Morgunblaðið - 21.09.2017, Qupperneq 10

10 FRÉTTIRInnlent
MORGUNBLAÐIÐ FIMMTUDAGUR 21. SEPTEMBER 2017
SVIÐSLJÓS
Ómar Friðriksson
omfr@mbl.is
Fyrir liggur eftir stjórnarslitin að
ekki verður leyst með lagasetningu á
næstunni úr djúpstæðum ágreiningi
ASÍ og Samtaka atvinnulífsins við
Fjármálaeftirlitið um hvort flytja má
tilgreinda séreign sjóðfélaga lífeyris-
sjóða frá þeim sjóði sem tekur við ið-
gjaldi til skyldutryggingar. ASÍ og
SA höfðu reiknað með því að leyst
yrði úr þessari deilu með frumvarpi
fjármálaráðherra á haustþinginu en
það var tilbúið sl. vor.
Þorbjörn Guðmundsson, formaður
stjórnar Landssamtaka lífeyrissjóða,
segir mjög slæmt að þetta skuli drag-
ast svona og nú sé orðið líklegt að
ástandið verði óbreytt næstu mánuði.
Rætt í miðstjórn í gær
„Við höfðum fyrirheit fráfarandi
ríkisstjórnar og fjármálaráðherrans
um að þetta yrði eitt af fyrstu málum
á þingi. Nú er þetta orðin fullkomin
óvissa vegna þess að ríkisstjórnin er
fallin,“ segir Gylfi Arnbjörnsson, for-
seti ASÍ, um þá stöðu sem upp er
komin. Ræða átti þetta mál í mið-
stjórn ASÍ í gær.
Eins og fram hefur komið tilkynnti
FME í sumar að sjóðfélagar hefðu
fullan rétt á að ráðstafa iðgjaldinu til
annarra en þess lífeyrissjóðs sem
tekur við iðgjaldi þeirra vegna sam-
tryggingar. Því mótmæltu ASÍ og
SA. Sjö lífeyrissjóðir starfa á samn-
ingssviði ASÍ og SA.
,,Það er alveg ljóst að samkvæmt
kjarasamningi ASÍ og SA var það
áskilið að þörf væri á því að setja um
þetta lög. Nú hefur Fjármálaeftirlitið
tekið upp mjög harða túlkun á þessu
og í reynd túlkað þetta með þeim
hætti að það sé búið að taka úr hönd-
um Alþýðusambandsins samnings-
rétt um lífeyrismál,“ segir Gylfi.
Hann gagnrýnir túlkun FME og
segir hana ekki ganga upp vegna
þess að lögin um skyldutryggingu líf-
eyrisréttinda og starfsemi lífeyris-
sjóða kveði á um lágmarkstrygginga-
verndina. ASÍ og SA hafi frelsi til að
semja um lífeyrisréttindi sem eru
umfram þau lágmarksréttindi sem
lögin fjalla um.
,,Þetta er í sjálfu sér ekki deila um
vörslu fjár. Við höfum áhyggjur af því
hvernig halda á utan um inn-
heimtuna. Lífeyrissjóður þarf t.d. að
vita hvort hann á að innheimta hjá
fyrirtækjum sem ekki greiða á gjald-
daga 12% eða 15,5%. Það má ekki
vera einhver vafi um þetta.“
Gylfi segir að sér sé nokkuð sama
um með hvaða hætti frjálsir sjóðir
eða aðrir lífeyrissjóðir haga þessum
málum. ,,En við teljum okkur ennþá
hafa forræði um að semja um með
hvaða hætti lífeyrissjóðir á samnings-
sviði Alþýðusambandsins vinna að
því sem snýr að réttindum umfram
lágmarkið.“
Afleiðingar þess geta orðið miklar
að lagasetning er ekki í sjónmáli og
ágreiningurinn er óleystur. ,,Nú er
ríkisstjórnin fallin og þessi lög verða
ekki sett og það er ljóst að það er
mjög mikil lagaleg óvissa um málið. Í
samningi Alþýðusambandsins um
þetta segir að ef ekki næst samkomu-
lag um setningu laga til þess að gera
þetta kleift, þá muni iðgjaldið einfald-
lega renna til samtryggingar,“ segir
Gylfi. ,,Það er því búið að setja þetta
mál í algjört uppnám,“ bætir hann
við.
