Árbók Hins íslenzka fornleifafélags - 01.01.2012, Blaðsíða 118

117FORNLEIFARANNSÓKN Í QUASSIARSUK (BRATTAHLÍÐ)
við íveruhúsið og á þeim stað fundu þeir lítinn torfbyggðan skála. Fram til
ársins 1974 voru grafnir ýmsir skurðir í og við bæjarstæðið og til viðbótar við
kirkjuna og skálann fannst önnur bygging sem var aldursgreind til um 1000.8
Lítið hefur verið um rannsóknir í Quassiarsuk eftir 1974 og árið 1990 hafði
ekki verið gengið frá svæðinu eftir uppgreftina. Þá hóf fornleifafræðingurinn
Hans Kapel frágang svæðisins með því að fylla upp í gömlu skurðina og
fjarlægja moldarhauga. Einnig var gengið þannig frá rústunum að þær væru
sýnilegri fyrir þá fjölmörgu ferðamenn sem heimsækja staðinn á hverju sumri.
Fornleifarannsókn á Ø29a (norðurbærinn)
Rannsóknin árið 2005 stóð frá byrjun ágúst og fram í byrjun september og
var 65 m2 svæði opnað í öskuhaug suðvestan við íveruhúsið. Í upphafi var
áætlað að opna allan skurðinn sem Nørlund og Stenberger höfðu grafið í
öskuhauginn árið 1932. Fljótlega kom þó í ljós að svæðið hafði orðið fyrir
talsverðu raski frá þeim tíma og það reyndist erfitt að staðsetja skurðbrúnirnar
frá 1932. Ástæður þessa voru margar en það sem olli mestum erfiðleikum var
að skurð brún irnar voru á öðrum stað en gefið var upp í skýrslu Nørlunds og
Stenbergers og að skurðurinn hafði staðið opinn til 1990. Í kjölfarið höfðu
öll snið hrunið inn í hann. Þegar loks var gengið frá uppgraftarsvæðinu árið
1990 höfðu skurðbrúnirnar orðið fyrir enn frekara raski og að auki var notað
Mynd 3. Syðri hluti uppgraftrarsvæðis við Ø29a við lok rannsóknar 2006.