Morgunblaðið - 13.07.2017, Qupperneq 33

MENNING 33
MORGUNBLAÐIÐ FIMMTUDAGUR 13. JÚLÍ 2017
Spider-Man: Homecoming erhvorki meira né minna ensextánda kvikmyndin semgerist í bíóheimi Marvel frá
því að Járnmaður Robert Downey
Jr. stökk fram á hvíta tjaldið fyrir
heilum níu árum. Á þeim tíma hefur
ofurhetjuheimur Marvel umbylt
stórmyndaiðnaði Hollywood með því
binda saman fjölda kvikmyndahetja
í einn sameiginlegan sagnaheim þar
sem hver ný mynd kallast á við (og
auglýsir!) þá næstu. Áður hafði hafði
komið út fjöldinn allur af ofurhetju-
myndum en þær höfðu verið að-
skildar svo maður sá t.d. ekki Bat-
man í sömu mynd og Superman.
Köngulóarmaðurinn, ein vinsæl-
asta ofurhetja Marvel, hefur ekki
verið hluti af þessum sagnaheimi
fyrr en nú þótt hann hafi verið vel
sýnilegur á hvíta tjaldinu. Kvik-
myndarétturinn á persónunni hefur
legið hjá Sony í mörg ár og hafa þeir
framleitt fimm myndir um hann frá
árinu 2002. Sú síðasta, The Amazing
Spider-Man 2, sem kom úr árið
2014, stóðst ekki væntingar Sony og
hefur fyrirtækið því ákveðið að
ganga í lið með Marvel til að fram-
leiða mynd um ofurhetjuna ástsælu í
sama sagnaheimi og Járnmaðurinn,
Hulk, Þór og kapteinn Ameríka. Af-
raksturinn er Spider-Man: Home-
coming.
Myndin fjallar um gagnfræða-
nemann unga Peter Parker, sem býr
yfir ofurkröftum frá því að geisla-
virk könguló beit hann og lifir því
tvöföldu lífi sem ofurhetja að nafni
Köngulóarmaðurinn. Peter er enn
að læra hvernig hann getur hjálpað
fólki í hlutverki ofurhetju og er
áfjáður í að fá mikilvæg verkefni út-
hlutuð frá fyrirmynd sinni og læri-
föður, Járnmanninum. Í óþolinmæði
sinni ákveður Peter að fara sjálfur á
stúfana og rannsaka dularfulla
vopnaverslun í undirheimum New
York undir stjórn glæpamanns að
nafni Hrægammurinn. Inn í þessa
atburðarás tvinnast atburðir og
skóladrama úr einkalífi Peters.
Það að vera orðinn hluti af sagna-
heim Marvel-myndanna er Könguló-
armanninum bæði blessun og fjötur
um fót. Á annan bóginn er handrit
myndarinnar miklu betra en í fyrri
myndum um Köngulóarmanninn og
viðheldur sömu hnyttni og einkennir
Marvel-bíóheiminn. Á hinn bóginn
leggur myndin e.t.v. helst til of
mikla áherslu á persónur úr öðrum
myndum líkt og Járnmanninn. Þetta
verður stundum til þess að áherslan
er of mikil á heiminn í kringum
Köngulóarmanninn og ekki nógu
mikil á Köngulóarmanninn sjálfan.
Þetta gerir myndina ekki endilega
verri en e.t.v. gerir það hana örlítið
óaðgengilegri. Það er auk þess ögn
of mikil áhersla á græjur sem
Köngulóarmaðurinn fær frá Járn-
manninum og ekki nógu mikil
áhersla á hans eigin krafta og upp-
finningar.
Tom Holland er frábær í hlutverki
aðalpersónunnar. Hann slær bæði
Toby Maguire og Andrew Garfield,
sem léku persónuna á undan honum,
við: Hann er líflegri og skemmtilegri
en sá fyrri en ekki of.
Það kom mér á óvart að hann og
flestir aðrir leikarar sem léku tán-
ingspersónur í myndinni voru komn-
ir yfir tvítugt þegar myndin var tek-
in upp. Slíkt er auðvitað mjög
algengt í kvikmyndum en hér þóttu
mér leikararnir sérstaklega trúverð-
ugir í hlutverki táninga. Ég veit þó
ekki hvort þeir eru í raun og veru
mikið unglegri en gengur og gerist
eða hvort ég er einfaldlega orðinn
svona vanur því að táningar í kvik-
myndum líti út eins og fólk á þrí-
tugsaldri. Það gæti verið hvort held-
ur sem er.
Ofurhetja Holland er frábær í hlutverki aðalpersónunnar, að mati rýnis.
