Víkurfréttir - 30.08.2017, Síða 42

42 miðvikudagur 30. ágúst 2017VÍKURFRÉTTIR
FRÉTTAVAKT ALLAN
SÓLARHRINGINN
Í SÍMA 898 2222
Söngvaskáld á Suðurnesjum höfðu
veg og vanda af dagskránni en þau
hafa kynnt tónlistararf Suðurnesja-
manna fyrir fullu húsi undanfarin ár.
Dagný Gísladóttir sagði frá tónlist og
lögum þeirra systkina en tónlistar-
flutningur var í höndum Arnórs B.
Vilbergssonar og Elmar Þórs Hauks-
sonar.
Að sögn Dagnýjar kom þessi góða
þátttaka þeim í opna skjöldu en ekki
komust allir inn í Kirkjuvogskirkju
þar sem dagskráin hófst.
„Því miður komust ekki allir inn í
kirkjuna og þó var hún svo þétt setin
að setið var við grátur og á gólfi,“ sagði
Dagný en hún sagði frá uppvexti og
tónlistarferli systkinanna sem verður
að teljast einstakur. „Það var gaman
að segja frá því að tónlistin var rík
í fjölskyldu þeirra systkina en Fríða
móðir Vilhjálms söng með kirkju-
kór Kotvogskirkju um árabil og Vil-
hjálmur faðir þeirra spilaði á nikku.
Móðir þeirra rak jafnframt bókasafnið
á staðnum og þegar Vilhjálmur var 10
ára hafði hann lesið allan bókakostinn
og flokkað hann.Það er vel við hæfi
enda var hann alltaf mikið textaskáld
og má þar nefna textann við lagið
skýið sem Björgvin Gíslason samdi
svo fallegt lag við eftir hans dag.“
Ellý var byrjuð að syngja opinber-
lega þegar Vilhjálmur var aðeins 8 ára
gamall en þau sungu inn á nokkrar
plötur saman sem í dag eru orðnar
sígildar. Að sögn Dagnýjar var Ellý
uppátækjasöm.
„Hún átti til að mynda apann Bongo
sem hún flutti inn ólöglega en sá api
vann sér það seinna til frægðar að vera
apinn í Hveragerði sem margir gerðu
sér ferð til að sjá. Apinn var stundum
í pössun á Merkinesi, á æskuheim-
ili þeirra systkina og þar þótti hann
skemmtilega uppátækjasamur, en
hann lyktaði víst illa.“
Gengið var úr kirkjunni í átt að Merki-
nesi, æskuheimili þeirra systkina og
var lagið tekið á leiðinni. Á Merkinesi
tók núverandi ábúandi, Bjarni Mar-
teinsson, á móti göngufólki. Bjarni
ólst upp á Merkinesi og gat því sagt
sögur frá æsku þeirra Vilhjálms.
„Það var ekki erfiðleikum bundið að
finna Vilhjálm því hann var alltaf gól-
andi,“ sagði hann. Þá hefði ég nú aldrei
trúað því að hann yrði seinna þekktur
söngvari enda fannst mér hljóðin í
honum ekki svo falleg,“ sagði Bjarni
og uppskar mikil hlátrasköll göngu-
gesta. Bjarni sagðist heldur ekki hafa
trúað því að áratugum seinna væru
200 manns mættir á hlaðið á Merki-
nesi til að minnast þeirra systkina.
Dagný sagði að lokum að saga Vil-
hjálms og Ellýjar væri einnig saga
Suðurnesjamanna og það væri mikil-
vægt að hlúa að þeirri sögu og vera
stolt af henni.
Vilhjálmur var alltaf gólandi
●● Gengið●um●æskuslóðir●Vilhjálms●og●Ellýjar●frá●Merkinesi
Metþátttaka var í söngvaskáldagöngu Útivistar Geopark en alls
mættu 200 manns til þess að hlýða á sögur og söng þeirra systkina
Vilhjálms og Ellýjar í Merkinesi.