Árbók Hins íslenzka fornleifafélags - 01.01.2012, Blaðsíða 13

ÁRBÓK FORNLEIFAFÉLAGSINS12
Herbergi 3 (stofa)
Herbergi 3 var í eystri hluta aðalbyggingarinnar og 5 x 3 metrar að stærð.
Tveir inngangar voru að herberginu, einn inn í herbergi 4 og annar inn
lítinn gang sem leiddi inn í herbergi 6. Uppgröfturinn sýndi að gangurinn
hafði verið eyðilagður þegar skurður hafði verið grafinn í hann eftir að
búsetu lauk á staðnum. Óvíst er hverjir voru þar að verki en Inúítar kunna
að hafa gert það í leit að járngripum og öðrum hlutum. Ekki náðist að
grafa fram allt herbergið því að eystri hluti þess þiðnaði ekki áður en vatn
flæddi yfir uppgraftrarsvæðið. Eins og í öðrum herbergjum var mikið hrun
bæði úr veggjum og þaki. Í neðstu hrunlögunum var stórt afmarkað brunalag
með miklu af kolum og viðarleifum. Ljóst var á samhengi þess við annað á
svæðinu að það hafði myndast eftir að búsetu hafði verið hætt á svæðinu og
byggingin tekin að hrynja. Þetta var greinilegt merki þess að þó að búsetu
hefði verið hætt var staðurinn enn notaður í einhverjum tilgangi og er líklegt
að brunalagið tengist yngra búsetuskeiðinu. Gólflagið í herbergi 3 var þykkt
og svart og var það þykkast í miðjunni en þynntist út er nær dró veggjum.
Meðfram veggjum beggja vegna voru hringlaga stoðarholur, 20 sentímetrar
að þvermáli og 30 sentímetra djúpar. Þó náðist ekki að grafa fram allar
stoðarholur og þá sérstaklega í eystri endanum. Þrjár hringlaga holur komu
Vefjarskeiðar í herbergi 4. Ljósmynd: Ragnar Edvardsson.