Morgunblaðið - 19.05.2017, Blaðsíða 39

MENNING 39
MORGUNBLAÐIÐ FÖSTUDAGUR 19. MAÍ 2017
Alþjóðlegt framhaldsnám ímyndlist á vegumListaháskóla Íslands erað slíta skóm frum-
bernskunnar og hefur efri hæð
Gerðarsafns verið lögð undir verk
þeirra fimm einstaklinga sem út-
skrifast úr meistaranáminu í ár. Á
sýningunni getur að líta verk og
innsetningar unnin með ólíkum
miðlum; teikningar, skúlptúra, víd-
eóverk, gjörninga og málverk.
Aragrúi teikninga Ásgríms Þór-
hallssonar þekur tvo veggi í öðrum
sýningarsalnum. Verkið er afrakst-
ur flæðis hugsana á vinnustofunni
undanfarin tvö ár og hann útskýrir
það sem hugkort. Ásgrímur hefur
þróað með sér skrift þar sem text-
inn er ekki skrifaður til hefðbund-
ins lesturs heldur verður að mynd-
rænu formi í meðförum lista-
mannsins. Verkin eru á mótum
myndar og skriftar, teikning verð-
ur til með flæði texta sem skrifað
hefur verið ofan í aftur og aftur og
mætti kalla myndskrift eða mynd-
ljóð. Merking orðanna skiptir ekki
máli lengur, í sumum verkunum
leysast orðin upp í abstrakt mynd-
mál sem listamaðurinn bleytir
sums staðar í með vökva svo úr
verður einskonar „afmyndun“.
Einn hluti verksins er rofinn frá
ofhlæðinu og hangir stakur á vegg,
pappírinn er þrunginn af ólæsileg-
um orðum og bleki og slútir fram.
Á heillandi hátt verður til samruni
ofhlæðis og einfaldleika.
Mia Van Veen sýnir fjóra skúlp-
túra á gólfi úr veðruðu stáli og leir.
Stórir stálskúlptúrar Richards
Serra veittu henni innblástur að
verkunum. Veen teflir saman
þungu iðnaðarefni, sem eru ryðg-
aðar stálplötur, og náttúrulegum
leir sem springur og minnkar að
ummáli þegar hann þornar. Hið
viðkvæma mætir hinu harða í verk-
um Veen sem hæglega mætti yf-
irfæra á tilveru mannsins, um jafn-
vægi milli hins manngerða og hins
náttúrulega. Útfærslan er þó frem-
ur einföld og skortir meiri dýpt til
að ná flugi.
Florence Lam á tvö vídeóverk á
sýningunni en flytur einnig fimm
mismunandi gjörninga á sýning-
artímabilinu, auk leynigjörningsins
„In Your Hands“ sem aðeins út-
völdum stendur til boða að sjá. Á
opnun fékk Lam aðstoðarmenn til
að kasta steinum í þrjá glugga
safnsins í tíu mínútur í senn og
tvenns konar spenna myndaðist því
verkið virkaði truflandi fyrir suma
safngesti en aðrir vildu taka þátt í
leiknum. Í vídeóverkinu „Loft-
steinn“, sem tengist gjörningnum,
vinnur listamaðurinn líka með
áberandi arkitektúr safnsins. Und-
ir rómantískum ástarlögum er
sjónarhorninu ýmist beint út um
glugga safnsins, á fallegt lands-
lagið þar sem útsýnið er stundum
truflað af litlum steinum eða fyrir
utan safnið þar sem Lam hendir
sjálf steinum í glugga þess. Lista-
maðurinn kallar fram hliðrun milli
ytra og innra rýmis safnsins með-
an hún reynir að tengjast því og ná
athygli þess. Undirliggjandi er
samband listamannsins við stofn-
anavaldið og þráin eftir athygli
þess.
Í innsetningunni „Í framvindu
leiksins“ fetar Ingunn Fjóla Ing-
þórsdóttir nýjar slóðir þar sem
hreyfing og þátttaka áhorfandans,
skynjun og gagnvirkni eru í for-
grunni. Hægt er að ganga inn í
verkið frá tveimur stöðum og vera
bæði áhorfandi og þátttakandi í
senn. Öðrum megin skermar verk-
ið sig af með máluðum flekum sem
mynda hálfhring. Um leið og geng-
ið er um gólfið nema skynjarar
hreyfinguna og ljós kvikna í stutta
stund eða málaðir þræðir taka að
hreyfast. Áhorfandinn stýrir verk-
inu með hreyfingu sinni og verkið
raðast upp eftir því hvað leið hann
velur. Þegar gengið er inn í verkið
af svölunum er komið inn á eins
konar tískusýningarpall þar sem
áhorfandinn skiptir um hlutverk
við listaverkið og er sjálfur í kast-
ljósinu um stund. Á undanförnum
árum hefur Ingunn unnið bæði
með formrænar hliðar málverksins
og útvíkkun út í rýmið og einnig
innsetningar þar sem lögð er
áhersla á kvika skynjun og upp-
lifun áhorfandans. Hér leikur hún
á gagnvirkni samtímans, vísar í
sögu málverkahefðarinnar og
virkjar áhorfandann um leið og all-
ir þræðir tengjast saman á leik-
rænan og heildstæðan hátt.
