Morgunblaðið - 13.07.2017, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 13. JÚLÍ 2017
Leitar þú að traustu
BÍLAVERKSTÆÐI
Smiðjuvegur 30 (GUL GATA) | 200 Kópavogi
Sími 587 1400 |www. motorstilling.is
SMURÞJÓNUSTA < HJÓLBARÐAÞJÓNUSTA
TÍMAPANTANIR
587 1400
Við erum sérhæfðir í viðgerðum
á amerískum bílum.
Mótorstilling býður almennar
bílaviðgerðir fyrir allar tegundir bíla.
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Þrífa þarf blýgráar götur borgarinnar og stræti
þrátt fyrir fáar sólskinsstundir og rigningu. Sól-
in gægist þó sums staðar í gegnum suddann á
næstu dögum hér og þar um landið en eitthvað
minna á höfuðborgarsvæðinu.
Búist er við suðaustan 5-15 m/s, hvassast verð-
ur við suðvesturströndina næstu daga og rigning
einkum sunnan og vestan til, en þurrt að mestu á
Norðausturlandi. Hiti verður 10 til 18 stig.
Morgunblaðið/Golli
Þrífa þarf það sem rigningin skolar ekki í burtu
Talið er víst að
franska konan
Louise Soreda,
sem lögreglan á
Suðurnesjum
lýsti eftir í gær,
hafi farið með
áætlunarbíl á höf-
uðborgarsvæðið
frá Keflavíkur-
flugvelli 5. júlí.
Þetta sagði
Guðjón Garðarsson, aðalvarðstjóri
lögreglunnar á höfuðborgarsvæðinu,
í gærkvöldi. „Við erum búin að
grandskoða allt myndavélakerfið á
flugvellinum og við teljum það nokk-
uð víst að hún hafi farið með áætl-
unarbíl á höfuðborgarsvæðið,“ sagði
Guðjón.
Engar frekari upplýsingar eru um
ferðir Louise sem er 22 ára og kom
hingað til lands ein síns liðs 5. júlí
síðastliðinn. Tveimur dögum síðar
barst íslensku lögreglunni fyrir-
spurn frá Interpol um hana.
Að sögn Guðjóns hafa lögreglunni
borist fjölmargar ábendingar frá al-
menningi sem tengjast konunni, þær
hefðu allar verið skoðaðar án árang-
urs.
Seint í gærkvöldi hafði Lands-
björg ekki borist beiðni frá lögreglu
um að hefja leit að Louise.
Frönsku
konunnar
enn saknað
 Engin beiðni
borist um leit
Louise
Soreda
Urður Egilsdóttir
urdur@mbl.is
68% þeirra sem bíða eftir skurð-
aðgerð á augasteini hafa beðið
lengur en í þrjá mánuði, 70%
þeirra sem bíða eftir liðskiptum á
mjöðm hafa beðið lengur en í þrjá
mánuði og 100% þeirra sem bíða
eftir æðahnútaaðgerðum hafa beðið
lengur en í þrjá mánuði. Þetta
kemur fram í töluyfirliti Embættis
landlæknis um biðlista eftir völdum
skurðaðgerðum fyrir júní 2017.
Viðmiðunarmörk embættisins um
ásættanlegan biðtíma eftir aðgerð
eru þrír mánuðir og í fyrravor var
ákveðið að verja um 1,7 milljörðum
króna fram til ársins 2018 til að
stytta bið sjúklinga eftir aðgerðum,
þar af 840 milljónum af fjárlögum
þessa árs.
„Ég vona og treysti að átakið
skili góðum árangri og fagna orð-
um landlæknis sem segir að líklegt
sé að biðtími þeirra sem lengst
bíða haldi áfram að styttast. Þann-
ig munu fleiri þeirra sem bíða fá
lausn sinna mála innan tilsettra
tímamarka,“ segir Óttarr Proppé
heilbrigðisráðherra um þessa stöðu
mála.
Í greinargerðinni kemur fram að
tekist hafi að stytta þá biðlista sem
hafi verið lengstir en biðtími eftir
valaðgerðum á Íslandi sé enn of
langur.
„Meginmarkmið átaksins sem nú
stendur yfir er að stytta bið eftir
aðgerðum þannig að biðtími sé inn-
an þeirra viðmiða sem Embætti
landlæknis hefur sett. Heilbrigðis-
stofnunum sem taka þátt í átakinu
gengur vel að fylgja áætlun og þær
hafa brugðist við átakinu með við-
bótarmönnun, uppbyggingu á að-
stöðu og kaupum á tækjabúnaði.
Það er mikilvægt að fylgjast vel
með árangrinum og halda áfram að
meta þörf fyrir aðgerðir,“ segir
Óttarr.