Áttfætlan í góðum
félagsskap
Borgarbíó, Egilshöll, Háskóla-
bíó, Laugarásbíó og Smárabíó
Spider-Man: Homecoming bbbmn
Leikstjóri: Jon Watts. Handrit: Jonathan
Goldstein og John Francis Daley. Aðal-
leikarar: Tom Holland, Michael Keaton
og Robert Downey Jr. Bandaríkin 2017.
133 mín.
ÞORGRÍMUR KÁRI
SNÆVARR
KVIKMYNDIR
Dansk/íslenska kvikmyndin Vetr-
arbræður, eftir Hlyn Pálmason,
hefur verið valin í aðalkeppni kvik-
myndahátíðarinnar í Locarno og
mun keppa um Golden Leopard-
verðlaunin í byrjun ágúst. Hátíðin
er ein sú stærsta sinnar tegundar
og fer fram í 70. skipti nú í ágúst.
Vetrarbræður er ein af 18 mynd-
um sem hljóta þann heiður að vera
valdar í keppnina og sú eina þetta
árið frá Norðurlöndunum.
Sýningin í Locarno verður jafn-
framt heimsfrumsýning kvikmynd-
arinnar sem er sú fyrsta sem leik-
stjórinn Hlynur gerir í fullri lengd.
Á hátíðinni er sérstakur flokkur
frumrauna leikstjóra en í tilkynn-
ingu frá framleiðendum vetrar-
bræðra segir að það sé mikill heið-
ur að vera valinn beint í
aðalkeppnina.
17 ár eru síðan íslenskur leik-
stjóri hefur keppt um Golden Leop-
ard-verðlaunin en árið 2000 var
fyrsta kvikmynd Baltasars Kor-
máks, 101
Reykjavík, sýnd í
Locarno. Þar áð-
ur hafði aðeins
Friðrik Þór Frið-
riksson tekið
þátt í aðalkeppn-
inni, fyrst 1987
með Skytturnar
og 1994 með Bíó-
daga.
Vetrarbræður gerist í einangr-
aðri verkamannabyggð á köldum
vetri. Myndin segir frá bræðrum og
hvernig þeirra daglega rútína er
einn dag brotin upp með ofbeldis-
fullum deilum milli þeirra og ann-
arrar fjölskyldu á vinnustaðnum.
Hlynur bæði leikstýrir og skrifar
handritið en hann útskrifaðist úr
Danska kvikmyndaskólanum 2013.
Kvikmyndin var tekin í Dan-
mörku í fyrra og með helstu hlut-
verk fara Elliott Crossett Hove,
Simon Sears, Victoria Carmen
Sonne og Lars Mikkelsen.
Vetrarbræður valin í aðalkeppi Locarno
Hlynur Pálmason
Steve Whitmire, stjórnandi og rödd
frosksins Kermit úr Prúðuleik-
unum sl. 27 ár, hefur sagt starfi
sínu lausu. Whitmire hefur hreyft
Kermit og talað fyrir hann frá
árinu 1990 í sjónvarpsþáttum um
Prúðuleikarana og einnig kvik-
myndum. Í hans stað kemur nú
brúðustjórnandinn Matt Vogel.
Ekki er vitað hvers vegna Whit-
mire sagði starfi sínu lausu en á
aðdáendavef Prúðuleikaranna,
Tough Pigs, segir að Vogel muni
þreyta frumraun sína í myndbandi
sem birt verður í næstu viku. Whit-
mire tók við froskinum eftir að Jim
Henson, skapari Prúðuleikanna,
lést en hann hafði áður talað fyrir
Ernie í Sesame Street. Hann hafði
þó unnið að þáttunum um Prúðu-
leikarana frá árinu 1978 og einnig
Búrabyggð, eða Fraggle Rock eins
og þeir heita á frummálinu. Þá
vann hann með Henson við gerð
kvikmyndanna The Dark Crystal
og Labyrinth. Vogel á svo að baki
langan feril sem brúðustjórnandi í
Prúðuleikurunum, allt frá tíunda
áratugnum.
Slítur 27 ára sam-
bandi við Kermit
Breyting Kermit skiptir um rödd og
stjórnanda í annað sinn á ferlinum.
SÝND KL. 8, 10.20
SÝND KL. 6, 9
SÝND KL. 10.40
SÝND KL. 5, 8
Miðasala og nánari upplýsingar
5%
ÍSL. 2D KL. 4, 6
ENSK. 2D KL. 4
Tónastöðin • Skipholti 50d • Reykjavík • sími 552 1185 • www.tonastodin.is
Japansktmeistaraverk
Landsins mestaúrval af píanóumí öllum verð�lokkum.Hjá okkur færðufaglega þjónustu,byggða á þekkinguog áratuga reynslu.