Víkurfréttir - 30.08.2017, Blaðsíða 20
20 miðvikudagur 30. ágúst 2017VÍKURFRÉTTIR
FRÉTTAVAKT ALLAN
SÓLARHRINGINN
Í SÍMA 898 2222
„Þetta var ótrúlega venjulegur sunnu-
dagur og ekkert sem benti til þess að
ég væri að fara að eiga. Ég var bara í
göngutúr og heimsóknum. Klukkan
rúmlega sex finn ég svo að belgurinn
springur og um 40 mínútum síðar en
hann fæddur,“ segir Berglind.
Fæddist hjá foreldrun-
um í baðkarinu heima
Þorvaldur H. Bragason
og Berglind Skúla-
dóttir ásamt syninum
Skúla Þorvaldssyni.
●● Lítill●drengur●var●að●flýta●
sér●í●heiminn.●Foreldrarnir●
Berglind●Skúladóttir●og●
Þorvaldur●H.●Bragason●
segja●þægilegt●að●vera●í●
bæjarfélagi●þar●sem●maður●
þekkir●alla
■Valdi rétt náði að komast inn á bað til að vera viðstaddur fæðinguna. Hann var bara inni í eldhúsi að
elda súpu,“ segir Berglind Skúladóttir, en sonur þeirra Skúli Þorvaldsson, fæddist tveimur vikum fyrir
tímann í baðkarinu heima þann 16. júlí síðastliðinn. Foreldrarnir höfðu ákveðið að fæða hann heima, en
vegna þess hversu hratt sá litli vildi komast í heiminn komst ljósmóðirin ekki í tæka tíð til að vera við-
stödd fæðinguna.
Það leið ekki nema um það bil korter,
frá því að Berglind áttaði sig á því að
Skúli væri að fara að fæðast og þangað
til hann var kominn í heiminn. Að
sögn Þorvaldar tók fæðingin sjálf ein-
ungis um mínútu. „Það var svo gaman
að vera bara tvö. Þetta var mjög sér-
stakt. En það var líka rosa gott að vera
búin að undirbúa það að fæða hann
heima,“ segir hann, en að hraði fæð-
ingarinnar hafi hins vegar ekki verið
í kortunum. „Súpan sauð bara upp.“
Þetta var fjórða fæðing Berglindar, en
sú fyrsta sem átti sér stað heima fyrir.
„Það heillaði mig að fá að fæða í mínu
umhverfi. Við vorum búin að undir-
búa allt á heimilinu. Við leigðum
fæðingarlaug og ég var búin að sjá
fyrir mér að ég yrði bara í henni í tvo,
þrjá tíma að slaka á í stofunni. Þor-
valdur ætlaði að taka myndir, kveikja
á tónlistinni og svona,“ segir hún, en
enginn tími hafi þó gefist til þess og
Skúli litli fæðst á „núll einni“. „Ef ég
heyrði þessa sögu einhvers staðar þá
myndi ég halda að fólk væri að ljúga,“
bætir hún við.
Hjónin ákváðu að hringja á sjúkrabíl
eftir að Skúli fæddist til vonar og vara.
„Svo hringdum við í aðra ljósmóður
sem býr rétt hjá og bæði sjúkrabíllinn
og hún voru komin eftir nokkrar mín-
útur. Þá var klippt á naflastrenginn.
Það er mjög þægilegt að vera í bæjar-
félagi þar sem maður þekkir alla,“
segir Berglind.
Hún segist algjörlega mæla með
heimafæðingum og að hún myndi
kjósa þá leið aftur. „Það er aðeins farið
að aukast að konur fæði heima. Ég var
aldrei hrædd við það að fæða heima,
en ég veit ekki hvort ég hefði þorað
því í fyrstu fæðingunni. En við vorum
alveg ákveðin og róleg yfir þessu allan
tímann. Ég er líka hjúkrunarfræð-
ingur og Þorvaldur tannlæknir svo
við erum nú bæði svona heilbrigðis-
vön.“
Skúli Þorvaldsson hefur dafnað vel
og er duglegur að drekka og hvíla sig.
„Hann er eiginlega bara eftir bókinni.
Það eru allir alveg í skýjunum.“
„Við vorum búin að undirbúa allt á heimilinu.
Við leigðum fæðingarlaug og ég var búin að sjá
fyrir mér að ég yrði bara í henni í tvo, þrjá tíma
að slaka á í stofunni.“