Morgunblaðið - 13.07.2017, Síða 29

DÆGRADVÖL 29
MORGUNBLAÐIÐ FIMMTUDAGUR 13. JÚLÍ 2017
UMHVERFISMÆLAR
SÚREFNISMÆLAR, HITAMÆLAR,
PH MÆLAR O.M.FL.
Verið velkomin í verslun okkar
Opið virka daga kl. 8:30–17:00
Síðumúli 16 I 108 Reykjavík I Sími 580 3900 I fastus.is Veit á vandaða lausn
fastus.is
Stjörnuspá
21. mars - 19. apríl 
Hrútur Það fer afskaplega í taugarnar á þér
að horfa upp á vinnufélagana troða skóinn
hver af öðrum. Vertu skorinortur og réttsýnn.
Það er undir þér komið að leysa þesa deilu
20. apríl - 20. maí 
Naut Þú bregst kröftuglega við umhverfinu
um þessar mundir. Hvort heldur það er á þínu
áhugasviði eða annars staðar. Þessi kraftur
mun auka þér víðsýni og sértæka þekkingu á
málum.
21. maí - 20. júní 
Tvíburar Hlauptu ekki eftir hverjum hlut sem
hugurinn girnist. Vinir þínir eiga erfitt með að
skilja þig þessa dagana. Hvernig fer hann eig-
inlega að því að finna tíma, hugsa þeir með
sér.
21. júní - 22. júlí 
Krabbi Þú þarft að tala við yfirmann þinn eða
annan yfirboðara í dag. Brettu upp ermarnar
og sinntu verkefnum sem krefjast mikillar
fyrirhafnar.
23. júlí - 22. ágúst 
Ljón Þú vilt halda um stjórnartaumana í
samskiptum þínum við aðra í dag og telja þá
á þitt band. Sama hvað þú reynir að falla í
fjöldann.
23. ágúst - 22. sept. 
Meyja Láttu það ekki slá þig út af laginu þótt
þér finnist aðrir afskiptalausir um þína hagi.
Meðalhófið er best, því breytingar breyting-
anna vegna geta farið illa.
23. sept. - 22. okt. 
Vog Þú hefur djarfar og ákveðnar hugmyndir
um að græða pening í dag, og ert mjög kraft-
mikill í vinnu. Vertu sanngjarn.
23. okt. - 21. nóv.
Sporðdreki Þið þurfið að huga að því hvern-
ig þið getið deilt einhverju með öðrum. Gefðu
þér samt tíma til þess að hvílast inn á milli.
22. nóv. - 21. des.

Bogmaður Það getur tekið tímann sinn að
vinna aðra á sitt band. Vertu svo djarfur að
standa með félaganum í kvöld. Bregstu vel
við samkeppni.
22. des. - 19. janúar 
Steingeit Reyndu að leita uppi þá, sem þú
veist að eru sama sinnis og þú. Reyndu að
hafa gaman af að endurskapa með þeim
minningar úr fortíðinni.
20. jan. - 18. febr. 
Vatnsberi Þú ert að velta fyrir þér spurn-
ingum um lífið og tilveruna. Vertu þolinmóð/
ur og leystu hvern hnút fyrir sig.
19. feb. - 20. mars

