Húnavaka - 01.05.2016, Blaðsíða 237

235H Ú N A V A K A
Starfsmenn í árslok voru fjórir í
jafnmörgum stöðugildum.
Auðunn Steinn Sigurðsson, útibússtjóri.
FRÁ FÉLAGI ELDRI BORGARA.
Enn eitt árið hefur nú runnið sitt
skeið. Hlýjasta ár á jörðinni síðan
mælingar hófust segja fræðingarnir.
Ekki held ég að við Húnvetningar
samþykkjum það. Fyrsta janúar 2016
eru hundrað og fjörutíu ár síðan
Blönduós fékk verslunarréttindi.
Stjórn félagsins er óbreytt frá fyrra
ári. Starfið hjá félagi eldri borgara
hefur verið með líkum hætti og
undanfarið. Á Blönduósi var nú
haldið Landsmót 50+ í lok júní.
Nokkrir heimamenn kepptu og stóðu
sig vel en hefðu mátt vera fleiri.
Félagsstarf aldraðra í Hnitbjörgum
efndi til ferðar 20. maí í kringum
Tröllaskaga. Farið var um Siglufjörð
og félagsstarfið á Dalvík heimsótt. Var
þetta hin besta ferð í alla staði og
þátttaka góð.
Umræðan í þjóðfélaginu snerist
mikið um kjaradeilur og bág kjör
margra aldraðra og öryrkja. Veruleg
fjölgun aldraðra á næstu árum virðist
hvíla sem mara á stjórnendum
landsins. Meðan það viðhorf er
ríkjandi er lítil von um sjálfsagðar
réttarbætur.
Púttvöllurinn við Flúðabakka var í
allgóðu standi. Enginn aðili fékkst til
að sjá um sláttinn og sáu formaður og
gjaldkeri um hann launalaust. Vegna
góðrar hausttíðar var púttað óvenju
lengi eða fram í byrjun október.
Í haust heimsótti okkur nýkjörinn
formaður Landssambands eldri
borgara, Haukur Ingibergsson, og
fyrrverandi formaður, Jóna Valgerður
Kristjánsdóttir. Héldu þau fróðlegan
og vel sóttan fund í Hnitbjörgum. Að
honum loknum bauð félag eldri
borgara til kaffidrykkju.
Þann 15. desember síðastliðinn
tókum við okkur til dálítill hópur og
fórum í Miðgarð á „Skagfirðingar
syngja“, útgáfutónleika sveiflukóngsins
Frá Húnavöku 2013. Arion banki í baksýn. Ljósm.: Jón Sig.