Morgunblaðið - 13.07.2017, Blaðsíða 13

kunni enn að vinna brennistein með
þeim hætti er gert var til forna upp-
lýsir Haraldur Þór að einn slíkur sé í
Handraða-hópnum. „Hann verður
við iðju sína á miðaldadögum, enda
tilgangur hátíðarinnar öðrum þræði
að miðla sérhæfðri þekkingu áfram.“
Um eitt hundrað Gásverjar
Haraldur Þór segir að Gásverj-
arnir, um 100 talsins, séu sjálf-
boðaliðar á öllum aldri. Allir séu
uppábúnir í miðaldaklæði, sem þeir
hafa komið sér upp í áranna rás, jafn-
vel saumað sjálfir. Meira að segja
hafi sumir handsaumað leðurskóna
sína, sem sé gríðarleg vinna. „Við
leggjum mikla áherslu á að búning-
arnir, tjöldin, umgjörðin og stemn-
ingin sé í miðaldastíl; að búa til upp-
lifun þannig að gestir geti ímyndað
sér að árið sé 1317.“
En af hverju endilega 1317?
„Af því í fyrra var árið 1316,“
svarar héraðshöfðinginn einfaldlega.
Hann býst við allt að 2.000 gest-
um hvaðanæva af landinu og hefur
ekki nokkrar áhyggjur af veð-
urfarinu. Vonar þó að hitastigið verði
ekki of hátt því miðaldaklæðin séu
ekki beinlínis heppilegur sumarfatn-
aður. Hvernig sem viðri kveðst hann
alltaf hlakka jafn mikið til mið-
aldadaganna á Gásum.
„Í fyrra var harmagrátur hjá
dætrum mínum þegar uppgötvaðist
að fjölskylduferð til Frakklands
skaraðist við miðaldadagana og við
yrðum fjarri góðu gamni. Þá þekki
ég þrettán ára dreng hér á Akureyri
sem hlakkar miklu meira til Gása-
daganna en jólanna, en hann hefur
tekið þátt í þeim á hverju ári
með ömmu sinni, hjálpað
henni að selja miðaldasúpu og
gengið í tilfallandi verk.“
Ein spurning í lokin – má
fólk vera með snjallsíma á
miðaldadögum?
„Gestir, já, en ekki Gásverjar.
Snjallsímar og myndavélar verða
trúlega helstu ummerki nútímans á
tilgátusvæðinu í litlu víkinni á Gás-
um, enda ekki hægt að banna fólki að
taka myndir til að eiga minningar um
tilveru sína á miðöldum,“ svarar
Haraldur Þór brosandi.
Miðaldadagar í áranna rás Þjóðlegur fróðleikur og skemmtun í bland fyrir fólk á öllum aldri á tilgátusvæðinu.
„Við leggjum mikla
áherslu á að búning-
arnir, tjöldin, umgjörðin
og stemningin sé í mið-
aldastíl; að búa til upp-
lifun þannig að gestir
geti ímyndað sér að árið
sé 1317.“
DAGLEGT LÍF 13
MORGUNBLAÐIÐ FIMMTUDAGUR 13. JÚLÍ 2017
Þar sem úrvalið
er af umgjörðum
og sólgleraugum
Módel:
Andrea Stefánsdóttir
Sólgleraugu:
Ray Ban 3025 LO205 G15 lens
Verð: 12..800.-
Gásir eru við Hörgárósa í Eyja-
firði, 11 km norðan við Akureyri.
Hvergi á Íslandi eru varð-
veittar jafnmiklar mannvist-
arleifar frá verslunarstað frá
miðöldum. Gásir voru helsti
verslunarstaður á Norðurlandi á
miðöldum og er staðarins víða
getið í fornritum frá 13. og 14.
öld.
Náttúran
Gásasvæðið er á náttúru-
minjaskrá og þar finnast m.a.
plöntur á válista. Mikið gras-
lendi er á svæðinu, flæðimýrar,
strandgróður og grunnsævi við
ósa Hörgár. Mikið fuglalíf er á
svæðinu en um 30 tegundir
vatnafugla verpa þar. Fugla eins
og grágæs, brandönd og storm-
máf má sjá á Gásum.
Sagan
Sögulegar heimildar benda til
þess að Gásakaup-
staður hafi byggst
upp vegna að-
gerða höfðingj-
ans og goðans
Guðmundar
dýra sem
lagði niður
Vaðlaþing,
vorþingstað
héraðsins, en
það mun hafa
verið seint á 11.
öld.
Nánari upplýsingar um Gás-
ir og Miðaldadaga 1317:
www.gasir.is
Hvað eru
Gásir?
NÁTTÚRAN OG SAGAN
Forngripur Brot af
könnu sem fannst við
uppgröft á Gásum.