Morgunblaðið - 13.07.2017, Side 10

10 FRÉTTIRInnlent
MORGUNBLAÐIÐ FIMMTUDAGUR 13. JÚLÍ 2017
TILBOÐSDAGAR
2 fsláttur
af öllum vörum í nokkra daga
Lágmúla 8 · sími 530 2800
Ofnar
Hell b
Ryksugur
Smátæki
Þ
Kæ
lis
ká
pa
r
Vi
ft
ur
og
há
fa
r
Uppþvottavélar
Alveg einstök
gæði5% a
Þurrkarar
u orð
Þv
ot
ta
vé
la
r
LOKADA
GAR
BAKSVIÐ
Baldur Arnarson
baldura@mbl.is
Útlit fyrirhugaðs meðferðarkjarna
Landspítalans er að mótast. Nýjar
hönnunarmyndir frá Corpus3 bera
það með sér. Skipulagsyfirvöld í
Reykjavík eiga eftir að yfirfara
myndirnar og hvernig þær ríma við
skipulagið. Útlitið gæti breyst þegar
lokahönnun liggur fyrir á næsta ári.
Gunnar Svavarsson, fram-
kvæmdastjóri Nýs Landspítala ohf.
(NLSH), segir útlit fyrir að fram-
kvæmdir við nýj-
an meðferðar-
kjarna fyrir
Landspítalann
geti hafist á
næsta ári. Níu
hönnunarfyrir-
tæki undir
merkjum
Corpus3, fimm ís-
lensk og fjögur
erlend, vinna að
lokahönnun.
Stefnt er að því að aðaluppdrættir
verði tilbúnir í febrúar.
Meðferðarkjarninn verður rúmir
60 þúsund fermetrar. Byggingar-
kostnaður er áætlaður yfir 30 millj-
arðar. Við það bætast 1,45 milljarð-
ar í hönnunarkostnað. Heildar-
kostnaður við meðferðarkjarnann
verður því að lágmarki 31,45 millj-
arðar.
Skiptist nokkurn veginn jafnt
Gunnar segir aðspurður að al-
mennt skiptist byggingarkostnaður
á markaðnum nokkurn veginn jafnt
milli vinnu og efnis, það fari þó eftir
verkefnum. Samhliða uppbyggingu
meðferðarkjarnans stendur til að
byggja rannsóknarhús vestur af
Læknagarði. Skilafrestur til að
leggja fram tilboð í lokahönnun
rannsóknarhússins hefur verið
framlengdur til 18. september.
Fjögur hönnunarteymi tóku þátt í
hönnunarforvali og voru öll metin
hæf til frekari þátttöku. Rannsókn-
arhúsið verður um 14 til 15 þúsund
fermetrar og er hönnunar- og fram-
kvæmdakostnaður nú áætlaður um
9 milljarðar króna. Gunnar segir að-
spurður að rannsóknarhúsið hafi
þegar verið rýnt með notendum og
Landspítalanum. Þá hafi áætlaður
kostnaður við bygginguna aukist
með nýjum einingum, eftir upp-
færslu á forhönnun. Nær öll rann-
sóknasvið Landspítala sameinist í
húsinu í fjölþættri starfsemi. Til
dæmis sé nú gert ráð fyrir kjarna-
rannsóknastofu og nýrri þjónustu-
og stjórnunareiningu. Gunnar segir
tækniframfarir eiga þátt í að kjarna-
rannsóknastofa bætist við bygg-
inguna. Gunnar telur raunhæft að
byggingu þessara húsa ljúki 2023.
Forhönnun lauk 2013
Gunnar rifjar upp að forhönnun
allra bygginga í Hringbrautarverk-
efninu, sem svo er nefnt, hófst 2010
og lauk með því að svonefndur
SPITAL-hópur skilaði sínu verki
2013.
„Síðan var gert ráð fyrir að verk-
hlutarnir færu af stað hver af öðr-
um. Þeir hafa farið mishratt af stað.
Það ræðst alltaf af fjárheimildum
frá Alþingi. Við höfum notað tímann
á meðan verkhluturinn er ekki far-
inn af stað til að rýna forsendur,
með notendum, sem lágu fyrir við
hönnun bygginganna,“ segir Gunn-
ar.
Unnið er að rýni á forhönnun á
bílastæða-, tækni- og skrifstofuhúsi,
vestur af Læknagarði, gegnt BSÍ.
Gunnar segir aðspurður að sú vinna
sé ekki kostnaðarsöm. Að verkinu
komi verkefnastjórn frá Hring-
brautarverkefninu, notendur frá
Landspítalanum og hönnunarhópar.
„Við gerðum þetta sama með
rannsóknarhúsið í fyrra. Þess vegna
liggur nú fyrir uppfærð forhönnun á
á því þegar við förum af stað með
fullnaðarhönnun nú í haust,“ segir
Gunnar. Í haust kemur í ljós hvaða
teymi muni fullhanna húsið á grund-
velli þessarar rýndu forhönnunar.
Gunnar segir miðað við að húsið
verði 21 þús. fermetrar og kostn-
aður alls um 2,2 milljarðar. Þessar
tölur hafa ekki breyst að undan-
förnu. Stór hluti hússins, 17.000 fer-
metrar, fer undir 500 bílastæði. Alls
verða þessar þrjár byggingar og
nýtt sjúkrahótel um 100 þús. fer-
metrar.
Gunnar segir vinnu við gatnagerð
og vinnu við lóðir nýju húsanna
hefjast næsta vor. Gatnakerfið
byggist ekki á eldri götum og sé að
fullu í samræmi við samþykkt deili-
skipulag. Fram kemur í fjármála-
áætlun ríkisstjórnarinnar 2017-
2021, að „byggingaframkvæmdir við
fyrsta verkáfanga nýs Landspítala,
einkum meðferðarkjarna og rann-
sóknarhús, verði boðnar út árið 2018
og verði komnar á fullan skrið 2019-
2021“.
Meðferðarkjarninn að mótast
 Hönnuðir vinna að lokahönnun  Byggingarkostnaður hússins er áætlaður yfir 30 milljarðar króna
 Framkvæmdastjóri Nýs Landspítala ohf. telur raunhæft að framkvæmdir muni hefjast á næsta ári
Teikning/Corpus3/Birt með leyfi
Í mótun Horft til vesturs. Hér má sjá drög að meðferðarkjarnanum. Torg verður fyrir framan gömlu aðalbygginguna á Landspítalanum.
Teikning/Corpus3/Birt með leyfi
Breyting Til verða nýjar götur. Gamla Hringbrautin mun hverfa.
Gunnar
Svavarsson
Teikning/NLSH
Á fyrri stigum Hér má sjá eldri teikningar af meðferðarkjarnanum.