Árbók Hins íslenzka fornleifafélags - 01.01.2012, Blaðsíða 14

13QORLORTORSUAQ: FORNLEIFARANNSÓKNIR Í VATNAHVERFI
í ljós undir gólflaginu við nyrðri langvegginn. Í þessum holum var mikið af
ösku og viðar- og kolaleifum og voru þær leifar eldstæða sem höfðu verið
í notkun við upphaf búsetu á staðnum áður en gólflagið myndaðist. Tvö
sýni til kolefnisgreiningar voru tekin úr þessum holum og voru þau bæði
aldursgreind til 11. aldar. Ekki var hægt að staðfesta með vissu notkun þessa
herbergis en þar sem gólflögin voru þykk og talsvert um ýmsa gripi í þeim
er hægt að geta sér þess til að herbergið hafi verið í reglulegri notkun en
ekki geymsla eins og herbergi 1. Líklegt er því að í þessu herbergi hafi íbúar
bæjarins sofið, matast og starfað við ýmiss konar innivinnu.
Herbergi 4 (vefstofa)
Sunnan við herbergi 2 og 3 var lítið herbergi, 2 x 3 metrar að innanmáli. Eins
og í öðrum herbergjum var mikið hrun inni í því og neðst í hrunlögunum
var svart brunalag sem greinilega hafði myndast eftir að búsetu lauk þar sem
talsvert af hruni úr þaki og veggjum var undir því. Gólf herbergisins var svart,
þykkt, lagskipt og var það jafnþykkt alls staðar í herberginu. Í norðvesturhorni
herbergisins var lítið eldstæði, 1 x 1 metri að stærð, og var það fullt af kola-,
viðar- og öskuleifum. Eldstæðið hafði verið grafið niður í óhreyfðan jarðveg,
litlir steinar reistir upp á rönd allan hringinn og síðan lagðir flatir steinar inn
í það. Við suðurvegginn fundust viðarleifar í litlum og reglulegum skurði
sem náði svo til inn í mitt herbergið. Þykkt gólflaganna benti til þess að
herbergið hafi verið í mikilli notkun. Talsvert fannst af gripum sem tengdust
vefnaði, snældusnúðar, kljásteinar og tveir gripir úr hvalbeini sem líklega
eru vefjarskeiðar úr vefstað. Einnig er mögulegt að litli skurðurinn með
Herbergi 4, vefstofa, og 6 sem ekki var grafið í. Teikning: Ragnar Edvardsson.