Húnavaka - 01.05.2016, Blaðsíða 194

H Ú N A V A K A 192
aðarsambandi A-Húnvetninga og Vegagerð ríkisins. Hjá Vegagerðinni vann
hann árum saman sem verkstjóri og rekstrarstjóri.
Ninna og Þormóður gengu í hjónaband árið 1951. Þau eignuðust fjögur
börn sem eru: Steingrímur f. 1951, maki Guðbjörg Egilsdóttir f. 1951, þau
eiga tvo syni. Helga Ingileif f. 1953, maki Ingibergur Sigurðsson f. 1954, þau
eiga tvö börn. Pétur f. 1957, hann á eina dóttur. Yngsta barnið var drengur
sem lést þriggja daga gamall 1968.
Þau byrjuðu að búa á Blönduósi, reistu sér hús við Mýrarbraut og þar var
heim ili fjölskyldunnar í áratugi. Oft var gestkvæmt á Mýrarbrautinni enda
hús ráðendur góðir heim að sækja. Sumir komu nær daglega bæði ungir og
eldri.
Ninna helgaði sig heimilinu og umönnun barnanna á meðan þau voru ung.
Það var þeim dýrmætt. Hún starfaði síðar sem matráðskona í vegavinnu, vann
í Pólarprjóni en lengst af vann hún við bólstrun húsgagna hjá Jónasi
Tryggvasyni. Hún var hög í höndum og saumaskapur lét henni vel.
Árið 1998 fluttu þau Ninna og Þormóður í Kópavog en hann lést tæpum
áratug síðar, árið 2007. Ninna bjó áfram í Kópavogi eftir lát hans eða þar til í
marsmánuði árið 2015 en þá brá hún á það ráð að flytja heim á Blönduós.
Hún naut þess mjög að vera komin heim, fólkið þar og staðurinn yljaði.
Ninna var félagslynd og gat verið hnyttin í orðum og henni var gefið að sjá
það gamansama, það sem setur lit og líf í stundirnar. Hún var vinsæl af fólkinu
sínu og þeim sem þekktu hana og nutu samvista við hana. Hún var þeirrar
gerðar að börn sóttu til hennar og urðu vinir hennar. Átthagarnir voru Ninnu
alla tíð afar kærir. Þar bjó hún lengst af og þar kvaddi hún þetta líf.
Útför Jóninnu Guðnýjar Steingrímsdóttur fór fram frá Kópavogs kirkju
þann 4. nóvember. Jarðsett var í Kópavogskirkjugarði.
Séra Ægir Fr. Sigurgeirsson.
Pétur Þorláksson,
Blönduósi
Fæddur 25. apríl 1924 – Dáinn 22. október 2015
Pétur í Vísi, eins og hann var alltaf kallaður, fæddist í litla húsinu í Sandinum
á Blönduósi. Foreldrar hans voru Þorlákur Jakobsson verslunarmaður á
Blönduósi, f. 1888, d. 1975 og Þuríður Einarsdóttir húsfreyja, f. 1896, d. 1979.
Bræður Péturs voru: Þorvaldur, f. 1919, d. 1992, Sigurbjörn Gísli, f. 1920,
d. 1923, Einar Ingvi, f. 1922, d. 1926, Einar Ingvi, f. 1927 og Sigurbjörn,
f. 1932, d. 1984.
Pétur ólst upp á Blönduósi og gekk í barnaskólann í Tilraun þar sem
skólastjórinn var Þuríður Sæmundsen. Þann 18. nóvember 1948 kvæntist
hann Kristínu Ásthildi Jóhannesdóttur frá Gauksstöðum í Garði, f. 10. apríl
1928, d. 3. apríl 2013. Foreldrar hennar voru Jóhannes Jónsson útgerðarmaður
í Garðinum og Helga Þorsteinsdóttir húsfreyja.