Árbók Hins íslenzka fornleifafélags - 01.01.2012, Blaðsíða 180

179HÁTÍÐARRÆÐA Á 150 ÁRA AFMÆLI ÞJÓÐMINJASAFNS ÍSLANDS
Það er verkefni okkar allra að vernda þann
arf. Menningarfurinn er ómetanlegur auður.
Þjóðminjasafn Íslands þakkar lands-
mönnum velvilja í garð Þjóðminja safnsins
og mikilsverða samvinnu við systurstofnanir
hér á landi og á Norður löndum.
Þjóðminjasafninu hafa borist góðar gjafir
í tilefni afmælisárs. Vinafélag Þjóðminja-
safnsins, Minjar og saga, færði safninu sprota-
belti úr gylltu silfri með víravirki sem borið
hefur verið við skautbúning Sigurðar málara.
Sprotabeltið smíðaði Sigurður Vigfússon
gullsmiður og er beltið með smiðsstimpli
hans. Sigurður Vigfússon var umsjónarmaður
Forngripasafnsins 1878-1892 og er beltið
vafalítið smíðað fyrir þann tíma.2
Þóra Kristjánsdóttir listfræðingur gaf
safninu merkan kaleik og patínu frá Myrká í
Eyjafirði. Gripina smíðaði Sigurður Oddsson
á Ljósavatni í Þingeyjarsýslu.3 Góðar gjafir
og hlýjar kveðjur bárust frá söfnum landsins
og nágrannalanda. Má þar nefna vinargjöf frá
Þjóðminjasafni Grænlands sem er lampi úr
tálgusteini, listaverk sem er tákn um vináttu
og samstarf. Frá Norræna safninu í Svíþjóð
barst einnig vinargjöf en áður hafði safnið
afhent Þjóðminjasafninu átta hundruð
íslenska forngripi til framtíðarvarðveislu.4
Þjóðminjasafn Dana tók af þessu tilefni ákvörðun um að yfirfæra safn mynda
og teikninga Daniels Bruun á stafrænt form og veita Þjóðminjasafni Íslands
aðgang að þeim mikilsverða safnkosti sem þar er varðveittur. Þjóðminjasafn
Íslands þakkar samstarfsstofnunum fyrir vinarhug og góða samvinnu. Góð
tengsl við samstarfsaðila er í anda þess sem Þjóðminjasafn Íslands vill standa
fyrir á 150 ára afmæli safnsins.
Minningarsjóði í nafni Philip Verrall eins af velunnurum safnsins er
þakkað. Sjóðurinn hefur stutt við starfsemi safnsins og kostað afmælisviðburði
ársins. Einnig er vinafélagi safnsins, Minjum og sögu, þakkað en það fagnar
nú 25 ára afmæli sínu. Listrænum stjórnendum hátíðarsýninganna og öllu
Sprotabelti úr gylltu silfri með víravirki,
sem hefur verið borið við skautbúning
Sigurðar Guðmundssonar málara. Það
er smíðað af Sigurði Vigfússyni gull-
smið og er með smiðs stimpli hans.
Sigurður Vigfússon var um sjónar maður
Forngripasafnsins 1878-1892 og er
beltið vafalítið smíðað fyrir þann tíma.
Ljósmynd: Ívar Brynjólfsson.