Margir gætu staðið frammi
fyrir því að missa þessi réttindi
Gylfi segist ekki geta svarað því
hér og nú hver niðurstaðan verði.
,,Reyndar gerir túlkun FME það að
verkum að mér finnst mjög erfitt fyr-
ir okkur að vera í forsvari fyrir að hún
verði við lýði, sem leiðir til þess að
fjöldi manns gæti staðið frammi fyrir
því að missa þessi réttindi frá sér ein-
faldlega vegna þess að enginn muni
geta fylgst með því hvort [framlagið]
er innheimt eða ekki. Það er verið að
setja þessi réttindi í algjört uppnám
því við megum ekki beita þeim eft-
irfylgniaðferðum sem kjarasamning-
ur okkar hefur tryggt með mjög góð-
um árangri.“
Annast innheimtu fyrir aðra
Þorbjörn tekur í sama streng að
ágreiningurinn á milli ASÍ og SA
annars vegar og FME hins vegar sé
með öllu óleystur. Hann snúist í
grundvallaratriðum um hvort sam-
tökin á vinnumarkaði geti bundið
þessa tilgreindu séreign við sam-
tryggingarsjóð með kjarasamningi.
,,Það eru auðvitað minni líkur á því
núna að frumvarp komi fram í haust
til afgreiðslu,“ segir hann.
Eins og staðan er í dag séu sam-
tryggingarsjóðirnir að verða hálf-
gerðir innheimtuaðilar fyrir ein-
hverja aðra vörsluaðila.
Segir réttindi í algeru uppnámi
 Ljóst er orðið að ekki verður leyst með lagasetningu í haust úr ágreiningi ASÍ og SA við FME um
tilgreindu séreignina  „Fullkomin óvissa vegna þess að ríkisstjórnin er fallin,“ segir forseti ASÍ
Morgunblaðið/Eggert
Á vinnumarkaði Þúsundir launamanna hafa frá því í sumar óskað eftir að
viðbótariðgjald launagreiðenda, sem hækkar í 3 skrefum, fari í séreign.
Mega flytja séreign
» Einstaklingum á almenna
markaðinum er heimilt að ráð-
stafa að hluta eða fullu auknu
framlagi launagreiðenda í líf-
eyrissjóði í tilgreinda séreign.
» Fjármálaeftirlitið segir að
sjóðfélagar ráði sjálfir í hvaða
séreignarsjóð þeir vilja ráð-
stafa þessu viðbótariðgjaldi.
» SA og ASÍ eru ósátt við
þessa túlkun og hafa gengið út
frá að greitt verði úr deilunni
með stjórnarfrumvarpi í haust,
sem samkomulag hafi náðst
um við stjórnvöld.
Sigurður Bogi Sævarsson
sbs@mbl.is
Bjarki Þór Sigurðarson er ungur
maður stórra drauma sem er ný-
byrjaður í flugnámi. Það kostar
skildinginn sinn en blaðburðurinn
hefur bjargað málum. Bjarki og
Ragna Kristbjörg Rúnarsdóttir
móðir hans hafa frá 2014 saman
borið Morgunblaðið í hús við Bolla-,
Leiru- og Skeljatanga í Mosfellsbæ
og safnast þegar saman kemur.
Hækkaði um hver mánaðamót
„Við mæðginin settumst niður og
hringdum í Moggann og fengum
uppgefið hver mánaðarlaunin yrðu
um það bil í einu hverfi sem var
laust. Okkur reiknaðist til að það
tæki okkur um þrjú ár að vinna fyr-
ir einkaflugmannsnáminu, sem þá
var rétt rúm 1,3 milljónir króna. Við
ákváðum að slá til og taka starfið,“
sagði Rúna í samtali við Morg-
unblaðið.
Bjarki segir það hafa verið
ánægjulegt að sjá upphæðina inni
bankabókinni hækka um hver mán-
aðamót og það hafi í raun eflt sig.
