Húnavaka - 01.05.2016, Blaðsíða 196

H Ú N A V A K A 194
þaðan 1943. Þórir hafði þá þegar kynnst konuefni sínu, Evu Karlsdóttur,
f. 1913, d. 2004, og gengu þau í heilagt hjónaband 6. janúar 1945. Foreldrar
hennar voru Guðrún Sigurðardóttir, f. 1893, d. 1973 og Sigurður Karl
Friðriksson, f. 1891, d. 1970.
Þórir og Eva eignuðust tvær dætur: Sigrún f. 1945, maður hennar er
Gunnlaugur Björnsson f. 1937 og eiga þau þrjú börn. Þórkatla f. 1952, maður
hennar er Jón S. Guðlaugsson. Þórkatla eignaðist tvær dætur með Gylfa
Pálmasyni. Fyrir hjónaband Evu og Þóris átti Eva dótturina Guðrúnu Sigur-
jónsdóttur, f. 1937, d. 2004. Guðrún var gift
Grími Oddmundssyni, f. 1930, d. 2002, þau
eignuðust þrjú börn.
Á yngri árum vann Þórir um tíma í vegavinnu,
brúarvinnu og byggingarvinnu en fyrst og fremst
við bústörf. Skömmu eftir að Þórir og Eva gengu
í hjónaband stofnuðu þau heimili og fóru að
koma upp bústofni í Brekku. Höfðu þau afnot af
hluta Brekkujarðarinnar en um 1960 byggðu þau
nýbýlið Syðri-Brekku. Þar bjuggu þau allan sinn
búskap og Þórir áfram ef undan eru skilin síðustu
tvö ár ævi hans. Voru þau með hefðbundinn
búskap, kindur, kýr og hross á sínu blómaskeiði en
hættu með kýrnar þegar aldur tók að færast yfir
og héldu þá áfram með fé og hross. Voru þau afar samhent í sínum búskap
öllum og einkenndi dugnaður og elja störf þeirra í hvívetna.
Þórir var áhugasamur bóndi og vildi alltaf vera að, bæta og laga, sýsla og
iðja. Hann var þrautseigur eljumaður með mikið jafnaðargeð. Hann var
traustur og staðfastur og fylgdi sannfæringu sinni. Þórir var fyrst kosinn í
hreppsnefnd árið 1966 og sat í hreppsnefnd í 24 ár, þar af oddviti um tólf ára
skeið. Áhugi hans á sveitastjórnarmálum blandaðist áhuga hans á þjóðmálum
en áhugamaður var hann um pólitík og fylgdist þar vel með alla tíð. Hann var
söngelskur og hafði alla tíð gaman af að syngja enda var hann í kirkjukór
Þingeyrakirkju um áratugaskeið
Þórir Magnússon lést á Heilbrigðisstofnuninni á Blönduósi. Hann var
jarðsunginn frá Þingeyrakirkju 6. nóvember og jarðsettur í Þingeyrakirkjugarði.
Sr. Magnús Magnússon.
Elísabet Þórunn Sigurgeirsdóttir,
Blönduósi
Fædd 23. september 1926 – Dáin 11. nóvember 2015
Elísabet, eða Elsa eins og hún var oftast kölluð, var fædd á Ísafirði. Foreldrar
hennar voru Ingibjörg Þórunn Jóhannsdóttir, f. 1891, d. 1950 og Sigurgeir
Sigurðsson, f. 1886, d. 1963, er bjuggu á Ísafirði. Börn þeirra voru Jóhann