Fréttatíminn - 31.03.2017, Blaðsíða 24

24 | FRÉTTATÍMINN | FÖSTUDAGUR 31. MARS 2017
GLÆSILEGAR
BORGIR Í A-EVRÓPU
Í BEINU FLUGI
Við bjóðum uppá glæsilegar borgir í A-Evrópu. Tilvalið fyrir hópa,
fyrirtæki og einstaklinga. Veldu tímann og farðu þegar þú vilt, 2,3,4
daga eða lengur. Verðlag er hagstætt bæði í mat og drykk. Þá er hægt
að gera góð kaup á hinum ýmsu verslunum og mörkuðum. Við bjóðum
uppá skoðunarferðir fyrir hópa og fyrirtæki.
BÚDAPEST Í UNGVERJALANDI
Ein af fallegri borgum Evrópu, hún
er þekkt fyrir sínar glæsi byggingar
sem margar eru á minjaskrá Unesco,
forna menningu og spa/heilsulindir.
Þar hefur í árhundruði blandast
saman ýmis menningaráhrif sem
gerir borgina svo sérstaka.
Flogið er tvisvar í viku allt árið.
GDANSK Í PÓLLANDI
Hansaborgin Gdansk er elsta og
fallegasta borg Póllands, saga
hennar nær aftur til ársins 997.
Glæsilegur arkitektúr, forn menning
og tónlistar-hátíðir hafa gert borgina
að vinsælustu ferðamannaborg
Póllands.
Flogið er tvisvar í viku allt árið.
VERÐ FRÁ 87.900.-
WWW.TRANSATLANTIC.IS SÍMI: 588 8900
VILNÍUS Í LITHÁEN
Vilníus er eins og margar aðrar borgir í
Eystrasaltinu frá miðöldum og glæsileg eftir
því. Upphaf borgarinnar má rekja til ársins
1330 og er gamli bærinn á minjaskrá Unesco.
Þröngar steinilagðar götur er viða að finna í
gamla bænum og gamli byggingastíllinn
blasir hvarvetna við.
Flogið er tvisvar í viku allt árið.
DÆMI UM BORGIR
Halla Harðardóttir
halla@frettatiminn.is
Við vorum komin með alveg nóg af því að búa inni á foreldrum okkar, ömmu og afa og í ferða-tösku svo við fórum að
velta þessum möguleika fyrir okk-
ur,“ segir Sólveig Valgerður Svein-
björnsdóttir en hún keypti sér Ford
Transit bíl í vetur og breytti honum
í heimili.
Sólveig hefur starfað starfar sem
fjallaleiðsögumaður víðsvegar um
landið síðastliðin ár og felur starf-
ið í sér miklar tarnir á sumrin
en minni vinnu um vetur. Fyrir
þremur árum ákvað hún að eyða
vetrinum í skíðabænum Chamon-
ix í frönsku ölpunum. Ferðin var
afdrifarík því í Chiminox kynntist
hún kærastanum, Guillaume Koll-
ibay, og eyða þau tíma sínum þar
þegar þau eru ekki að vinna á Ís-
landi.
Breytti bílnum í heimili
Sólveig Valgerður Sveinbjörnsdóttir starfar á
Íslandi á sumrin en býr í Frakklandi á veturna
og hentar henni því vel að eiga heimili á
hjólum. Það var samt fyrst og fremst lítið
framboð á húsnæði og há leiga sem varð til
þess að hún fór þá leið að búa í bíl.
Sólveig segir það
hafa verið mikið mál
að koma öllu fyrir í
svona litlu rými. Það
hafi þó borgað sig því
henni líður miklu bet-
ur eftir að hún losaði
sig við allan óþarfann.
Áhugasamir geta
fylgst með lífinu í
bílnum og ævintýrum
Sólveigar á Instagram
undir „Vanbums“.
„Guillaume er skíðakennari og
starfar þess vegna líka í törnum
svo það hentar okkur vel að eiga
heimili á hjólum,“ segir Sólveig
en það var þó fyrst og fremst lítið
framboð af húsnæði og há leiga
sem varð til þess að þau ákváðu að
gera sér heimili í bíl.
Reykjavík kom aldrei til greina
Sólveig ólst upp á Höfn í Hornafirði
og þar hafa þau Guillaume haft bú-
setu þegar þau eru stödd á Íslandi.
„Það kom aldrei til greina að búa í
Reykjavík því leigan þar er allt of
dýr. Fyrirtækið sem við vinnum
fyrir er á Höfn svo við vorum aðal-
lega verið að leita að íbúð í kring-
um það svæði. Okkur langaði mest
að búa á Höfn en það var bara ekk-
ert í boði svo við leituðum í þorp-
um út um allt land en flestar íbúðir
eru komnar í túristaleigu svo það
er ekkert í boði sem kostar ekki
annan handlegginn,“ segir Sól-
veig en þau Guillaume bjuggu hjá
ömmu og afa Sólveigar meðan á
leitinni stóð. „Okkur var farið að
langa mikið í okkar eigið heimili
og svo vorum við komin með al-
gjöran leiða á því að vera alltaf að
flytja dótið okkar á milli Chamonix
og Hafnar.“
Mikilvægt að finna rétta bílinn
Leitin og biðin urðu til þess að Sól-
veig fór að rifja upp gamlan draum
um að búa í Volkswagen-rúgbrauði
og geta þannig ferðast á milli staða
án þess að þurfa alltaf að pakka bú-
slóðinni niður í ferðatösku. „Gall-
inn við rúgbrauðið er að þú þarft
að kunna að gera sjálfur við vél-
ar, sem við kunnum ekki og þess
vegna fór ég að skoða aðra bíla. Ég
las mér mikið til um það hvað besti
bíllinn væri og svo duttum við nið-
ur á þenna Ford Transit sem var
búið að breyta að einhverju leyti.