Saxast hægt á biðlistana
 100% biðu leng-
ur en 3 mánuði eft-
ir æðahnútaaðgerð
Morgunblaðið/Eggert
Biðlistar Tekist hefur að stytta þá
biðlista sem hafa verið lengstir.
Ómar Friðriksson
omfr@mbl.is
„Aðalatriðið er að virða vilja sjóð-
félaga og að fólk hafi val,“ segir Ólafur
Páll Gunnarsson, framkvæmdastjóri
Íslenska lífeyrissjóðsins, um þann
ágreining sem verið hefur um hvort
flytja megi tilgreinda séreign eftir
hækkun lífeyrisiðgjaldsins á milli
sjóða.
Ólafur er ósammála þeim sjónar-
miðum sem forsvarsmenn á vinnu-
markaði og í lífeyrissjóðum stéttar-
félaga hafa haldið fram að eftir að
Fjármálaeftirlitið kvað upp úr um að
sérhver sjóðfélagi ráði því hvert hann
greiðir séreignina, verði öll innheimta
flóknari og sjóðirnir settir í ankanna-
lega stöðu að þurfa að annast greiðslu-
miðlun. „Það er bara fyrirsláttur. Það
er ekkert flókið að skipta iðgjaldinu og
greiða skylduiðgjaldið á einn stað og
séreignina á annan,“ segir hann.
Hann bendir á að nú sé rætt um að
til standi að breyta lögum um lífeyris-
sjóði og frumvarp sé í smíðum sem
samstaða sé um „en það er langt frá
því að það sé samstaða um þetta atriði.
Þarna er ákveðin meginregla brotin ef
menn ætla að skylda fólk án nokkurs
rökstuðnings til þess að greiða sér-
eignina til tiltekins sjóðs,“ segir hann
og telur að eftir að FME tók af skarið
yrði erfitt að ætla að reyna að vinda
ofan af ákvörðun þess með lagasetn-
ingu.
Peningaleg eign hvers og eins
Ólafur segir að breytingarnar í líf-
eyrismálum sem ASÍ og SA sömdu
um á sínum tíma í kjölfar Salek-sam-
komulagsins, að bjóða launþegum upp
á að hluti lífeyrisiðgjalds renni til sér-
eignar, séu jákvætt skref en byggja
hefði mátt meira á því fyrirkomulagi
sem er í dag og á sér stoð í lögum.
Fyrirkomulagið sem séreignarsjóð-
irnir hafa nýtt síðastliðin 20 ár, þ.e.a.s
Íslenski lífeyrissjóðurinn, Almenni líf-
eyrissjóðurinn og Frjálsi lífeyrissjóð-
urinn, með samþættingu sameignar
og séreignar hafi reynst mjög vel.
„Ákvörðun FME kemur alls ekki á
óvart af því að munurinn á samtrygg-
ingarréttindum og séreign er tals-
verður. Samtryggingarréttindi eru
tryggingarréttindi og þau er t.a.m.
ekki hægt að flytja á milli lífeyris-
sjóða,“ segir hann. „Séreignarréttind-
in eru allt annars eðlis. Þau eru í raun
og veru peningaleg eign hvers og eins
sjóðfélaga. Meginreglan í lögunum
eins og þau eru í dag er að slíka eign er
hægt að flytja á milli sjóða þannig að
sjóðfélaginn hefur val. Það sem mér
hefur alltaf fundist gleymast í um-
ræðunni síðastliðið ár er hver er rétt-
ur sjóðfélagans og hvað hann vill. Það
skortir algerlega rök af hálfu ASÍ og
SA fyrir því að sjóðfélaginn ætti ekki
að fá að velja sinn sjóð eða sína ávöxt-
unarleið fyrir þennan sparnað. Það er
vísað til einhverra raka um innheimtu
og að þetta sé svo flókið og fleira í
þeim dúr en það stenst enga skoðun.
Sumir sjóðir eins og t.d. Lífeyrissjóð-
ur bankamanna tekur bara við 10% ið-
gjaldi og sjóðfélaginn ákveður síðan
hvert hann greiðir það sem eftir
stendur,“ segir hann og bendir á að í
séreigninni felist samkeppni því þar
geti fólk flutt eign sína milli vörslu-
aðila að vild, m.a. eftir því hvernig
ávöxtunin er á hverjum tíma.
„Ekkert flókið að skipta iðgjaldinu“
 Framkvæmdastjóri Íslenska lífeyrissjóðsins segir engin rök fyrir því að banna fólki að flytja til-
greinda séreign milli sjóða  Telur að erfitt yrði að vinda ofan af ákvörðun FME í væntanlegri löggjöf