Víkurfréttir - 30.08.2017, Blaðsíða 38
38 miðvikudagur 30. ágúst 2017VÍKURFRÉTTIR
FRÉTTAVAKT ALLAN
SÓLARHRINGINN
Í SÍMA 898 2222
■ Á Ljósanótt fer fram sýningin Blossi í Bíósal Duus
Safnahúsa. Sýningin er samvinna myndlistakonunnar
Sossu og ljóðskáldsins Antons Helga Jónssonar. Sossa er
ein af okkar fremstu myndlistarmönnum og hefur verið
með sýningar um allan heim. Anton Helgi Jónson hefur
gefið út fjöldann allan af ljóðabókum ásamt sviðsleik-
verkum og þýðingum á leikverkum.
Á sýningunni eru málverk eftir Sossu og innrömmuð ljóð
eftir Anton Helga Jónsson sem snúast um ástar- og hlutver-
kaleiki kynjanna. Ljóðin verða ekki við myndirnar þannig
að gestir geta upplifað ljóðin og myndirnar í sitt hvoru lagi
en gestir geta tengt ljóðin og myndirnar saman. Sossa og
Anton Helgi eiga það sameiginlegt að hafa bæði velt fyrir
sér margbreytileika mannlífsins, hún í málverkum og hann
í ljóðum. Með bros á vör og lífsgleðina að leiðarljósi hafa
þau dregið upp myndir af alls konar fólki í verkum sínum.
„Við ákváðum að vinna saman að sýningu með erótískum
undirtón, það er mikill leikur og gleði í sýningunni. Það
er hugmynd að gestir finni blossann í ljóðunum og mynd-
unum. Við vitum ekki til þess að þetta hafi verið gert á
þennan hátt áður,“ segir Anton Helgi.
„Efniviðinn sæki ég í ljóðin frá Antoni sem ég túlkaði með
því að mála mynd eftir því sem ég sé út úr þeim. Málverkin
eru ekki hugsuð sem myndskreyting við ljóðin heldur verk
sem sprottin eru af sama eða svipuðum blossa. Við höfum
bæði velt fyrir okkur margbreytileika mannlífsins á sitt
hvorn hátt,“ segir Sossa.
Listamennirnir vilja láta reyna á það hvernig málverk og
ljóð geta hvort á sinn hátt miðlað heitum tilfinningum;
ástarblossa milli karls og konu, karls og karls, konu og
konu. Hverju miðlar málverkið? Hverju miðlar ljóðið?
Hvað er mynd í ljóði? Hvað er ljóð í mynd?
Sýningin opnar fimmtudaginn 31. ágúst kl. 18 og er opið
til 20. Á Ljósanótt verður opið frá 12 til 18 alla dagana.
Sýningin stendur í sex vikur eða til 15. október.
BLOSSI Á LJÓSANÓTT
Sossa og Anton
Helgi fyrir framan
hluta verkanna
●● Sossa●og●ljóðskáldið●Anton●Helgi●Jónsson●saman●með●sýningu.●Ljóð●og●myndlist●samtvinnuð
Björgvin Halldórsson tekur á móti
gestum og gangandi á Ljósanótt á sýn-
ingunni „Þó líði ár og öld“ sem opnuð
var í lok árs 2016 á Rokksafni Íslands
í Hljómahöll. Sýningin hefur slegið í
gegn hjá landsmönnum.
„Þarna er alveg glæsileg sýning og ég
er svakalega sáttur með hana. Bærinn á
þakkir skildar fyrir að halda úti svona
glæsilegu safni. Þarna getur fólk fengið
að sjá stóran hluta af gítarsafninu mínu,
viðtöl og persónulegar eigur,“ segir
Björgvin í samtali við Víkurfréttir, en
hann verður á Rokksafninu á laugar-
daginn næstkomandi klukkan 15 og 18.
„Ég verð bara svona safnvörður,“ bætir
hann við kátur.
Eins og flestum er kunnugt hefur Björg-
vin verið einn vinsælasti söngvari lands-
ins um árabil en hann hefur sungið með
fjölda hljómsveita í gegnum tíðina. Að-
gangseyrir á safnið er 1.500 krónur en
frítt er fyrir börn 16 ára og yngri í fylgd
með fullorðnum.
Bærinn á þakkir skildar
fyrir glæsilegt safn
●● Björgvin●Halldórsson●tekur●á●móti●gestum●í●
Hljómahöll●á●laugardag●á●Ljósanótt
Björgvin með þeim Inga Þór Ingibergssyni og
Tómasi Young, starfsmönnum Hljómahallarinnar.