Dagblaðið Vísir - DV - 02.03.2018, Qupperneq 12

12 2. mars 2018fréttir
Dalvegi 2, 201 Kópavogi Dalshrauni 13, 220 Hafnarfirði
eldbakaðar eðal pizzur
sími 577 3333
Æ
var Freyr Eðvaldsson
var stuttu fyrir áramót
dæmdur í tólf mánaða
fangelsi, þar af níu
mánuði skilorðsbundna, fyrir gróf
brot gegn fyrrverandi eiginkonu
sinni, Ingibjörgu Helgu Halldórs-
dóttur. Dómur Ævars Freys hefur
aldrei birst á vef dómstóla og furð-
ar Ingibjörg sig á því í samtali við
DV.
Ævar Freyr var dæmdur fyrir
kynferðislega áreitni, líkamsárás,
húsbrot, hótanir, ærumeiðingar
og ólögmæta nauðung en þarf þó
í mesta lagi að sitja í fangelsi í þrjá
mánuði, haldi hann skilorð. Hann
var líka ákærður fyrir nauðgun en
var sýknaður af henni, þó allt ann-
að í frásögn Ingibjargar hafi verið
samþykkt af dómara.
Ingibjörg segir í samtali við DV
að henni þyki Ævar raunar sleppa
ótrúlega vel frá málinu í ljósi þess
sem hún gekk í gegnum yfir langt
skeið. „Mér fannst hann sleppa af-
skaplega vel miðað við hvað hann
lét mig ganga í gegnum trekk í
trekk. Og svo fannst mér undarlegt
að hann var sýknaður af nauðgun
en dæmdur fyrir líkamsárás og
kynferðisbrot. Í ljósi #metoo-um-
ræðunnar þá hélt maður að þetta
yrði litið alvarlegri augum. En sumt
breytist seint,“ segir Ingibjörg.
Mörg brot einn sunnudag
Ákæra gegn Ævari Frey var í mörg-
um liðum og varðaði fjölmörg at-
vik sem áttu sér öll stað árið 2015.
Hann var dæmdur fyrir að hafa
sunnudaginn 22. febrúar það ár
áreitt Ingibjörgu með því að girða
niður buxur hennar, rífa af henni
nærbuxur og bol og svo strjúka ber
kynfæri hennar.
Ævar Freyr var enn fremur
dæmdur fyrir að hafa þetta sama
kvöld slegið hana þrisvar sinnum
með flötum lófa í andlitið og
nokkru síðar sparkað þrisvar
sinnum í bak hennar þar sem
hún lá í rúmi í svefnherbergi.
Hann herti svo peysu, sem Ingi-
björg klæddist, að hálsi hennar.
Að lokum ýtti hann henni á skáp í
svefnherbergi og hótaði að brjóta
á henni andlitið.
Sýknaður af nauðgun
Ævar Freyr var að lokum ákærð-
ur fyrir að hafa þetta sama kvöld
nauðgað henni, eftir að hann sló
hana en áður en hann sparkaði í
hana upp í rúmi. Hann var sýkn-
aður af þeim hluta ákærunnar.
Ingibjörg segir að hann hafi hót-
að henni að ef hún stundaði ekki
munnmök með honum myndi
hann nauðga henni í endaþarm-
inn.
Ólíkt öðrum liðum dómsins er
mörgum orðum varið í að túlka
það atriði og er sérstaklega talað
um að Ævar Freyr hafi þurft að
gera sér grein fyrir því að hún hafi
ekki verið samþykk mökum. Með
öðrum orðum þá er dæmt honum
í vil þar sem hann hafi mögulega
haft réttmæta ástæðu til að halda
að hún vildi eiga mök við hann.
Ævar Freyr var þó dæmdur fyrir
stórfelldar ærumeiðingar með
því að hafa eftir þessi mök hrækt
á fyrrverandi eiginkonu sína þar
sem hún lá á rúminu.
„Ég hafði ekkert val eftir að búið
var að rífa af mér fötin og ógna
mér. Ég gerði einfaldlega það sem
hann sagði mér. Ég þurfti bara að
komast lifandi frá þessu og kom-
ast út með börnin mín,“ segir Ingi-
björg.
Tvær árásir utan dyra
Ævar Freyr var dæmdur fyrir fleiri
brot en þau sem áttu sér stað 22.
febrúar. Hann var dæmdur fyr-
ir ólögmæta nauðung með því að
hafa utan dyra þann 26. apríl árið
2015 tekið utan um Ingibjörgu, lyft
henni upp, sett hana inn í bifreið
og reynt að loka bíldyrunum en
hún náði að koma í veg fyrir það
með að setja fót sinn fyrir hurðina.
Hann var svo dæmdur fyrir að
hafa í júlí 2015 veist að Ingibjörgu
utan dyra við Engihjalla í Kópa-
vogi. Ævar Freyr var dæmdur fyrir
að hafa hrint henni þannig að hún
féll á jörðina, gripið í kjálka henn-
ar og kreist, hrækt framan í hana,
tekið í hægri handlegg hennar
og snúið upp á handlegginn, rif-
ið í jakka hennar, þrýst henni upp
að vegg og tekið hana kverka-
taki. Nokkrum mánuðum síðar, í
september, réðst Ævar Freyr inn
á heimili þáverandi tengdamóð-
ur sinnar og veittist að Ingibjörgu.
Hann hrækti framan í hana og sló
hana með flötum lófa í andlitið.
Ingibjörg segir að dómurinn
sýni að nokkru leyti brotalamir ís-
lensks réttarkerfis. Ævar fær hvort
tveggja mjög stuttan dóm og hann
er sýknaður af nauðgun þótt dóm-
ur hafi talið allt annað sem gerð-
ist það kvöld sannað. „Mér finnst
mjög mikilvægt að vekja athygli á
því hvernig þetta kerfi ef. Það er
svo erfitt fyrir konur í minni stöðu
að halda svona út til lengdar og
verða svo fyrir vonbrigðum þegar
svona dómur fellur,“ segir Ingi-
björg. n
„Vonbrigði þegar
svona dómur fellur“
Sýknaður af nauðgun þótt dómari hafi metið að allt annað í framburði Ingibjargar stæðist
Ævar Freyr fékk stuttan dóm fyrir hrottalegt heimilisofbeldi:
Hjálmar Friðriksson
hjalmar@dv.is