Fjár-
málaráðherrum síðustu ríkisstjórna
þvert á alla flokka hefur verið bent
ítrekað á þetta en án þess að vekja
áhuga þeirra enda njóta þeir þeirrar
vafasömu friðhelgi ríkulega sjálfir.
Fyrir nokkru síðan var kynnt um
breytingar á vinnutilhögun starfs-
manna RSK sem sneri að styttingu
vinnuvikunnar. Þetta vesalings fólk
er sjálft búið að telja sér, og að því er
virðist einhverjum öðrum líka trú um
að það sé orðið svo örmagna af þreytu
eftir 34 klukkustunda þjónustutíma
stofnunarinnar að rétt sé að stytta
vinnutíma síðasta dag hverrar vinnu-
viku. Rökin eru að vinnuskil séu jafn-
mikil hvort sem er. Þessi rök eiga al-
veg örugglega við þar sem um er að
ræða erfiðisvinnu og þar hefur sýnt
sig að vinnuskil umfram 10 klst. á dag
6 daga vikunnar skila ekki auknum
afköstum þegar fram í sækir. Það er
hins vegar frekar langsótt að hér sé
um sambærilega hluti að ræða. Væri
ekki nær að stytta bara vinnutíma
starfsmanna embættisins um 100%
og þá taka þá bara af launaskrá?
Þetta fólk virðist ekki vera að gera
neitt hvort eð er sem er samfélaginu
til framdráttar, flækist jafnvel fyrir
og eru því svokallaðir fyrirflækingar.
Og í ljósi þess að embætti RSK er
misnotað til að tryggja ákveðnum
sérréttindahópum stórfelld und-
anskot væri kannski rétt að leggja
embættið hreinlega niður og spara
þar með skattþegnum landsins
stórfé.
Eftir Örn Gunn-
laugsson
» Í ljósi þess að RSK
er misnotað til að
tryggja ákveðnum hóp-
um stórfelld undanskot
væri kannski rétt að
skoða að leggja emb-
ættið hreinlega niður.
Örn Gunnlaugsson
Höfundur er atvinnurekandi.
orng05@simnet.is
RSK – Ríkisskatt-
svikarinn
Einkennilegur vet-
ur líður nú að vori.
Veðurfar hér á klak-
anum hefur verið með
mildara móti, rétt
eins og Vetur kon-
ungur hafi ákveðið að
hvíla okkur um sinn
frá hinum kvíðavekj-
andi kuldaverkum,
enda nóg um kvíða í
stjórnmálum hvar-
vetna. Í Bretlandi var
eldra fólkið steinhætt að trúa elít-
unni og kaus Brexit svo fjár-
málamarkaðurinn fór tímabundið
af hjörunum. Í Bandaríkjunum
kaus millistéttin Trump, svo
vinstri menn allra landa fóru af
hjörunum. Hér unnu íhaldsmenn
og afsprengi þeirra meiri kosn-
ingasigur en vænst var og enduðu
í stjórn saman með smáviðbót.
Kreppan síðasta komi miklu róti
á stjórnmál Vesturlanda. Í Banda-
ríkjunum kusu menn fyrst hinn
glæsilega vinstri sinnaða blökku-
mann, Obama, og honum var hvar-
vetna vel tekið, fékk meira að
segja friðarverðlaun Nóbels fyrir
góð áform í embætti. Eftir setu
hans í átta ár kusu
menn Trump og hon-
um er hvarvetna illa
tekið. Oft minnti líka
orðfæri hans í barátt-
unni á hinn gamla
málshátt, „fíflinu skal
á foraðið etja“, en
Trump er allt annað
en fífl og sama má
segja um Jón Gnarr
og hans baráttu, þó
þar með sé upp talið
það sem þessir tveir
menn eiga sameig-
inlegt. Eitt er þó ljóst, í kosningu
beggja þessara einstaklinga krist-
allast það, að kjósendur treysta
einskis orðum lengur. Nú skal
horft á verkin.
Kosningabrölt Trump var sér-
stakt. Trump blés á hlýnandi
loftslag og lofaði að opna aftur
kolanámur. Hann lofaði að girða
af Mexíkó og henda út aftur öllu
ólöglega innfluttu hyski. Síðan
boðaði Trump nýja tíma í sam-
skiptum við aðrar þjóðir, þar sem
samningatækni hans sjálfs mundi
skipta sköpum. Hvers vegna, eftir
öll stóryrðin, hlaut boðskapur
Trump jafn góðan hljómgrunn og
raun varð á? Ef til vill er skýring-
anna að leita í því, hvernig Obama
fylgdi eftir draumum sínum, þeim
sem hann lýsti svo þegar hann tók
við embætti: „Við erum aðeins
skref frá grundvallarbreytingu á
Bandaríkjum Norður-Ameríku.“
Trúir sinni sannfæringu vilja
vinstri menn gera grundvall-
arbreytingar í Reykjavík. En
hvernig er þeim draumum fylgt
eftir?
Fyrst fjölga þeir fólki í borgar-
kerfinu og auka pólitískt eftirlit,
þar sem stöðvunarvaldi er beitt.
Með tíð og tíma leiðir slíkt ætíð til
hærri skatta og óstjórnar.
Svo taka þeir upp nokkur
draumaverkefni.