Verk Myrru Leifsdóttur er
tveggja rása myndbandsverk sem
heitir „Að fæðast til hins nakta lífs
en lifa til hins góða lífs“. Það er
sýnt á tveimur tjöldum sem hanga
á skjön í enda salarins. Staða
áhorfandans ræður því hvort hann
horfir á þau samtímis eða annað í
einu. Á öðrum skjánum gengur
torkennileg loðin kvenvera tign-
arlega um í rómantísku landslagi
við sjó, hún heldur á priki og við
heyrum í sjávarföllum og fuglalífi.
Inn á milli glittir í borgina í bak-
grunni, hið manngerða í nátt-
úrunni. Á hinum skjánum er önnur
kvenvera hulin svörtum búningi
frá toppi til táar en sjálflýsandi
blátt mynstur sem minnir á hrygg-
súlu er á baki hennar. Veran er
lokuð inni í eins konar skjala-
herbergi, föst í heimi hins mann-
gerða skipulags og rökhugsunar.
Hún dansar órólega um í rýminu
og virðist ekki ná áttum innan
þessa þrönga ramma. Í verkinu
hnýtir Myrra haganlega saman
hugmyndina um manninn og nátt-
úruna og þversögnina sem felst í
rofi hans frá náttúrunni. Verurnar
reyna að ná sambandi hvor við
aðra og dansa stundum saman
undir fallegri tónlist og þegar báð-
ir þættirnir ná saman mynda þau
einingu eða mannlega heild – tvö
hjörtu sem slá í takt.
Sýningin er lokapunktur á rann-
sóknarmiðuðu alþjóðlegu námi og
því er um sjálfstæð verkefni að
ræða. Hér sýna listamenn með
ólíkan bakgrunn, sum hafa farið
beint í framhaldsnám meðan aðrir
eiga langan sýningarferil að baki.
Þau koma frá jafn ólíkum löndum
og Íslandi, Noregi og Hong Kong
og hafa lært eða eru búsett annars
staðar. Hópurinn er fámennari en
undanfarin þrjú ár og þar af leið-
andi njóta verkin sín betur en á
fyrri útskriftarsýningum, þar sem
þéttskipaðir salir gátu truflað verk
ólíkra listamanna. Þótt verkin séu
ólík og misjöfn að gæðum hefur
tekist ágætlega upp við að stilla
þeim saman. Hér er um áhuga-
verða sýningu að ræða, afrakstur
náms sem festir sig vonandi enn
betur í sessi á komandi árum.
Morgunblaðið/Hanna
Fjölbreytt Skúlptúrar eftir Mia Van Veen sjást hér á gólfi eins sýningasala
Gerðarsafns og í bakgrunni sést hluti verks Ásgríms Þórhallssonar.
Flæði, leikur, tog-
streita og eining
Gerðarsafn
Útskriftarsýning MA nema í myndlist
bbbmn
Sýnendur: Ásgrímur Þórhallsson, Flo-
rence So Yue Lam, Ingunn Fjóla Ing-
þórsdóttir, Mia Van Veen og Myrra Leifs-
dóttir. Sýningarstjóri: Dorothée Kirch
Gerðarsafn í Kópavogi. Sýningin stend-
ur til 21. maí. Opið alla daga nema
mánudaga frá kl. 11–17.
ALDÍS
ARNARDÓTTIR
MYNDLIST
Þjóðlistahátíðin Vaka verður hald-
in í Þingeyjarsýslu dagana 19.-21.
maí og á Akureyri 23.-27. maí. Að
sögn skipuleggjenda gefst þar „ein-
stakt tækifæri til að kynnast hefð-
bundinni tónlist frá Skotlandi, Ír-
landi, Englandi, Noregi, Svíþjóð,
Danmörku, Eistlandi og Íslandi.
Í boði verða keltnesk og ensk
þjóðlög, fjörug danslög, tvísöngur,
ballöður og íslenskur kveðskapur.
Tónlist leikin á langspil, fiðlur,
selló, írskar flautur, írskar sekkja-
pípur, harmónikur, klarinett og
hurdy-gurdy. Hljóðfæraleikur,
söngur og dans frá morgni til
kvölds.“
Meðal þeirra sem fram koma eru
þjóðlagadúóið Duo Systrami sem
skipað er tvíburasystrunum Fanny
Källström, sem leikur á fiðlu, og
Klara Källström, sem leikur á selló;
skosk-gelíski söngvarinn Gillebride
MacMillan; írski sekkjapípuleik-
arinn Tiarnán Ó Duinnchinn; fiðlu-
leikarinn Wilma Young; enski
hurdy gurdy leikarinn Barnaby
Walters og Mhàiri Baird frá Skot-
landi sem er flautuleikari, banjó-
spilari og söngvari.
Dagskrá hátíðarinnar má nálgast
á bæði á íslensku og ensku á vefn-
um vakafolk.is.
