Morgunblaðið - 13.07.2017, Side 4

4 FRÉTTIRInnlent
MORGUNBLAÐIÐ FIMMTUDAGUR 13. JÚLÍ 2017
Hlíðarsmára 6, 201 Kópavogi – S. 564 6464 – fasthof.is
að f m
viðskiptum
Elsa Alexandersdóttir
Aðstoðarmaður
fasteignasala
Evert Guðmundsson
Nemi til löggildingar
fasteignasala
Guðmundur Hoffmann
Steinþórsson
lögg. fasteignasali
Sunna Ósk Logadóttir
sunna@mbl.is
Ahmadi-fjölskyldan frá Afganistan,
sem sótti um hæli hér á landi í des-
ember árið 2015, hefur fengið bestu
mögulegu niðurstöðu í sitt mál hjá
Útlendingastofnun: Alþjóðlega
vernd til fjögurra ára.
„Þetta þýðir að nú eru þau hólp-
in,“ sagði Eva Dóra Kolbrúnar-
dóttir, lögmaður fjölskyldunnar, í
samtali við mbl.is í gær.
Fjölskyldan hefur fengið
dvalarleyfi hér á landi næstu fjögur
árin og að þeim tíma liðnum verður
það endurnýjað og er þá ótímabund-
ið. Eftir fimm ár getur hún sótt um
íslenskan ríkisborgararétt. „Þau eru
komin í örugga höfn,“ segir Eva
Dóra sem samgleðst fjölskyldunni
innilega.
Fyrir einu og hálfu ári kom Ah-
madi-fjölskyldan, sem þá var sjö ein-
staklingar, hingað til lands, hjónin
Anisa og Mir Ahmad, börnin þeirra
þrjú og Zahra og Ali Ahmad, for-
eldrar Mir Ahmads. Lítill drengur
fæddist svo hjónunum á Landspít-
alanum í desember á síðasta ári.
Fjölskyldan hefur gengið í
gegnum miklar raunir. Fyrir um
þremur árum varð hún fyrir árás
talibana í þorpinu sínu, Meydan Yar-
dak, í Afganistan. Afleiðingar árás-
arinnar voru bæði andlegar og lík-
amlegar.
Í viðtali við mbl.is í febrúar lýsti
fullorðna fólkið því hversu heitt það
þráði að fá að eiga heima á Íslandi.
Börnin höfðu aðlagast nokkuð vel og
leið vel í skóla og leikskóla í Breið-
holtinu þar sem fjölskyldan býr.
Ahmadi-fjölskyldan fær
dvalarleyfi á Íslandi
Morgunblaðið/ Kristinn Magnússon
Flóttafólk Ahmadi-fjölskyldan flúði frá Afganistan fyrir þremur árum en
fjölskyldan býr nú í Breiðholtinu og hefur aðlagast vel Íslandi.
 Flúðu Afganist-
an fyrir 3 árum
Helgi Bjarnason
helgi@mbl.is
Kartöflubóndinn á Seljavöllum í
Hornafirði er byrjaður að taka upp
kartöflur. Hjalti Egilsson tók upp
fyrstu kartöflurnar sl. mánudag.
Jarðepli sem hann tók upp í gær
eru væntanleg í verslanir á
höfuðborgarsvæðinu á morgun.
Hann og fleiri kartöflubændur eiga
einnig nóg til af góðum kartöflum
frá síðasta sumri.
„Við tókum upp á mánudag, um
hálft tonn til að setja í búðina hérna
heimavið. Það sem við tókum upp í
dag [í gær] sendum við til Reykja-
víkur á morgun [í dag] og því verð-
ur dreift í verslanir á föstudag,“
sagði Hjalti Egilsson, kartöflubóndi
á Seljavöllum, í gær. Hann sagðist
ekki vita betur en að þetta væru
fyrstu kartöflurnar sem teknar eru
upp fyrir almennan markað þetta
sumarið en veit að fleiri bændur
eru byrjaðir að undirbúa upptöku.
Birgðir frá síðasta hausti
Kartöfluupptakan hefst þetta ár-
ið á svipuðum tíma og vanalega,
fyrir utan síðasta sumar sem var
einstaklega gott en þá var byrjað
að taka upp 2. júlí.
„Það eru frekar hagstæð skilyrði
í Hornafirði til ræktunar. Við eig-
um góð garðlönd alveg niður við
fjörðinn. Þar er hlýtt á vorin og þau
eru fyrst til,“ segir Hjalti.
Það sem hann tekur upp fyrst er
fljótsprottið afbrigði, premier, sem
ræktað er undir plasti en Hjalti á
von á því að ný uppskera af gull-
auga komi fljótlega á markaðinn.
Hjalti á ekki von á því að byrjað
verði að taka upp kartöflur sem
ræktaðar eru í hefðbundnum garð-
löndum fyrr en um miðjan ágúst-
mánuð. Það verði heldur seinna en
undanfarin ár. Ekki þurfi að óttast
kartöfluskort því kartöflurnar sem
ræktaðar eru undir plasti verði
teknar reglulega upp og svo séu til
kartöflubirgðir frá síðasta sumri.