 Flugvöllinn burt! Það gera
þeir með því að kaffæra hann í
nýrri byggð.
 Hindra Sundabraut! Það gera
þeir með því að kaffæra vest-
urenda hagkvæmustu leiðar í
nýrri byggð.
 Vistvænni götur! Það gera
þeir með því að þrengja að akrein-
um greiðfærra umferðarleiða svo
hægist á umferð.
 Þétting byggðar! Það gera
þeir með því að úthluta helst að-
eins lóðum á vannýttum reitum í
eldri borginni, þó þær verði færri
og dýrari en lóðir á nýjum svæð-
um.
 Fleiri félagslegar íbúðir! Það
gera þeir með því að úthluta helst
engum lóðum fyrir aðrar íbúðir.
Hver sem er vilji fólksins, hvað
sem lóðir skortir og íbúðaverð
hækkar, þá skal gæluverkefnið í
forgang.
Auðvitað kostar vaxandi óstjórn
sitt. Því þarf fyrst að hækka út-
svarið eins og lög leyfa. Síðan þarf
að finna upp nýja tekjustofna, eins
og skrefagjald vegna labbs ösku-
karla. Næst er að vanrækja við-
hald gatna og spara slátt á sumrin
og loks minnka heimilisaðstoð við
aldraða. Ekkert skal gert við vax-
andi umferðaröng í borginni.
Óhjákvæmilega þrengist þá
kostur sumra. Til dæmis þeirra
sem vilja fá sér sitt einbýlishús og
nota sinn eigin bíl. Þetta fólk
hugsar sitt, bíðandi í umferðahnút
í boði vinstri meirihlutans og má
vel vera að það mundi nú jafnvel
kjósa Trump eða Engeyjarættina
fremur en Dag. Nærtækara er þó,
að flytja út í Kragann og fyrir
ungt fólk á uppleið að flytja upp á
Skaga eða austur fyrir heiði. Gall-
inn er sá, að frá borginni flytur
gróft reiknað það fólk sem greiðir
tekjur hennar nú og til frambúðar.
Vinstri meirihlutinn virðist hafa
gengið svo hart fram við fram-
kvæmd drauma sinna, að farið er
að koma niður á lífsmáta þeirra
sem borga brúsann. Þeir greiða þá
atkvæði með fótunum og flýja. Þar
með er hafið ferli hnignunar, sem
erfitt getur verið að snúa við. Þeir
sem þurfa opinbera aðstoð sækja í
borgina og kjósa áfram vinstri
flokkana svo Dagur heldur völd-
um. Greiðendur útsvarsins sækja
á móti út úr borginni og sjá allir,
að það er ekki góð þróun fyrir
glæsilega höfuðborg.
Ungt fólk vill geta keypt litla
fyrstu íbúð á góðu verði og að
nokkrum árum liðnum aðra
stærri, einnig á góðu verði, en þá
er það líka farið að borga til sam-
félagsins og ef svo heldur fram
sem horfir, flutt úr Reykjavík.
Þessa fólks vegna skulum við
gleyma þessu óbyggilega dýi undir
flugvellinum, leysum hnútinn í Ár-
túnsbrekkunni með Sundabraut og
aukum lóðaframboð handan
Elliðaár. Ekki síst skal veita hin-
um borgandi meirihluta í borginni
þá þjónustu, sem hann þarf á því
verði, að hann uni þar áfram.
Eftir Elías Elíasson » Vinstri meirihlutinn
virðist hafa gengið
svo hart fram við fram-
kvæmd drauma sinna,
að farið er að koma nið-
ur á lífsmáta þeirra sem
borga brúsann.
Elías B. Elíasson
Höfundur er fyrrverandi sérfræð-
ingur í orkumálum hjá Landsvirkjun.
Ó, Dags míns borg
– fyrir dýrin þínSmáralind | Kringlunni | Reykjanesbæ | AMH – Akranesi | MyPet Hafnarfirði | Sími 511-2022 | www.dyrabaer.is
Eltak sérhæfir sig í sölu
og þjónustu á vogum
Móttaka aðsendra greina
Morgunblaðið er vettvangur lifandi um-
ræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu
greinar eru vinsamlega beðnir að nota
innsendikerfi blaðsins. Kerfið er auðvelt
í notkun og tryggir öryggi í samskiptum
milli starfsfólks Morgunblaðsins og höf-
unda. Morgunblaðið birtir ekki greinar
sem einnig eru sendar á aðra miðla.
Að senda grein
Kerfið er aðgengilegt undir Morg-
unblaðslógóinu efst í hægra horni for-
síðu mbl.is. Þegar smellt er á lógóið
birtist felligluggi þar sem liðurinn
„Senda inn grein“ er valinn.
Í fyrsta skipti sem innsendikerfið er
notað þarf notandinn að nýskrá sig inn í
kerfið. Ítarlegar leiðbeiningar fylgja
hverju þrepi í skráningarferlinu. Eftir að
viðkomandi hefur skráð sig sem not-
anda í kerfið er nóg að slá inn kennitölu
notanda og lykilorð til að opna svæðið.
Hægt er að senda greinar allan sólar-
hringinn.
Nánari upplýsingar veitir starfsfólk
Morgunblaðsins alla virka daga í síma
569-1100 frá kl. 8-18.