Fiskar Samræður við stjórnendur, foreldra
og yfirboðara eru beinskeyttar og ákafar í
dag. Haltu bara þínu striki eins og ekkert hafi
í skorist.
Ég hitti karlinn á Laugaveginumfyrir framan Fríkirkjuna, þar
sem við Stefán Valgeirsson stóðum
einu sinni og ég gekk fram af honum
með því að segja að mér þætti ráð-
húsið fallegt. Ég sagði karlinum að
ég hefði gaman af japönsku þrí-
hendunni, hæku, og fór með eina:
Hinn Mikli Búdda
léði nef sitt til flugtaks
lítilli svölu.
Karlinn hristi höfuðið og tautaði
fyrir munni sér:
Svarti hundurinn
eltir bíl borgarstjórans
og geltir á hann.
Jón Gissurarson skrifaði á Boðn-
armjöð í síðustu viku: „Þennan
morguninn er hér norðanátt og
þoka, hitastigið samt í kringum átta
gráður. Ekkert hefur rignt í nótt en
blautt á grasi. Vera má þó að rétt sé
að fara með morgunbænina og biðja
um þurrk á nýslegið heyið, en hvort
það skilar nokkru veit ég ekki. Von-
andi glaðnar þó til um hádegið.
Heldur blaut er blessuð jörðin,
best er þó að standa vörðinn.
Þjónar litlu þakkargjörðin,
þoka hylur Skagafjörðinn.
Ungir höfðum við Ari Jósefsson
gaman af því að keppa við sjálfa
okkur um það hvor væri fljótari að
yrkja vísu og „var um gæðin ekki
spurt“. Pétur Stefánsson yrkir á
Leir:
Sneiði ég allri hörmung hjá,
hress með glaða lundu.
Þessi vísa ort var á
einni klukkustundu.
Sigurlín Hermannsdóttir svaraði:
Vísnasmiður vann sitt fag,
að vísunni er gaman.
Það tók mig nú drjúgan dag
að dengja einni saman.
Arnar Sigbjörnsson hefur aðra
sögu að segja:
Seytlað hafa sviti og tár
í svefni jafnt sem vöku.
Tók mig svona tvö, þrjú ár
að tjasla saman stöku.
Páll Imsland hefur áhyggjur af
því að það yrði ekki mjög hátt tíma-
kaupið hjá leirverjum, þó yrkingar
væru greiddar fullu verði: – „Að
menn skuli vera að fást við þetta !
Að vísu fer ekki mikið í skattinn.“
Lengur mun limrur ei yrkja
en langtíma minnið nú virkja
til að rifja upp tíma
sem tók mig að ríma,
þá sjaldan mig lagði í líma.
Og að síðustu eftir Valdimar
Gunnarsson:
Þessa vísu eg hef ort
efnið þó sé lítils vert,
orti ég hana upp á sport.
Ekki var það lengi gert.
Halldór Blöndal
halldorblondal@simnet.is
Vísnahorn
Af svörtum hundi og lítilli svölu
Í klípu
„SÝKN SAKA ER EKKI ÞAÐ SAMA OG
AÐ VERA SAKLAUS. EN JÚ, JÚ, ÉG BÝST
SVO SEM VIÐ ÞVÍ AÐ ÞETTA SÉU
SAKLEYSINGJAR.“
eftir Mike Baldwin eftir Jim Unger
„ÉG BÝST VIÐ AÐ ÞÚ HAFIR
VERIÐ Í GARÐINUM.“
Hermann
Ferdinand
Hrólfur hræðilegi
Grettir
... Herra áreiðanlegur.
HVER VILL AÐRA GRÆNKÁLS-
OG RÚSÍNUSMÁKÖKU?
LEMJ
EKKI HVETJA
HANA!
KANNSKI
SMÁ SMAKK
ER MIG AÐ
DREYMA? KASTALA-
HVERFIÐ
HÉR BÚA RÍKIR
FÆÐINGARDEILD
Víkverji hefur í gegnum tíðina þóstvera mikill grillkarl. Að vísu hef-
ur hann ekki farið alla leið í dellunni
eins og sumir. Víkverji hefur til að
mynda látið það alveg eiga sig að
kaupa sér eitthvert risavaxið „Su-
per-Grill 3000“, sem tekur nokkur
mánaðarlaun að borga upp. Nei,
Víkverji hefur látið sér nægja lítið
ferðagrill sem vinur hans vann í
happdrætti, og var síðan svo góður
að selja honum á slikk.
x x x
Víkverji vildi óska þess að hannværi ögn færari á grillið en hann
er, en eldamennska Víkverja hefur
hingað til falist í því að kveikja á
grillinu, fá opinn eld í gang, og síðan
henda á það kjöti og grænmeti eftir
þörfum. Kjörbúðirnar hafa séð um
maríneringuna, og Víkverji hefur í
mesta lagi skellt einhverju ham-
borgarakryddi á hakkið þegar því
hefur verið að heilsa. Þetta hefur
samt flestallt verið ætt, sem komið
hefur af grillinu, og engan sakað við
grillmennskuna, hingað til.
x x x
Svo er nefnilega mál með vexti aðVíkverji þreif grillið um daginn,
og fékk þá um leið einhverja ónota-
tilfinningu, eins og eitthvað væri
ekki eins og það ætti að vera. Vík-
verji fór því að skoða sig um á mark-
aðnum, hvort að kannski væri kom-
inn tími á annað grill. Þær
hugleiðingar náðu þó ekki mikið
lengra, og í blíðviðrinu um daginn
skellti Víkverji nokkrum lamba-
sneiðum á grillið góða.
x x x
Nú bar svo við, sem aldrei hafðiáður gerst, að grillið lak. Og það
sem meira var, það lak brennandi
fitu, beint niður á svalirnar, svo að
stórsá á þeim. Frú Víkverji brást
snarlega við og slökkti eldinn, ásamt
því sem hún bjargaði kjötinu, en öll
aðkoman minnti helst á stórslysa-
mynd með Steve McQueen í aðal-
hlutverki. Eflaust er Víkverji eitt-
hvað að ýkja hér, en ljóst er að
nokkur tími mun líða áður en grill-
meistarinn lætur aftur til sín taka.
Og ferðagrillið fer beinustu leið á
haugana, jafnvel þó að sök þess sé
ekki endilega sú mesta.
vikverji@mbl.is
Víkverji
Skapa í mér hreint hjarta, ó Guð, og
veit mér nýjan, stöðugan anda
(Sálm. 51:12)