„Við eigum ennþá fínar kartöflur
sem hafa geymst vel frá síðasta
hausti, bæði gullauga og Helgu.
Það var feiknalega góð uppskera í
fyrra og góð nýting á kartöflunum.
Ég geri mér vonir um að hægt
verði að láta þær sigla með þeim
nýju á markaðinn. Þær gömlu eru
ódýrari fyrir neytandann.“
Getum fengið góða uppskeru
Hjalti er ánægður með að vera
byrjaður að taka upp. Vorið var
erfitt vegna rigninga, sérstaklega
maímánuður en þó urðu engin
stóráföll. „Ef við fáum hagstætt tíð-
arfar í haust getum við fengið góða
uppskeru,“ segir Hjalti á Seljavöll-
um.
Ljósmynd/Juan Manuel Aguirre de los Santos
Seljavellir Hjalti Egilsson vinnur með sínu fólki að því að taka upp fyrstu kartöflurnar fyrir almennan markað.
Byrjað að taka upp
kartöflur í Hornafirði
 Nóg til af góðum kartöflum frá síðasta sumri
Jón Birgir Eiríksson
jbe@mbl.is
Útlit er fyrir góða uppskeru í úti-
rækt nú í sumar, en óvíst er að hún
verði á við uppskeru síðasta árs.
Kartöfluárið greri nánast saman og
ganga kartöflubændur enn á upp-
skeru fyrra árs.
Aðstæður á grænmetismarkaði
breyttust með komu stórverslunar-
innar Costco í sumarbyrjun, en ís-
lenskt grænmeti er ekki á boð-
stólum þar. Forsvarsmenn
grænmetisbænda hafa þó trú á því
að íslenskt grænmeti verði í hillum
Costco áður en langt um líður.
Vilja greiða meira fyrir íslenskt
„Það lítur út fyrir góða uppskeru.
Menn gátu plantað snemma og það
lofar nú góðu,“ segir Gunnar Þor-
geirsson, formaður Sambands garð-
yrkjubænda, spurður um útirækt-
ina.
„Heilt yfir hefur garðyrkjan
gengið þokkalega bara. Kart-
öflubændur uppskáru náttúrlega
síðasta sumar líkt og aldrei áður.
Ég hef heyrt að þeir hafi verið í
vandræðum með ræktina frá því
síðast. Magnið var umtalsvert meira
en í meðalári. Sumarið núna er lík-
ara því sem við eigum að venjast, en
í fyrra var sólskin allt sumarið,“
segir hann.
Framboð er gott að sögn Gunn-
ars, en hann bætir því við að að-
stæður hafi breyst. „Þessi Costco-
áhrif eru dálítil á söluna,“ segir
hann, en markaðurinn eigi þó eftir
að jafna sig.
„Það er okkar upplifun að Íslend-
ingar hafa viljað greiða meira fyrir
íslenska framleiðslu, ferskari vöru
og nánast sólahringsgamla, beint af
trjánum. Svo er alltaf spurning hvar
jafnvægið næst,“ segir Gunnar.
Hann nefnir einnig að neytendur
vilji vita um uppruna varanna og
segir mikla grósku í garðyrkju á Ís-
landi. Fleiri tegundir bjóðist nú af
berjum, gúrkubændur hafi þróað
sig áfram með smágúrkur og
tómatategundir séu nú tólf talsins.
Hefja útflutning til Danmerkur
Knútur Rafn Ármann, stjórnar-
formaður Sölufélags garðyrkju-
manna, segist einnig binda vonir við
að koma Costco muni lífga upp á ís-
lenskt grænmeti. „Ég hef ekki trú á
öðru en að íslenskir neytendur vilji
hafa aðgang að íslenska grænmet-
inu,“ segir hann og nefnir einnig að
neytendum sé nú einnig annt um
kolefnisfótspor vara og uppruna
þeirra.
Spurður hvort von sé á því að
garðyrkjubændur sitji uppi með
uppskeruna vegna markaðs-
aðstæðna, segir Knútur að það sé
enn óvíst, en nefnir að nú sé of-
framboð á tómötum og gúrkum.
Bændur þreifa nú fyrir sér í út-
flutningi, en Knútur segir að mark-
aður sé fyrir íslenskt grænmeti á
sælkeramarkaði í Danmörku. Hann
nefnir að Danir horfi til gæða, m.a.
vegna hreinleika íslenska vatnsins
sem notað sé til vökvunar.
Búist við góðri
uppskeru í úti-
rækt í sumar
 Koma Costco breytti markaðnum
 Bændur sjá tækifæri í útflutningi
Morgunblaðið/Kristinn
Grænmeti Íslenskir grænmet-
isbændur segja framboð gott.
Garðyrkja
» Útiræktin lítur vel út, en
kartöfluárið greri saman.
» Bændur binda vonir við að
íslenskt grænmeti verði á boð-
stólum í Costco.
» Neytendum annt um upp-
runa vöru og kolefnisfótspor
hennar.
» Íslenskir bændur hafa séð
tækifæri á sælkeramarkaði í
Danmörku.