Húnavaka - 01.05.2016, Blaðsíða 44

H Ú N A V A K A 42
Önnur stór stund í lífi
Pearl var þegar hún lauk 40
ára starfsferli hjá Toronto-
sinfóníunni með kveðjutón-
leikum þann 9. ágúst 1981 og
uppskar langvinnt og dynj-
andi lófatak tíu þúsund þakk-
látra áheyrenda sem allir risu
á fætur. Þá var hún hálfsjötug
að aldri en í fullu starfsfjöri.
Þótt hún hætti þá störfum,
gat hún unað vel við minning-
arnar og það góða orð sem
hún ávann sér sem framúr-
skarandi hljóðfæraleikari.
Árum saman hafði hún verið
annar konsertmeistari hljóm-
sveitarinnar og iðulega gegnt
konsertmeistarastarfi í for föll-
um konsertmeistarans. Var
hún í miklum metum í listalífi
Torontoborgar og margvís-
lega heiðruð fyrir störf sín.
Fjarri fór því að Pearl sett-
ist í helgan stein að lokn um
nær fjórum áratugum með sinfóníuhljómsveitinni. Hún átti enn eftir langt og
merkilegt starfstímabil. Einbeitni hennar, framtakssemi og atorka fékk með
sanni að njóta sín. Sumpart stóð hún í því að stofna sínar eigin hljómveitir,
jafnframt því sem hún gekk til liðs við starfandi hljómsveitir, stórar og smáar,
á ýmsum stöðum, leiðbeindi og kenndi. Hún stofnaði m.a. strengjatríó og
strengjakvintett og nefndi eftir sínu íslenska heiti Perla tríó og Perla kvintett,
svo ég noti íslenska stafsetningu út í gegn! Um tíma var hún konsertmeistari
tiltölulega ungrar sinfóníuhljómsveitar í Oakville, nágrannaborgar Toronto.
Oakville er raunar þekkt menningarborg, töluvert fólksfleiri en Reykjavík og
dæmi um að listir geta þróast víðar en í heimsborgum.
Þess finnst mér vert að minnast að Pearl Pálmason stundaði tónlistarkennslu
meira og minna alla ævi, kenndi fiðluleik. Fram kemur í heimildum mínum að
hún var farin að kenna á fiðlu 15 ára gömul. Hún var ætíð mjög virk í
félagssamtökum tónlistarmanna í Toronto. Um skeið var hún formaður The
Toronto Haliconian Club, sem er félag kennara sem starfa á fjölþættu sviði
lista þar í borg. Yfirleitt þótti Pearl félagslynd og vinmörg eins og sagt var um
Gróu móður hennar og lét ljós sitt ekki undir mæliker. Ekki skorti á að hún
væri félagi í Íslendingafélaginu í Toronto og fann alltaf til Íslendingsins í sér,
hélt ætterni sínu á lofti hvar sem var.
Við starfslok Pearl.