Það var allt þetta dýra í honum
sem maður þarf ef maður ætlar
að búa í bílnum allt árið, eins og
dísil-miðstöð og sólarsella. Og svo
er hann hár, en við þurftum háan
bíl því við erum bæði yfir 1,80 á
hæð. Ég hefði ekki meikað að vera
alltaf að beygja mig heima hjá mér.
Maður verður að geta notið þess að
búa í bílnum,“ segir Sólveig. Þau
festu kaup á bílnum í nóvember
og höfðu gert hann íbúðarhæfan
og tilbúinn í langför með Norrænu
í byrjun janúar. „Við gúggluðum
okkur bara í gegnum þetta og not-
uðum youtube og pinterest mik-
ið. Við bjuggum hjá ömmu og afa
á Hornafirði á meðan og afi hjálp-
aði okkur mikið en hann er bifvéla-
virki.“
Þægilegra að eiga minna
Að koma allri búslóðinni fyr-
ir í þessu litla rými var hálfgert
ævintýri og segir Sólveig að hún
hafi þurft að hugsa ýmislegt upp
á nýtt. Stærsti hausverkurinn hafi
verið að koma öllu útivistardótinu
fyrir. „Það er mikilvægt að þurfa
ekki að rústa öllu heimilinu til að
finna hlutina. Við settum til dæm-
is brettin og skíðin undir rúmið og
gerðum aðgengi í það rými utan
frá, sem er mjög þægilegt. Ég er
þessi týpíska íslenska kona sem á
allt of mikið af fötum og er þekkt
fyrir að eiga allt of mikið af jökkum
svo fjölskyldan mín hló mikið að
mér þegar ég var að reyna að púsla
þessu saman. Ég þurfti að skera
niður og í dag nota ég þrisvar sinn-
um minna af fötum og finnst það
miklu þægilegra. Þegar ég hugsa
til baka skil ég ekki hvernig ég
nennti að eiga öll þessi föt. Maður
var orðin svo vanur að eiga allt of
mikið af dóti en í dag á ég bara það
sem mig vantar og allt er á sínum
stað, sem er mjög þægilegt.“
Rottuhola á hundruð þúsunda
Þegar bíllinn var tilbúinn tók við
ferðalag yfir hafið og svo keyrsla
niður í frönsku alpana þar sem Sól-
veig og Guillaume eru stödd núna,
þar til sumartörnin hefst á Íslandi.
Þau eru fegin því að þurfa ekki að
hírast í rándýrri kjallaraíbúð í fína
skíðaþorpinu og dásama það að
vakna alla daga úti í náttúrunni. Líf
þeirra snýst um lítið annað en að
skíða og ferðast þegar Guillaume er
ekki að vinna við kennslu.
„Við leigðum íbúð hérna í fyrra
en það var bara allt of dýrt en leigu-
markaðurinn hér er jafnmikið rugl
og á Íslandi. Þú leigir rottuholu í
miðbænum fyrir nokkur hundruð
þúsund. Okkur langar samt að vera
hér því Guillaume er héðan og er
með vinnu hér og svo hefur þetta
svæði upp á svo margt að bjóða.
Þú kemst ekki í svona skíðasvæði
neinsstaðar annarsstaðar, þú tek-
ur lyftu upp í 3800 metra hæð og
ótrúlegar brekkur á tíu mínútum.“
Erfitt að snúa til baka
Sökum þess hversu dýrt er að
búa í Chamonix er sífellt fleira fólk
sem býr þar í bílum og segir Sólveig
oft myndast skemmtileg samfélög
ólíks fólks á bílastæðunum. „Ég
hélt að þetta væri lífsstíll sem væri
bara hægt að leyfa sér núna en svo
sé ég eldra fólk og líka barnafólk og
hugsa með mér að þetta sé kannski
bara framtíðin. Ég væri allavega til
í að búa svona alla ævi. Ég held að
það sé næstum ógerlegt að fara aft-
ur til baka,“ segir Sólveig sem kem-
ur með heimilið aftur til Íslands í
vor, þegar ferðavertíðin hefst hér
á ný. „Við verðum að vinna út frá
Hala í Suðursveit og stefnum á
búa einhversstaðar á milli Hala og
Hafnar. Við höfum aldrei prófað að
búa almennilega í bílnum á Íslandi
svo við erum mjög spennt. Stærsti
kosturinn við það verða allar sund-
laugarnar því við erum ekki með
sturtu í bílnum. Það verður frábært
að vera loksins með eigið heimili á
Íslandi.“
„Ég hefði ekki meikað að vera alltaf að beygja mig heima
hjá mér. Maður verður að geta notið þess að búa í bílnum.“