„Nú í sumar voru komin þrjú ár í
starfinu og við komin með upphæð-
ina. Þá hafði upphæðin sem námið
kostar reyndar hækkað um 200 þús-
und krónur frá því ég kannað málið
fyrst. Því var ekkert annað í boði en
að halda blaðburðinum áfram og ná
inn þessum tvö hundruð þúsund
krónum sem þurfti í viðbót, segir
Bjarki. Hann er á náttúrufræði-
braut Framhaldsskólans í Mos-
fellsbæ og nú í vikulokin byrjar
hann á bóklegu flugnámskeiði.
Verklegi hlutinn, það er 45 flug-
tímar í loftunum bláu, byrjar svo í
vor og að honum loknum fær Bjarki
einkaflugmannsprófið gangi allt að
óskum. Samanlagt kostar þetta allt
um 1,5 milljónir króna – og í það
fara blaðburðarpeningarnir.
Skarpari sýn og
ábyrgðartilfinning
„Ég sem móðir er ekki í vafa um
að krakkar hafa gott af því að setja
sér markmið og vinna að þeim, ann-
aðhvort sjálf eða í samvinnu við for-
eldra sína. Hjá okkur Bjarka er
skiptingin sú að við berum blaðið út
sinn daginn hvort – og förum saman
þegar blaðinu er dreift í hvert hús.
Þetta er hressandi göngutúr í morg-
unsárið; lagt af stað klukkan sex,
komið heim um klukkan sjö og svo
er það vinna eða skóli klukkustund
síðar, segir Ragna – sem finnst
þetta starf hafa gefið syni sínum
skarpari sýn á markmið sín í leik og
starfi – auk þess sem ábyrgðar-
tilfinning hans hafi alveg klárlega
eflst.
„Þetta hefur mikið uppeldislegt
gildi svo ég tali nú ekki um ánægj-
una sem skapast þegar barn og for-
eldri vinna saman að markmiðinu.
Þetta eru í raun og veru algjörar
gæðastundir. Ein og hálf milljón
króna eru sannarlega peningur sem
maður hirðir ekki upp úr götunni en
er hægt að eignast með því að fara
klukkustund fyrr en ella á fætur á
morgnana. Blaðburðurinn er heldur
ekki mikil fyrirhöfn þegar allt kem-
ur til alls, fyrir svo utan að útiveran
og göngutúrinn eru eiginlega bónus.
Vinir Bjarka Þórs fóru að bera út
blöð þegar þeir fréttu af okkur –
það er að launin væru ágæt og fyr-
irhöfnin í starfinu væri lítil. Þetta er
í raun alveg tilvalið starf fyrir
krakka og foreldra þeirra – og alltaf
vantar blaðbera til starfa hefur mér
skilist,“ segir Ragna um þetta
skemmtilega samstarf þeirra
Bjarka Þórs.
Morgunblaðið/Sigurður Bogi
Samvinna Ragna Kristbjörg Rúnarsdóttir og Bjarki Þór Sigurðarson bera
út Morgunblaðið í nokkrum götum í Tangahverfinu í Mosfellsbænum.
Ætlar að borga flugnám
með blaðburðarlaunum
 Mæðgin í Mosfellsbænum hjálpast að með Morgunblaðið
Nýjar vörur í hverri viku
Holtasmári 1
201 Kópavogur
sími 571 5464
Str. 38-52
Úrval af vinnufatnaði fyrir
eldhús og veitingastaði
Bómullarbolir, svuntur og mikið af
fatnaði sem þolir 95° þvott
og þarf ekki að strauja
Vinnufatnaður
og skór
25090
Str. 36-42
920070 - Leður
-42
920080 - Leður
Str. 40-46
...Þegar þú vilt þægindi
Str. 36
Bonito ehf. • Friendtex • Praxis
Faxafen 10 • 108 Reykjavík • sími 568 2870 • www.friendtex.is •www.praxis.is
Opið mánudaga og miðvikudaga kl. 11-17 og fimmtudaga kl. 16-18