Dagblaðið Vísir - DV - 02.03.2018, Blaðsíða 22

22 2. mars 2018fréttir
K
ristjón Benediktsson seg-
ir að tilkynning Silju
Daggar Gunnarsdóttur,
þingmanns Framsóknar-
flokksins, til lögreglu á meint-
um hótunum hans í hennar garð
sé einfaldlega kjánaskapur. Hún
greindi frá því vikunni að hún hafi
tilkynnt lögreglu um hótanir um
pyntingar en hún er fyrsti flutn-
ingsmaður framvarps sem bannar
umskurð drengja. Sitt sýnist hverj-
um um það frumvarp en Kristjón
er meðal þeirra sem fordæma það
fyrir gyðingahatur.
„Ég rakst á níð um sjálfan mig
á nokkrum stöðum, ásakanir
um athyglissýki, gyðingahatur,
heimsku, sveitamennsku (sem
mér finnst reyndar meðmæli) og
ýmislegt fleira miður fallegt. Sum-
um fannst við hæfi að stinga upp
á aðferðum til að meiða mig og
pynta. Ég hef látið lögregluna vita,
að sjálfsögðu,“ sagði Silja Dögg á
Facebook-síðu sinni.
„Hengja upp í
næsta ljósastaur“
Orðin sem Kristjón lét falla
á Facebook hljóðuðu svo:
„Það ætti að tjarga hana
og fiðra og hengja upp í
næsta ljósastaur svona
eins og í sólarhring,
þennan viðbjóðslega
gyðingahatara!“ Kristjón staðfestir
í samtali við DV að þingmaðurinn
hafi tilkynnt hann en hann frétti
sjálfur af því þegar lögreglumaður
hringdi í hann.
„Þetta er nú svo fáránlegt. Það
hringir í mig maður sem kynnir
sig sem rannsóknarlögreglumann
um tvö leytið í gær. Það var þessi
taktík: „Ég heiti þetta og
er rannsóknarlög-
reglumaður“
og svo kemur
þögn. Þetta
átti augljós-
lega að skjóta
mér skelk í
bringu. Ég
spyr hann
um erindið
og hann seg-
ist þurfa
að fá mig í
skýrslu gerð,“
segir Kristjón.
Hann segist
ekki hafa
haft tíma til að rjúka út á lögreglu-
stöð á miðvikudaginn og því hafi
niðurstaðan orðið sú að lögreglu-
maðurinn myndi hringja aftur,
sem hann hafði ekki gert síðdegis
á fimmtudag.
Með ólíkindum
Kristjón furðar sig á því að stuttu
síðar mætir Silja Dögg í
Reykjavík síðdegis og
fullyrðir að lögreglan
muni hafa samband
við hann og hafi
staðfest að um
væri að ræða
netníð. „Hvað
er eiginlega í
gangi? Getur
þingmaður
farið til lög-
reglu og feng-
ið mál afgreitt
á nokkrum
mínútum?
Getur hún látið
hringja í fólk
úti í bæ
eftir pöntun? Þetta er með ólíkind-
um. Ljóst er að ef hún er að segja
satt, þá þarf að rannsaka starfs-
hætti lögreglu. Það embætti sting-
ur niður í skúffu svo mánuðum
skiptir alvarlegri kæru um mis-
notkun á börnum af starfsmanni
hins opinbera kerfis, en afgreiðir
mál hennar á nokkrum mínútum,“
segir Kristjón.
Stendur við orð sín
Kristjón segist mótmæla því harð-
lega að ummæli hans séu net-
níð eða hótun. Hann viðurkennir
þó fúslega að hann hafi tekið
harkalega til orða. „Ég kalla hana
gyðingahatara og stend við það.
Hún fellur nákvæmlega undir
þá skilgreiningu. Þetta frum-
varp snýr að forsendu gyðingdóms
en það er enginn umskorinn á Ís-
landi. Með því að setja lög á þetta
hér á landi er verið að meina þess-
um trúarhópi að setjast hér að.
Þetta er rasismi af verstu gerð,“
segir Kristjón.
Hann fullyrðir að fyrrnefnd
ummæli beinist ekki beint að Silju
Dögg heldur gyðingahöturum
almennt: „Ég er ekki að fjalla
um hennar persónu sem slíka,
gyðingahatara á að tjarga og fiðra
og hengja í staur. Ég er að tala um
hana sem gyðingahatara. Þetta
er bara hlægilegt og það verður
aldrei nokkurn tímann neitt úr
þessu máli. Þetta er bara hlægilegt
brölt hjá kjána.“ n
„Hlægilegt brölt hjá kjána“
Silja Dögg Gunnarsdóttir tilkynnti Kristjón Benediktsson fyrir netníð „Það
ætti að
tjarga hana og
fiðra og hengja
upp í næsta
ljósastaur
Hjálmar Friðriksson
hjalmar@dv.is
Misboðið Kristjón segir tilkynningu Silju
Daggar hlægilegt brölt.
Fór til lögreglu Silja Dögg tilkynnti
ummæli Kristjóns til lögreglu.
Sætoppur ehf. l Lónsbraut 6 l 220 Hafnarfirði l Sími 551 7170 l www.saetoppur.is