Þjóðlistahátíðin Vaka hefst í dag
Dúó Tvíburasysturnar Fanny og Klara
Källström skipa Duo Systrami.
Ert þú á leið í leikhús? Pantaðu ljúffengar veitingar til
að njóta fyrir sýningu eða í hléi á borgarleikhus.is
Elly (Nýja sviðið)
Fös 19/5 kl. 20:00 31. sýn Lau 3/6 kl. 20:00 45. sýn Lau 10/6 kl. 20:00 51. sýn
Lau 20/5 kl. 20:00 32. sýn Þri 6/6 kl. 20:00 aukas. Sun 11/6 kl. 20:00 52. sýn
Sun 21/5 kl. 20:00 33. sýn Mið 7/6 kl. 20:00 48. sýn Mið 14/6 kl. 20:00 53. sýn
Fim 1/6 kl. 20:00 43. sýn Fim 8/6 kl. 20:00 49. sýn Fim 15/6 kl. 20:00 54. sýn
Fös 2/6 kl. 20:00 44. sýn Fös 9/6 kl. 20:00 50. sýn
Opnar kl. 18:30, frjálst sætaval. Panta verður veitingar með dags fyrirvara.
Úti að aka (Stóra svið)
Lau 20/5 kl. 20:00 32. sýn.
Síðustu sýningar leikársins!
MAMMA MIA! (Stóra sviðið)
Fös 19/5 kl. 20:00 170 s. Sun 28/5 kl. 20:00 177 s. Fös 9/6 kl. 20:00 184 s.
Lau 20/5 kl. 13:00 171 s. Mið 31/5 kl. 20:00 178 s. Lau 10/6 kl. 20:00 185 s.
Sun 21/5 kl. 20:00 172 s. Fim 1/6 kl. 20:00 179 s. Sun 11/6 kl. 20:00 186 s.
Mið 24/5 kl. 20:00 173 s. Fös 2/6 kl. 20:00 180 s. Mið 14/6 kl. 20:00
Sing-along
Fim 25/5 kl. 20:00 174 s. Lau 3/6 kl. 20:00 181 s. Fim 15/6 kl. 20:00 188 s.
Fös 26/5 kl. 20:00 175 s. Mið 7/6 kl. 20:00
Sing-along
Lau 27/5 kl. 20:00 176 s. Fim 8/6 kl. 20:00 183 s.
Allra síðustu sýningar komnar í sölu!
Blái hnötturinn (Stóra sviðið)
Sun 21/5 kl. 13:00 aukas.
Fjölskyldusöngleikur byggður á verðlaunasögu Andra Snæs Magnasonar
RVKDTR- THE SHOW (Litla svið)
Lau 20/5 kl. 20:00 4. sýn. Lau 3/6 kl. 20:00 5. sýn.
Reykjavíkurdætur taka yfir Litla sviðið og láta gamminn geisa.
Elly - haustið 2017 (Stóra sviðið)
Fim 31/8 kl. 20:00 1. sýn Fim 7/9 kl. 20:00 4. sýn Sun 10/9 kl. 20:00 7. sýn
Fös 1/9 kl. 20:00 2. sýn Fös 8/9 kl. 20:00 5. sýn Fim 14/9 kl. 20:00 8. sýn
Lau 2/9 kl. 20:00 3. sýn Lau 9/9 kl. 20:00 6. sýn Fös 15/9 kl. 20:00 9. sýn
Sýningar í haust komnar í sölu.
Fjarskaland (Stóra sviðið)
Sun 21/5 kl. 13:00 Sun 28/5 kl. 13:00 Sun 11/6 kl. 13:00
Nýtt íslenskt barnaleikrit eftir Góa!
Húsið (Stóra sviðið)
Lau 20/5 kl. 19:30 Fim 1/6 kl. 20:00
Lau 27/5 kl. 19:30 Lau 10/6 kl. 19:30
Frumuppfærsla á áður ósýndu verki eins helsta leikskálds Íslendinga.
Tímaþjófurinn (Kassinn)
Fös 19/5 kl. 19:30 21.sýn Fös 26/5 kl. 19:30 22.sýn
Lau 20/5 kl. 19:30 19.sýn Fim 1/6 kl. 19:30 23.sýn
Einstakt verk um ástina ■ um óslökkvandi þrá, höfnun og missi
Maður sem heitir Ove (Kassinn)
Sun 21/5 kl. 19:30 Sun 28/5 kl. 19:30
Lokasýning
Siggi Sigurjóns og Bjarni Haukur sameina krafta sína í bráðfyndnum einleik!
Álfahöllin (Stóra sviðið)
Fös 19/5 kl. 19:30 11.sýn
Ný sýning eftir Þorleif Örn Arnarsson!
Gísli á Uppsölum (Kúlan)
Lau 20/5 kl. 17:00 17.sýn Sun 21/5 kl. 17:00 18.sýn
Einstakt leikverk um einstakan mann í uppfærslu Kómedíuleikhússins.
Naktir í nátturunni (None)
Fim 15/6 kl. 19:30
ÁHUGASÝNING ÁRSINS
leikhusid.is | midasala@leikhusid.is | 551 1200