Víkurfréttir - 30.08.2017, Síða 16

16 miðvikudagur 30. ágúst 2017VÍKURFRÉTTIR
FRÉTTAVAKT ALLAN
SÓLARHRINGINN
Í SÍMA 898 2222

Á LJÓSANÓTT ER OPIÐ FIMMTUDAG TIL LAUGARDAGS
FRÁ KL. 11:00 – 21:00
MATSEÐILINN ER Á WWW.SOHO.IS
TILVALIÐ FYRIR VINNUSTAÐI AÐ PANTA OG SÆKJA
FISKRÉTTIR // STEIKUR // SALÖT // KAFFI // KÖKUR
Soho Catering – Veisluþjónusta // Hrannargata 6 // Sími: 421 7646 // Gsm 692 0200 // www.soho.is
Valgerður Guðmundsdóttir, menn-
ingarfulltrúi Reykjanesbæjar segir
að allir ættu að finna eitthvað við
sitt hæfi á Ljósanótt í ár. Dagskráin
er fjölbreytt og mikið af viðburðum
á sviði lista og menninga og margir
nýir listamenn koma fram í ár.
„Þetta gengur alltaf betur og betur hjá
okkur með hverju árinu sem líður en
við erum með mikið af föstum við-
burðum sem við vitum af og eru á
hverju ári þannig að við getum byrjað
að skipuleggja strax næstu Ljósanótt
þegar einni er lokið. Síðan koma inn
fleiri ný og flott atriði og svo koma
jafnvel inn gömul atriði eða viðburðir
í nýjum búning, svo að átjánda Ljósa-
nóttin verður alveg dúndur.
„Árgangagangan er alltaf fremst í
mínu hjarta og eflaust líka í hjörtum
margra gamalla íbúa sem hitta gamla
félaga sem þeir hafa ekki séð lengi.
Nettó ætlar að vera með nýjung í
tenglsum við gönguna, svokallaða
matarsóunarsúpu sem verður í boði
áður en gangan hefst. Síðan eru það
þrír hópar fólksins
í bænum, þeir sem
standa að heima-
tónleikunum, að-
standendur Með
blik í auga sem
verða með sýning-
una Með SOUL
í auga og svo er það menningar-
hópurinn í Höfnum sem er rosalega
skemmtilegt framtak“. Valgerður segir
einnig að þó svo að það séu skipulagðir
heimatónleikar á föstudagskvöldinu
þá séu líka komnir inn margir við-
burðir á heimasíðu Ljósanætur, sem
sé alveg frábært. „Sýningarnar okkar
í DUUS eru alltaf skemmtilegar því
þar erum við með heimafólk í fyrir-
rúmi. Aðalsýningin okkar er í raun
og veru tímabær en þar er Helgi Hjal-
talín Eyjólfsson listamaður sem býr
í Höfnunum, hann hefur sýnt mjög
víða og er gríðarlega flottur, hann er
að velta fyrir sér hverjar horfurnar
séu í þessum heimi sem við búum í.
Sýningin hans heitir Horfur og hann
veltir því fyrir sér hver staða hans sem
fjölskylduföður er í öllum breyting-
unum sem eiga sér stað. Ég hvet alla til
þess að koma og kíkja á þessa sýningu.
Svo er það hún Fríða Dís sem er með
sýningu sem heitir próf/tests og ég vil
ekki segja of mikið frá þeirri sýningu
en hún er afar áhugaverð. Svo er Sam-
starf Sossu og skáldsins Antons Helga,
þar verður mikið dularfullt að gerast
og er varla að ég geti sagt frá henni,
hún gæti verið bönnuð innan sextán.
Svo er Elísabet Ásberg með silfur-
sýningu. Á laugardeginum verða allir
kórarnir með tónleika, Skessan býður
upp á lummur og það er í raun og veru
endalaust af viðburðum hjá okkur“.

Öflug menningar og skemmtiveisla
„Ljósanótt er sér á parti með bæjar-
hátíðir því það hefur verið mikil
áhersla á menningu á okkar hátíð,
fólk dregur fram myndir til að sýna,
kemur fram og syngur eða spilar tón-
list, það að fólk skuli vera að gera
þetta í auknum mæli er náttúrulega
alveg stórkostlegt. Auðvitað erum
við líka með góða gesti, frægustu
stjörnur landsins eru meðal annars
að koma fram hjá okkur, við bjóðum
flottum gestum heim. Á laugardaginn
er Emmsjé Gauti, Jana María Guð-
mundsdóttir heimakona er að gefa út
nýjan disk, KK og Maggi Eiríks koma
fram og Valdimar ásamt hljómsveit
spilar sína tónlist. Jón Jónsson mun
síðan spila fyrir okkur eftir flugeda-
sýninguna“.
Nú er hætt að sleppa blöðrum við
setningu Ljósanætur og fornbílar
hættir að aka niður Hafnargötuna,
ýmsu hefur verið breytt í gegnum árin
og margir ósáttir við bann aksturs
fornbílanna, hvernig bregðist þið við
því?
„Við lifum í breyttum heimi og ef
lögreglustjórinn leggur það til við
öryggisnefnd að við leggjum niður
akstur fornbíla niður Hafnargötuna
þá hættum við því. Ljósanæturnefnd
tekur ekki á sig þá ábyrgð og eflaust má
ræða það fram og til baka hvort þetta
sé tímabært eða ekki en við gerum
þetta í samráði við öryggisaðilana og
við erum að halda þessa hátíð í sam-
ráði við lögreglu, björgunarsveitir og
brunavarnir og aðra aðila. Við förum
eftir því og tökum tillit til þess sem
okkur er sagt. Það er eitthvað fyrir alla
á hátíðinni og ég vona að eigendur
gamalla bíla geti komið án þess að
keyra niður Hafnargötuna en þeir eru
með stað fyrir bílana sína við DUUS
hús og ég veit að það myndu margir
sakna þeirra því þetta hefur alltaf set
góðan svip á hátíðina.“
Veðurguðirnir vonandi hliðhollir
Hvernig verður veðrið, eruð þið
búin að ræða við veðurguðina?
Það hefur einn aðili tekið það að sér
að sjá um veðurmálin fyrir okkur og
hefur það gengið vel hingað til, Ás-
björn Jónsson sviðsstjóri stjórnsýslu-
sviðs stóð sig glimrandi vel á síðasta
ári og ég treysti því að hann standi sig
núna eins og þá,“ segir Valgerður kát.
Það er eitthvað fyrir alla á 18. Ljósanótt
●● Þetta●gengur●alltaf●betur●og●betur●hjá●okkur●með●hverju●árinu●sem●líður●-●segir●Valgerður●Guðmundsdóttir●framkvæmdastjóri